LEVITICUS 7:18 - Hakcipta - Biatah Bidayuh

¹⁸ Kambŭi agi so dagin anŭ dog man di andu adi taruh, Tapa dŭh re trima sadis anŭ. Sadis anŭ dŭh re jadi berkat di angān pak mbŭh dog nyirundeng kais, ka asi asi adi man-i re dapu tanggong di sarah anŭ.

LEVITICUS 7:18 ပူးပေါင်းရင်းမြစ်များ

PITAS 15:8

TUHAN munos asŭng kan daya adi kana bidua, pak tiru di sadis adi daya ginaka taban ka Ayŭh.

ISAIAH 65:4

Singarŭm ngara di ka tāng bait kubur an bisiken ngga roh daya adi mbŭh kabŭs. Ngara man dagin ayo ka nok ju dagin adi ko dog jugan ndu sadis adat karŭm.

ISAIAH 66:3

“Daya ndai urah ngga suka asŭng ngara. Sopŭrŭg-i brimun di ngara, bait-i ngara siŭ dari sapi ndu sadis puan kah nyadis manusia; bait-i ngara nyadis anak biri puan kah mata tungo kasong; bait-i ngara jugan sadis ruwang kayuh puan kah deya ayo; bait-i ngara jugan kimanyan puan kah nyambah tibudo. Ngara suka bisambah ngga gaya adi sipŭ mun anŭ.

JEREMIAH 14:10

TUHAN minyu pasar bara daya anŭ, “Ngara suka bu so Aku, ka ngara dŭh re an nakit jaga urah-i. Ngapŭi Aku dŭh munos asŭng di ngara. Aku re ingat pingandai sarah ngara ka ngukum ngara sabab dosa ngara.”

JEREMIAH 14:12

Sunggu kambŭi ngara bipusa, Aku dŭh re dingah sirŭŭn ngara mite turung; ka kambŭi ngara jugan sadis badang ngga sadis ruwang kayuh ka Aku, Aku dŭh re munos asŭng di ngara.”

EZEKIEL 18:20

Sianŭ adi bidosa inŭh adi re kabŭs. Anak dŭhsah dapu tanggong dosa sama-i, ka sama-i dŭhsah dapu tanggong dosa anak-i. Daya adi kana re dog ngupah amai pingandai kana, ka daya adi arap re dapu tanggong pingandai arap-i.

HOSEA 8:13

Ngara jugan sadis ka Aku ka man dagin so sadis anŭ. Pak Aku, adi TUHAN, dŭh munos asŭng di ngara, ka madin Aku re ingat dosa ngara ka ngukum ngara amai dosa ngara; Aku re pait ngara pari ka Egypt!

LEVITICUS 10:17

“Mani angān dŭh man sadis taran dosa anŭ di tarun yŭn adi kudus? Anŭ kayuh adi raru kudus, ka TUHAN mbŭh nggen-i di angān isa angān pakai-i ngga taran dosa daya Israel.

LEVITICUS 10:19

Aaron nam, “Kambŭi aku man sadis taran dosa anŭ andu ati, re TUHAN nyibandar kah? Bara daya mbŭh jugan sadis taran dosa ka TUHAN andu ati, ka ngara taban gŭh sadis badang, pak kayuh adi raru arap ati mbŭh dog aku.”

LEVITICUS 11:41

Angān dŭh siŭn man tadŭ tadŭ dāng adi sŭ adi panu di tana,

LEVITICUS 17:16

Kambŭi ngara dŭh tunda atur-adat anŭ, ngara re dapu tanggong di sarah anŭ.

LEVITICUS 19:5

“Kan angān siŭ dāng yŭn sadis bidingan, sita atur-adat adi muko Aku nggen di angān ka Aku re kambat sadis ngan anŭ.

LEVITICUS 20:17

Kambŭi dari sawŭn sude dayung adŭp-i, puan kah sude tiri-i, ngara an dog pimangŭh di sirung jawin daya bagŭ, ka dog pibu so dupan bara daya Israel. Ayŭh muko raban ngga sude-i, jadi dŭh siŭn dŭh dapu tanggong di sarah anŭ.

LEVITICUS 20:19

Kambŭi ndi naan dari raban ngga tua-i adi dayung, so-duwŭh ngara dŭh siŭn dŭh dapu tanggong di sarah anŭ.

LEVITICUS 22:16

anŭ inŭh bada daya adi dŭh dog nyibandar sua man-i; anŭ bisa jadi sarah ka taban ukum di ngara. Aku ati TUHAN, ka Aku adi bada sadis anŭ kudus.”

LEVITICUS 22:23

Yŭn sadis adi dog jugan so pinyiraan atin adŭp, angān siŭn jugan dāng adi baruh puan kah adi dŭh paŭh ramus pidanah, pak dŭh-i dog trima kan ndu sadis adi ngga pijadi payu.

LEVITICUS 22:25

Dŭhnyah jugan dāng adi dog dapŭd so tami ndu sadis pinguman. Dāng adi mun anŭ inŭh dog nyirundeng dŭh pidanah ka dŭh dog trima.

LEVITICUS 5:17

Kambŭi tadŭ tadŭ so angān ngga dŭh singaja miranggar pesan TUHAN, angān mbŭh sarah ka dŭh siŭn dŭh dog ukum.

LEVITICUS 7:19

Kambŭi dagin anŭ adi dog nyingŭg tadŭ tadŭ kayuh adi kais nanyam ka adat, dagin anŭ dŭh siŭn dog man, ka dŭh siŭn dŭh dog badang. Tadŭ tadŭ so angān adi bisig nanyam ka adat siŭn man dagin anŭ,

AMOS 5:22

Kan angān taban ka yŭn Ku sadis badang ngga sadis ruwang kayuh, Aku dŭh re trima-i; Aku dŭh re trima dāng adi mbŭh ngan nyikumō yŭn re taban ka yŭn Ku ndu sadis.

MALACHI 1:10

TUHAN Bisa-pŭrŭg nang, “Kana dŭ inŭh ndi naan so angān tŭŭp adŭ tiban Ramin Ku isa angān dŭh ndai apui adi dŭh biguna di tunduh mija-sambah Ku. Aku dŭh munos asŭng di angān; Aku dŭh re trima sadis sadis adi angān taban ka Aku.

MALACHI 1:13

Angān nang, ‘Mbŭh raru reju kieh di sopŭrŭg kayuh ati!’ ka ko anŭ angān ngamun Aku. Ndu ngan sadis yŭn Ku, angān taban dāng adi ko dog naku puan kah anŭ adi bajang puan kah adi mandam. Angān pikir Aku raan trima anŭ so angān?

PINYIKIANG 18:27

Pinganggen adi grua anŭ bisa dog nyirundeng brinyam ngga sadis gandom bauh ngga wain bauh adi daya adi biteya birŭmŭh jugan.

LUKE 16:15

Jesus nang di ngara, “Angān inŭh bara adi ndai adŭp-i mun adi batur di batŭh daya, pak Tapa puan atin ngan. Amai kayuh adi dog nyirundeng raru brega di manusia agi au-tarun di batŭh Tapa.

ROME 4:11

Sundis ayŭh bisunat, buang sunat-i anŭ batur tandā ngga kiren nang sabab pinyabah-i Tapa mbŭh ngitong ayŭh tŭnggŭn diŭ so-i bisunat. Ngapŭi Abraham inŭh sama darŭm roh yŭn sopŭrŭg daya adi sabah di Tapa adi-I mbŭh ngitong tŭnggŭn, sunggu ngara dŭh bisunat.

HEBREW 9:28

Mun anŭ gŭh adŭp Kristus mbŭh dog jugan ndi sidah jadi sadis ngga ngarun dosa daya bagŭ. Ayŭh re mandŭg dinge, dŭh sitagar an ngatur dosa, pak an nyiramat ngara adi kajŭn Ayŭh.

1 PETER 2:24

Adŭp Kristus kabis dosa ta di pŭrŭng adŭp-I di atuh rigang, isa ata rupas so kuasa dosa, ka udip nanyam pinyiraan Tapa. Da tawan-I angān mbŭh dog pibua.