LEVITICUS 8:8 - Hakcipta - Biatah Bidayuh

⁸ Ayŭh kasŭk gŭh tutu-sudo di Aaron, ka na Urim ngga Thummim darŭm tutu-sudo anŭ.

LEVITICUS 8:8 ပူးပေါင်းရင်းမြစ်များ

EZRA 2:63

Gabenor daya Jahudi kidaan di ngara nang ngara dŭh siŭn man pinguman adi dog jugan ka Tapa ndŭg ka mbŭh agi ndi naan imam adi dapŭd pakai Urim ngga Thummim.

NEHEMIAH 7:65

Gabenor daya Jahudi kidaan di ngara nang ngara dŭh siŭn man pinguman adi dog jugan ka Tapa ndŭg ka mbŭh agi ndi naan imam adi dapŭd pakai Urim ngga Thummim.

PINYIRUAH 29:1

“Ati inŭh kayuh adi kuu patut ndai di Aaron ngga bara anak dari-i ngga nyikudus ngara da jadi imam yŭn Ku. Tambit ndi pŭrŭng anak dari sapi ka duwŭh pŭrŭng dari biri adi pidanah.

RAGU 8:6

Nyikŭn aku sadi darŭm atin mu; dŭhnyah dakŭp dayung bŭkŭn adŭ-i aku. Pinyiawang inŭh bikuasa mun pinyikabŭs; pinyiripong pŭrŭng inŭh bake mun adŭp pinyikabŭs. Ayŭh bisa rutop jadi apui ka badang kayuh mun apui adi bijagu.

ISAIAH 59:17

Ayŭh re pakai pinyitŭnggŭn ndu jipo basi ka kuasa nyiramat ndu tupi basi. Ayŭh re kibarui adŭp-I ngga pinyiraan an bada kayuh batur, ka ngukum ka ngatur diki adi sarah.

PINYIKIANG 27:21

Ayŭh re bisangan di imam Eleazar adi puan pinyiraan Ku pakai urim ngga Thummim. Simŭnŭ inŭh Eleazar re ngatur Joshua ngga sopŭrŭg daya Israel, di tadŭ tadŭ gaya aran pimudip ngara.”

EPHESUS 6:14

Jadi sidia meh adŭp ngan, ka pakai ajar adi sawŭ pasar Tapa ndu abŭt kupong dog ngabŭt tagap di kupong ngan, ka pinŭnggŭn ndu basi pinapas sudo ngan,

DITRONOMI 33:8

Pasar tibaran-asar Levi, ayŭh nang: “Kaam, TUHAN, kiren pinyiraan Mai so kuasa Urim ngga Thummim so ka urun Mai daya Levi adi tŭtŭd; Kaam mbŭh suba ngara di Massah ka di piin Meribah Kaam mbŭh natu ngara sawŭ.

1 THESSALONICA 5:8

Pak ata mbŭh tung jawa sandu, ka ata patut udip tirase. Ata dŭh siŭn dŭh pakai pinyabah ngga pinyirindu ndu basi pinapas sudo, ka pingarap ta di pinyiramat ndu ta tupi basi.

1 SAMUEL 2:28

So sopŭrŭg tibaran-asar Israel, Aku mbŭh mien rawang-i bada jadi bara imam Ku da ndai kraja di mija-sambah, badang kimanyan, ka nēn efod kan bisiken pasar kayuh ngga Aku. Ka Aku nggen di ngara hak tambit utung ngara so sadis sadis adi dog badang di mija-sambah.

1 SAMUEL 28:6

ka ayŭh rasu siken TUHAN ani re-i ndai. Pak TUHAN taŭn dŭh adŭ nam ayŭh, bait-i pakai pŭmŭh, puan kah pakai Urim ngga Thummim, puan kah so baba nabi.