LUKE 1:17 - Hakcipta - Biatah Bidayuh

¹⁷ Ayŭh re panu diŭ so Tuhan, bake buang bikuasa mun nabi Elijah. Ayŭh re bada bara sama ngga bara anak bidamai; ayŭh re marik daya adi tangek pari tunda pikir daya tŭnggŭn; ayŭh re sidia daya yŭn Tuhan.”

LUKE 1:17 ပူးပေါင်းရင်းမြစ်များ

1 RAJA 17:1

Ndi naan nabi dŭn Elijah, so Tishbe di Gilead, nang di Raja Ahab, “Ngga adŭn TUHAN, Tapa Israel adi udip, adi aku yŭn bituan, aku kidaan di kuu re mating sipot-abun bait ujen sitŭkŭd duwŭh puan kah taruh sawa ndŭg ka andu adi ngga aku kidaan-i re agi.”

1 RAJA 18:18

“Aku dŭh pimito,” Elijah nam. “Kuu kidŭ-i. Kuu ngga sama mu. Kuu nyibireu pesan TUHAN ka nyambah tibudo Baal.

1 RAJA 21:20

Kan Ahab kiris Elijah, ayŭh nang, “Madin kuu mbŭh dapŭd aku, pinganyu!” “Sawŭ,” Elijah nam. “Kuu mbŭh siraru ndai sarah di sirung jawin TUHAN.

2 RAJA 1:16

ka-i nang di ayŭh, “Ati inŭh kayuh adi TUHAN nang: ‘Sabab kuu pait pinyisung bada di siken Baalzebub, tapa di Ekron — mun adi mating Tapa di Israel yŭn bisiken — kuu dŭh re bua; kuu re kabŭs!’ ”

1 KRONIKEL 29:18

TUHAN Tapa bara babuk ami Abraham, Isaac, ngga Jacob, nagap daya Mai bada adu adu mun ati ka bada ngara adu adu tŭtŭd di Kaam.

2 KRONIKEL 29:36

Raja Hezekiah ngga bara daya mbŭh gaŭn, sabab Tapa mbŭh turung ngara ndai sopŭrŭg kayuh anŭ ngga rikas.

MAZMUR 10:17

Kaam re dingah, O TUHAN, dua daya adi pirapat adŭp; Kaam re nggen pingatat di ngara.

MAZMUR 111:10

Aran ngga jadi bijak inŭh stabi di TUHAN; Ayŭh nggen atin mirati di ngara adi dingah pesan-I. Ayŭh dog stabi ndŭg situi tui.

MAZMUR 78:8

Ngara dŭh re mun tayung-babuk ngara adi an birawan ka adi dŭh an dingah pinganang, adi dŭh sukup sabah di Tapa ka adi dŭh tui tŭtŭd di Ayŭh.

ISAIAH 29:24

Daya budo re birajar mirati, ka ngara adi ari bibatah re suka dog ngajar.”

AMOS 4:12

“Ngapŭi meh, daya Israel, Aku re ngukum angān. Ka sabab Aku re ngukum angān, sidia meh adŭp ngan!

MATTHEW 11:14

ka kambŭi angān an sabah pinganang ngara, John inŭh Elijah, adi ko dog ninjau pimandŭg-i.

MATTHEW 14:4

Amai John Pembaptisa ko ari nyara Herod, nang-i, “Dŭh-i batur kuu tambit Herodias ndu sawŭn!”

MATTHEW 3:3

John inŭh sianŭ adi nabi Isaiah nang kan ayŭh minyu nang, “Agi daya nyirais di tarun tana-pajam, ‘Sidia aran yŭn Tuhan; bada tŭnggŭn aran yŭn-I panu!’ ”

MATTHEW 3:4

Piraka John dog ndai so buruh onta; ayŭh pakai bŭŭng kupong dog ndai so anyit, ka pinguman-i kadis ngga ju banyis tarun.

LUKE 1:16

ka ayŭh re taban bagŭ daya Israel pari ka Tuhan adi Tapa ngara.

LUKE 1:76

“Kuu nak, re dog kadŭn nabi Tapa adi Sambu Sopŭrŭg. Kuu re panu diŭ so Tuhan di sidia aran yŭn-I,

JOHN 1:13

Ngara dŭh jadi anak Tapa mun gaya manusia jadi anak sama-i so tibiat manusia; adŭp Tapa inŭh Sama ngara.

JOHN 1:34

Aku mbŭh kiris kayuh ati,” John nang, “ka aku kidaan di angān Ayŭh inŭh Anak Tapa.”

JOHN 3:28

Adŭp ngan puan aku ko nang, ‘Aku dŭh Kristus, pak mbŭh dog pait diŭ so Ayŭh.’

PINGANDAI 10:33

Jadi aku rasu pait daya da di jiroh kaam, ka kaam mbŭh raru kana gŭh an mandŭg. Ka madin kieh sopŭrŭg agi digiti di sirung jawin Tapa, an dingah kayuh adi Tuhan mbŭh bada kaam nang.”

ROME 9:23

Ka Ayŭh raan gŭh kiren kaya bragah-I, adi dog ren di tunduh ta adi mbŭh tibaran yŭn-I masi, sinadan ata adi-I mbŭh sidia da kambat bragah-I.

2 TIMOTHY 2:21

Ngara adi bada adŭp-i bisig so sopŭrŭg kayuh adi arap anŭ, re dog guna yŭn tujuan adi bragah, sabab ngara mbŭh nyerah adŭp-i yŭn guna Tuan-i, sidia an dog pakai yŭn sopŭrŭg pingandai kana.

1 PETER 2:9

Pak angān inŭh bangsa adi ko dog mien, imam imam Raja, bangsa adi kudus, daya adŭp Tapa, dog mien da piagah pingandai bās Tapa, adi bagan angān so karŭm da mŭrŭt sangŭn jawa-I.

1 JOHN 2:28

Sawŭ, bara anak ku, angān bijijŭ meh darŭm udip ndi ngga Ayŭh, isa di andu Ayŭh nandŭng, ata re pus ka dŭh sukan adŭp ta darŭm mangŭh so Ayŭh di Andu Ayŭh mandŭg.

PINANDŬNG 20:4

Komŭnŭ aku kiris takta takta, ka sopŭrŭg adi guru dieh dog nggen kuasa ngga nggen bisara. Aku kiris gŭh simangi ngara adi ko dog nggen ukum kabŭs sabab ngara piagah ajar adi sawŭ adi Jesus ko pinandŭng ka sabab ngara ngajar pinganang Tapa. Ngara mating nyambah dāng anŭ bait tibudo-i, dŭh gŭh kambat tandā dāng anŭ di arŭ puan kah di tangan ngara. Ngara udip dinge ka keya ka raja mritah ngga Kristus sitian siribu sawa.

1 SAMUEL 7:5

Komŭnŭ Samuel bagan sopŭrŭg daya Israel bada tikuruk di Mizpah, nang, “Aku re bidua ka TUHAN yŭn ngan diginŭ.”