LEVITICUS 7:19 - Hakcipta - Biatah Bidayuh

¹⁹ Kambŭi dagin anŭ adi dog nyingŭg tadŭ tadŭ kayuh adi kais nanyam ka adat, dagin anŭ dŭh siŭn dog man, ka dŭh siŭn dŭh dog badang. Tadŭ tadŭ so angān adi bisig nanyam ka adat siŭn man dagin anŭ,

LEVITICUS 7:19 ပူးပေါင်းရင်းမြစ်များ

LEVITICUS 6:27

Tadŭ tadŭ daya puan kah kayuh bŭkŭn adi tama dagin dāng anŭ re binasa da kuasa pinyikudus-i. Kambŭi agi pimakai adi dog ndai so banang bitameg da deya dāng anŭ, pimakai anŭ dŭh siŭn dŭh dog ngu di tarun yŭn adi kudus.

LEVITICUS 7:18

Kambŭi agi so dagin anŭ dog man di andu adi taruh, Tapa dŭh re trima sadis anŭ. Sadis anŭ dŭh re jadi berkat di angān pak mbŭh dog nyirundeng kais, ka asi asi adi man-i re dapu tanggong di sarah anŭ.

LEVITICUS 7:20

pak kambŭi tadŭ so angān adi kais man dagin anŭ, angān dŭh re tia dog kadŭn daya Tapa.

LUKE 11:41

Pak nggen di daya sirata kayuh anŭ adi darŭm saker ka pinggen ngan, ka angān ngga sopŭrŭg adi angān dapu re jadi bisig.

PINGANDAI 10:28

Ayŭh nang di ngara, “Adŭp ngan mbŭh puan nang daya Jahudi nanyam ka adat-i dŭh bisa bigaur ngga daya adi dŭh bangsa Jahudi. Pak Tapa mbŭh kiren di aku nang aku dŭh siŭn nang tadŭ tadŭ daya kais bait sembar.

ROME 14:14

Sabab aku mbŭh ndi ngga Tuhan Jesus, aku tatu puan nang mating pinguman sawŭ kais; pak kambŭi angān sabah nang agi pinguman kais, pinguman anŭ taŭn-i mbŭh kais di angān.

ROME 14:20

Dŭhnyah sitagar pinguman ngan, angān pirusak kayuh adi Tapa ko ndai. Sopŭrŭg pinguman bisa dog man, pak-i sarah inŭh nŭŭh man kayuh adi bada daya bŭkŭn rabu darŭm dosa.

2 CORINTH 6:17

Tuhan ko gŭh nang, “Angān dŭh siŭn dŭh bu ka nyibarai adŭp ngan so ngara. Dŭhnyah bigaur ngga kayuh adi kais, ka Aku re trima angān.

TITUS 1:15

Sopŭrŭg kayuh bisig di daya adi bisig; pak mating kayuh bisig di daya adi mbŭh sembar buang dŭh sabah, amai pikir ngga pikir-kira atin ngara mbŭh dog nyembar.