LEVITICUS 7:12 - Hakcipta - Biatah Bidayuh

¹² Kambŭi angān jugan sadis anŭ ndu sadis trima kaseh ka Tapa, angān siŭn jugan, samah ngga dāng anŭ adi re dog nyadis, ndi pinganggen ruti adi dŭh biragi, bait-i ruti adi bibaru adi bigaur ngga inyo kanā, puan kah biskit adi dog susen inyo kanā dieh, puan kah kue adi dog ndai so tibaduk adi bigaur ngga inyo kanā.

LEVITICUS 7:12 ပူးပေါင်းရင်းမြစ်များ

2 KRONIKEL 29:31

Hezekiah nang di sopŭrŭg daya, “Madin angān mbŭh bisig nanyam ka adat, taban meh sadis ndu sadis trima kaseh ka TUHAN.” Ngara ndai nimun dog bada, ka kada so ngara so ka pinyiraan adŭp ngara taban dāng an ngara nyadis ndu sadis badang.

2 KRONIKEL 33:16

Ayŭh gŭh ndai bada pari kana mija-sambah di yŭn TUHAN dog nyambah, ka ayŭh nyadis sadis bidingan ngga sadis trima kaseh di tunduh-i. Ayŭh nggen ukum bada sopŭrŭg daya Judah nyambah TUHAN adi Tapa Israel.

NEHEMIAH 12:43

Di andu anŭ bagŭ sadis dog jugan, ka bara daya mbŭh raru gaŭn sabab Tapa mbŭh bada ngara pawŭn. Bara dayung ngga anak-anya sua di gawai anŭ, ka dudu adi ngara ndai dapŭd dog dingah so jo.

MAZMUR 107:8

Ngara dŭh siŭn dŭh nggen trima kaseh di TUHAN amai pinyirindu-I adi dŭh bisa birubah, amai pingandai saruh adi Ayŭh mbŭh ndai yŭn ngara.

MAZMUR 116:17

Aku re nggen di Kaam sadis trima kaseh ka jugan dua ku ka Kaam.

MAZMUR 50:23

Pinganggen trima kaseh inŭh sadis adi ngga stabi di Aku, ka Aku sawŭ re nyiramat daya adi stabi di Aku.”

JEREMIAH 33:11

sirais gaŭn ngga pawŭn ka jawŭn rami gawai banan sawan. Angān re dingah daya biragu darŭm ngara taban pinganggen trima kaseh ka Ramin Ku; ngara re nang, ‘Nggen trima kaseh di TUHAN Bisa-pŭrŭg, sabab Ayŭh kana ka pinyirindu-I tan adu adu.’ Aku re bada tarun tana ati mujur mun dawŭ-i. Aku, adi TUHAN, mbŭh minyu.”

HOSEA 14:2

Pari ka TUHAN, ka bada dua ati jadi sadis ngan ka Ayŭh: “Apun sopŭrŭg dosa ami, ka kambat dua ami, ka kieh re muji Kaam nimun adi ko ami janji.

LEVITICUS 2:4

Kambŭi pinganggen anŭ ruti adi dog ndai ngga oven-tana, dŭhsah-i biragi. Bait-i ruti adi bibaru adi dog ndai so tibaduk bigaur ngga inyo kanā, puan kah biskit adi dog susen inyo kanā dieh.

LEVITICUS 2:5

Kambŭi pinganggen anŭ ruti adi dog mipi di darŭm kuari adi dadas, ruti anŭ an bigaur ngga inyo kanā pak dŭhsah biragi.

LEVITICUS 22:29

Kan angān jugan sadis trima kaseh ka TUHAN, tunda atur isa angān dog trima.

LEVITICUS 6:16

Bara imam siŭn man tadŭh-i. Tibaduk anŭ siŭn dog ndai bada jadi ruti dŭh biragi ka dog man di tarun yŭn adi kudus, di badag Bari TUHAN. TUHAN mbŭh nggen-i di bara imam jadi utung ngara ndu sadis pinguman. Sadis anŭ raru kudus, brimun ngga sadis taran dosa, ka sadis bayar gati rugi.

LEVITICUS 7:15

Dagin dāng anŭ dŭh siŭn dŭh dog man di andu dāng anŭ dog nyadis; ka dŭh siŭn kidŭm ndŭg isan isan andu jawa ndi.

AMOS 4:5

Ndai adŭ, ka jugan ruti ngan ndu pinganggen trima kaseh ka Tapa, ka minyu sambuh pasar rabis pinganggen adi angān mbŭh taban! Anŭ inŭh masam kayuh adi angān suka ndai.

PINYIKIANG 6:15

Ayŭh siŭn jugan gŭh ndu sadis ndi bakur ruti adi dŭh biragi: baru ruti adi tabar adi dog ndai so tibaduk bigaur ngga inyo kanā ka biskit adi dog susen inyo kanā dieh, ngga nambah sadis gandom ngga sadis wain nimun adi mbŭh dog miratak.

LUKE 17:16

Ayŭh sidikang buang mutu di kaja Jesus, buang-i nggen trima kaseh di Ayŭh. Daya anŭ daya Samaria.

LUKE 17:18

Mani siati adi daya bangsa bŭkŭn, ayŭh sadi adŭ adi pari di nggen trima kaseh di Tapa?”

ROME 1:21

Ngara nang adŭp-i puan Tapa, pak ngara dŭh nggen stabi di Ayŭh; dŭh gŭh ngara nggen trima kaseh di Ayŭh. Pak gŭt-i pikir-kira ngara mbŭh jadi au-tarun, ka pikir ngara adi mapung mbŭh jadi karŭm pipet.

EPHESUS 5:20

Ngga adŭn Tuhan ta Jesus Kristus, ari nggen trima kaseh di Tapa Sama yŭn sopŭrŭg kayuh.

HEBREW 13:15

Ja ata siraru jugan puji ka Tapa ndu sadis ta so ka Jesus, adi pinganggen so baba adi ngaku Ayŭh Tuhan.

1 PETER 2:5

Mandŭg meh mun batuh batuh adi udip, ka bada adŭp ngan dog pakai ngga pijog ramin Tapa adi roh, di yŭn ngan jadi bara imam adi kudus adi jugan sadis roh adi tibirang di Tapa so Jesus Kristus.