LEVITICUS 7:16 - Hakcipta - Biatah Bidayuh

¹⁶ Kambŭi daya taban sadis bidingan ngga pijadi payu, puan kah ndu sadis adi dog jugan so pinyiraan atin adŭp, dŭh sopŭrŭg-i siŭn dog man di andu-i dog jugan, pak kambŭi agi tadŭh-i ayŭh siŭn dog man di andu sipagi.

LEVITICUS 7:16 ပူးပေါင်းရင်းမြစ်များ

MAZMUR 116:14

Di tika sopŭrŭg daya-I tikuruk aku re nggen di Ayŭh kayuh adi aku mbŭh bijanji an nggen.

MAZMUR 116:18

Di tika sopŭrŭg daya Mai tikuruk, di yŭn pinyirŭŭ Mai darŭm Ramin Mai di Jerusalem, aku re nggen di Kaam kayuh adi aku mbŭh bijanji an nggen. Muji meh TUHAN!

MAZMUR 66:13

Aku re taban sadis badang ka ramin Mai; aku re jugan ka Kaam kayuh adi aku mbŭh bijanji ngga Kaam.

PINYIRUAH 35:29

Sopŭrŭg daya Israel adi raan, taban pinganggen ngara ka TUHAN yŭn kraja pingandai adi Ayŭh ko pesan di Moses da ndai.

PITAS 7:14

“Aku muko jugan sadis andu ati ka mbŭh biyŭn dagin so sadis anŭ.

EZEKIEL 46:12

“Kan pinguasa adi mritah raan nggen ngga pinyiraan asŭng adŭp-i ka TUHAN, bait-i sadis adi re mŭrŭng dog badang, puan kah sadis bidingan, tiban-bās timor adi nuju badag darŭm an dog kuka yŭn-i. Ayŭh an jugan sadis anŭ mun gaya-i jugan di andu Sabbath, ka tiban-bās anŭ an dog tŭŭp kan ayŭh mbŭh pari ruah.”

LEVITICUS 22:23

Yŭn sadis adi dog jugan so pinyiraan atin adŭp, angān siŭn jugan dāng adi baruh puan kah adi dŭh paŭh ramus pidanah, pak dŭh-i dog trima kan ndu sadis adi ngga pijadi payu.

LEVITICUS 22:29

Kan angān jugan sadis trima kaseh ka TUHAN, tunda atur isa angān dog trima.

LEVITICUS 23:38

Gawai gawai anŭ inŭh ngga nambah andu andu Sabbath adi ari angān sita; ka dudu sadis anŭ inŭh ngga nambah pinganggen adi angān ari jugan, mun sadis adi ngga bada payu bitŭtŭk, ka sadis adi dog jugan ka TUHAN so pinyiraan atin adŭp.)

NAHUM 1:15

Tingga, ndi naan pinyisung mandŭg mutas darŭd taban agah kana! Ayŭh mandŭg an kidaan pasar pimanang! Daya Judah, sita gawai gawai ngan ka nggen di Tapa kayuh adi angān mbŭh bipayu an nggen di Ayŭh. Daya ginaka re dŭh tia nyerang angān. Ngara mbŭh dog pirabur!

PINYIKIANG 15:3

Ndi dari sapi, ndi dari biri, ndi biri puan kah kambing bisa dog jugan ka TUHAN ndu sadis badang, puan kah ndu sadis ngga pijadi payu, puan kah ndu sadis adi dog jugan so pinyiraan atin adŭp, puan kah ndu sadis adi angān ndai di tika gawai adat; dagŭn sadis pinguman anŭ pimunos asŭng TUHAN.

DITRONOMI 12:11

TUHAN re mien ndi adŭ tarun adi yŭn adŭp-I re dog nyambah, ka diginŭ angān dŭh siŭn dŭh taban ka yŭn-I sopŭrŭg kayuh adi aku mbŭh pesan di angān: sadis ngan adi re dog badang ngga sadis ngan adi bŭkŭn, pinganggen ndi utung-so-simŭng ngan ngga pinganggen ngan adi bŭkŭn, ka pinganggen adi grua adi angān mbŭh bijanji an jugan ka TUHAN.

DITRONOMI 12:17

Mating kayuh adi jugan ngan ka TUHAN siŭn dog man di tarun adi yŭn ngan rŭŭ: pinganggen ndi utung-so-simŭng so gandom ngan dŭh gŭh, wain, puan kah inyo kanā ngan dŭh gŭh, puan kah anak bungas sapi ngga biri ngan, pinganggen adi angān muko bijanji an jugan ka TUHAN, sadis adi dog jugan so pinyiraan atin adŭp, puan kah tadŭ tadŭ pinganggen adi bŭkŭn.

DITRONOMI 12:26

Taban ka tarun yŭn anŭ adi ndi adŭ yŭn bisambah dudu sadis ngan ngga dudu pinganggen adi angān muko janji yŭn TUHAN.

DITRONOMI 12:6

Diginŭ angān siŭn jugan dudu sadis ngan adi an dog badang ngga sadis ngan adi bŭkŭn, pinganggen ndi utung-so-simŭng ngga pinganggen ngan adi bŭkŭn, pinganggen adi angān bijanji an jugan ka TUHAN, sadis adi dog jugan so pinyiraan atin adŭp, ka anak bungas sapi ngga anak bungas biri ngan.