Ngga banang buruh biri adi biru, bēng, ka bireh, ngara ndai piraka adi sangŭn adi re bara imam nēn kan ngara nyiraja di Yŭn Kudus. Ngara ndai piraka imam yŭn Aaron, nanyam adi TUHAN ko pesan di Moses.
Nimun adi TUHAN ko pesan di Moses, ngara mŭŭng sigarong tutu-sudo anŭ di sigarong efod ngga taris adi biru, isa tutu-sudo bisangan di sambu abŭt kupong anŭ ka dŭh rudos.
ka bŭŭng kupong so banang linen adi duduh ka so banang buruh biri adi biru, adi bēng, ka bireh, adi dog ngabuh ngga butik bunga jiit, nimun adi TUHAN ko pesan di Moses.
Ko anŭ, Moses taban bara anak dari Aaron ka kasŭk jipo di ngara ka bŭŭng kupong di kupong ngara, ka na tupi di ubak ngara nanyam anŭ adi TUHAN ko pesan.
Komŭnŭ Moses tambit isin sudo dāng anŭ rasu jugan-i ndu pinganggen adi grua ka TUHAN. Anŭ inŭh mbŭh utung Moses so dari biri adi dog jugan yŭn pinyigarar imam. Moses ndai sopŭrŭg anŭ nanyam adi TUHAN ko pesan.
Angān dŭh siŭn dŭh rŭŭ di rawa tiban Bari TUHAN sandu singarŭm ndŭg ju andu ndai kraja adi TUHAN ko pesan. Kambŭi angān dŭh tunda atur anŭ, angān re kabŭs. Ati inŭh kayuh adi TUHAN ko pesan di aku.”