LEVITICUS 7:1 - Hakcipta - Biatah Bidayuh

¹ Ati inŭh atur-adat yŭn sadis bayar gati rugi, sadis adi raru kudus.

LEVITICUS 7:1 ပူးပေါင်းရင်းမြစ်များ

2 KRONIKEL 31:14

Kore anak Imnah, adi daya Levi adi pingubak daya adi tukang jaga di Tiban Timor Ramin TUHAN, inŭh tukang kambat pinganggen adi dog jugan ka TUHAN ka adi tukang kutung-i.

EZEKIEL 40:39

Darŭm birit-mŭrŭt anŭ agi pat mija, duwŭh di barang parad birit anŭ. Di tunduh mija anŭ daya siŭ dāng dāng adi re dog jugan ndu sadis, bait-i adi re dog mŭrŭng badang, puan kah ndu sadis ngga taran dosa, puan kah ndu sadis bayar gati rugi.

EZEKIEL 44:29

Sadis ruwang kayuh, sadis taran dosa ngga sadis bayar gati rugi, samŭn barang masam kayuh adi mbŭh dog nitah ka Aku patut dog nggen di ngara.

EZEKIEL 46:20

ka nang, “Ati inŭh tarun yŭn bara imam tanŭk ngga piin dagin adi dog jugan ndu sadis ngga taran dosa bait sadis bayar gati rugi, ka ndai sadis tibaduk, isa mating kayuh kudus dog taban ka badag sapa, ka bada daya kinaman.”

LEVITICUS 21:22

Daya adi mun anŭ siŭn man pinguman adi dog jugan ka Aku, sadis pinguman adi kudus ngga anŭ adi raru kudus,

LEVITICUS 5:11

Kambŭi angān dŭh tungang jugan duwŭh manuk asang puan kah duwŭh tikukur, angān siŭn taban ndi kilogram tibaduk yŭn sadis taran dosa. Angān dŭh siŭn na inyo kanā puan kah kimanyan di tunduh-i, sabab-i sadis taran dosa, dŭh sadis ruwang kayuh.

LEVITICUS 5:14

TUHAN nggen atur-adat ati di Moses:

LEVITICUS 5:15

Kambŭi tadŭ tadŭ so angān ngga dŭh singaja dŭh nggen pinganggen anŭ adi kudus ka TUHAN, angān siŭn taban ndi dari biri puan kah kambing adi pidanah ndu sadis bayar gati rugi ka TUHAN. Rega-i siŭn dog ngŭtŭ nanyam ka anŭ adi mbŭh dog miratak di Bari TUHAN.

LEVITICUS 5:7

Kambŭi angān dŭh tungang jugan biri puan kah kambing, angān siŭn taban ka yŭn TUHAN ngga nubos dosa ngan duwŭh manuk asang puan kah tikukur, ndi yŭn sadis taran dosa, ndi yŭn sadis badang.

LEVITICUS 5:8

Angān siŭn taban-i ka imam, ka ayŭh re diŭ jugan manuk anŭ yŭn sadis taran dosa. Ayŭh re mata tungo-i pak dŭh bada ubak-i patŭd,

LEVITICUS 6:25

da nggen di Aaron ngga di bara anak dari-i atur-adat ati yŭn sadis taran dosa: Dāng adi ndu sadis taran dosa siŭn dog siŭ di tura ka utara mija-sambah, di yŭn dāng dāng yŭn sadis badang dog siŭ. Anŭ inŭh sadis adi raru kudus.

PINYIKIANG 6:12

ka pari nitah ka TUHAN tipuh-i jadi daya nazir. Tipuh adi mbŭh ripas dŭh tia dog kira, sabab ubok-i mbŭh dog nyembar. Ndu sadis bayar gati rugi ayŭh siŭn taban ndi anak biri adi ndi sawa umbur-i.