LEVITICUS 4:7 - Hakcipta - Biatah Bidayuh

⁷ Komŭnŭ, ayŭh an susen kada deya anŭ di junggir adi di sikuh mija-sambah kimanyan di darŭm Bari TUHAN. Ayŭh siŭn ren tadŭh deya anŭ di sigŭn mija-sambah adi yŭn badang sadis, adi di rawa tiban Bari TUHAN.

LEVITICUS 4:7 ပူးပေါင်းရင်းမြစ်များ

MAZMUR 118:27

TUHAN inŭh Tapa; Ayŭh kana ngga ata. Ngga daan daan kayuh di tangan ngan, piguru gawai ka baris maning mija-sambah.

PINYIRUAH 29:12

Tambit kada deya dari sapi anŭ ka ngga trinju tangan mu nyatek ka na-i di junggir mija-sambah. Komŭnŭ ren tadŭh deya anŭ di sigŭn mija-sambah anŭ.

LEVITICUS 1:5

Angān an siŭ dari sapi anŭ diginŭ, ka bara imam adi so asar Aaron an jugan deya dāng anŭ ka TUHAN, ka komŭnŭ naui-i di so-pat parad mija-sambah adi di rawa tiban Bari TUHAN.

LEVITICUS 16:18

ayŭh dŭh siŭn dŭh ruah di ka yŭn mija-sambah yŭn sadis badang ka pibisig-i. Ayŭh dŭh siŭn dŭh tambit kada deya sapi ngga kada deya kambing ka susen-i di sopŭrŭg junggir adi di barang sikuh mija-sambah anŭ.

LEVITICUS 4:18

Ayŭh siŭn susen kada deya anŭ di junggir di sikuh sikuh mija-sambah kimanyan di darŭm Bari TUHAN, ka ren tadŭh deya anŭ di sigŭn mija-sambah adi yŭn badang sadis, adi agi di rawa tiban Bari TUHAN.

LEVITICUS 4:25

Imam siŭn siruman trinju-i di deya dāng anŭ, ka susen-i di junggir adi di sikuh sikuh mija-sambah, ka ren tadŭh deya anŭ di sigŭn mija-sambah.

LEVITICUS 4:30

Imam an siruman trinju-i di deya dāng anŭ ka susen-i di junggir adi di sikuh sikuh mija-sambah, ka ren tadŭh deya anŭ di sigŭn mija-sambah.

LEVITICUS 4:34

Imam siŭn siruman trinju-i di deya dāng anŭ, susen-i di junggir adi di sikuh sikuh mija-sambah ka ren tadŭh deya anŭ di sigŭn mija-sambah.

LEVITICUS 5:9

ka masik kada deya-i di tigang mija-sambah. Tadŭh deya anŭ siŭn dog paman di sigŭn mija-sambah. Ati inŭh sadis ngga taran dosa.

LEVITICUS 6:30

Pak kambŭi deya dāng anŭ agi dog taban ka darŭm Bari TUHAN, ka dog pakai di adat taran dosa, dāng anŭ dŭh siŭn dog man, ka-i dŭh siŭn dŭh dog badang bada rŭpŭg.

LEVITICUS 8:15

Moses siŭ sapi anŭ ka tambit kada deya-i, ka ngga trinju-i susen-i di sopŭrŭg junggir adi di sikuh mija-sambah ngga nyikudus-i. Komŭnŭ ayŭh ren tadŭh deya di sigŭn mija-sambah. Simŭnŭ ayŭh mbŭh nyikudus ka pibisig-i.

LEVITICUS 9:9

Bara anak dari-i taban ka yŭn-i deya dāng anŭ, ka ayŭh siruman trinju-i dieh, ka susen kada deya anŭ di junggir adi di sikuh sikuh mija-sambah, ka ren tadŭh deya anŭ di sigŭn mija-sambah anŭ.

EPHESUS 2:13

Pak madin, darŭm udip ndi ngga Kristus, angān adi ko jo so Tapa, mbŭh sindŭk da pinyikabŭs Kristus adi sadis.

HEBREW 9:15

Amai sabab anŭ, Kristus inŭh sianŭ adi ngatur simanya bauh, isa ngara adi dog bagan Tapa bisa kambat berkat adi tan adu adu adi Tapa ko bijanji an nggen. Kayuh anŭ bisa jadi sabab mbŭh agi pinyikabŭs adi pirupas daya so sarah adi ngara ndai sitadŭn simanya amba dog pakai.

HEBREW 9:21

Mun anŭ gŭh Moses masik deya di tunduh Bari Tuhan ka di tunduh sopŭrŭg kayuh adi dog pakai di tika simayang.

PINANDŬNG 6:9

Komŭnŭ Anak Biri kuka patis adi numbor rimŭh. Aku kiris di ribo mija-sambah simangi ngara adi ko dog siŭ sabab ngara ko piagah pinganang Tapa buang mbŭh tŭtŭd darŭm kidaan pasar pinyabah ngara.