LEVITICUS 4:31 - Hakcipta - Biatah Bidayuh

³¹ Komŭnŭ, ayŭh kadi ramak ramak-i, nimun ayŭh kadi ramak ramak dāng adi mbŭh dog siŭ yŭn sadis bidingan, ka-i badang ramak ramak anŭ di tunduh mija-sambah, isa dagŭn-i pimunos asŭng TUHAN. Simŭnŭ inŭh imam jugan sadis yŭn dosa daya anŭ ka ayŭh bisa dog apun.

LEVITICUS 4:31 ပူးပေါင်းရင်းမြစ်များ

LEVITICUS 4:26

Komŭnŭ, ayŭh siŭn badang sopŭrŭg ramak dāng anŭ, nimun ayŭh badang ramak ramak dāng adi dog siŭ yŭn sadis bidingan. Simŭnŭ inŭh imam jugan sadis ngga taran dosa pinguru tibaran-asar, ka ayŭh re dog apun.

LEVITICUS 4:35

Komŭnŭ, ayŭh siŭn kubo kadi ramak ramak-i nimun ayŭh kadi ramak ramak biri adi mbŭh dog siŭ yŭn sadis bidingan, ka badang ramak ramak anŭ di tunduh mija-sambah, samah ngga sadis pinguman adi dog jugan ka TUHAN. Simŭnŭ inŭh imam jugan sadis yŭn taran dosa ngan, ka angān siŭn dog apun.

LEVITICUS 1:9

Angān dŭh siŭn dŭh an ngu isi pŭrŭng samŭn kaja kaja-i, ka imam adi dapu kraja di tika anŭ an mŭrŭng badang sadis anŭ di tunduh mija-sambah. Dagŭn sadis pinguman anŭ pimunos asŭng TUHAN.

LEVITICUS 1:13

Angān dŭh siŭn dŭh an ngu isi pŭrŭng dāng anŭ, samŭn kaja kaja-i, ka imam anŭ re jugan sadis anŭ ka TUHAN, ka badang sadis anŭ di tunduh mija-sambah. Dagŭn sadis pinguman anŭ pimunos asŭng TUHAN.

PINYIRUAH 29:18

Badang pŭrŭng dari biri anŭ di tunduh mija-sambah ndu sadis pinguman. Dagŭn sadis anŭ pimunos asŭng Ku.

TIBIRIK 8:21

Tapa mbŭh raru munos asŭng-I kan-I kadŭk dagŭn sadis anŭ, ka-i nang di adŭp-I, “Dŭh Aku re tia mangu ong sitagar kraja pingandai manusia; Aku puan so andu ngara gi-sŭ mara pikir-kira ngara taŭn mbŭh arap. Aku dŭh re tia pirusak tadŭ tadŭ kayuh adi udip, mun ati.

PINANDŬNG 5:9

Ngara nang ragu adi bauh: “Kaam inŭh adi sadang kana tambit surat-barun anŭ ka kuka patis patis-i. Amai Kaam ko dog siŭ, ka ngga pinyikabŭs Mai adi sadis Kaam mbŭh miris yŭn Tapa daya so barang tibaran-asar, piminyu, rais, ngga bangsa.

1 JOHN 1:7

Pak kambŭi ata udip darŭm jawa, nimun Ayŭh adi taŭn darŭm jawa, ata manŭn mbŭh udip ndi samah ngga dingan ta; ka deya Jesus, Anak-I, pibisig ata so barang masam dosa.

HEBREW 10:14

Ngga ndi sadis meh, Ayŭh mbŭh bada sukup kana ndŭg situi tui sinadan daya adi dog pibisig so dosa.

HEBREW 10:12

Pak Kristus jugan ndi sadis ngga taran dosa, sadis anŭ ngasi ndŭg situi tui; komŭnŭ Ayŭh guru tura ka tauh Tapa.

HEBREW 9:12

Kan Kristus mŭrŭt so ka bari anŭ ka mŭrŭt ka darŭm Yŭn adi Siabo Kudus ndi sidah yŭn adu adu, Ayŭh dŭh taban deya kambing bait deya dari sapi ndu sadis. Pak-I taban deya adŭp-I ngga dapŭd pinyiramat adi tan adu adu yŭn ta.

HEBREW 1:3

Ayŭh nyekar jawa bragah Tapa ka raŭn gayŭn-I agi samah ngga raŭn gayŭn Tapa. Ngga pinganang-I adi bikuasa, Ayŭh digŭng rangit ngga ong. Ripas-I mbŭh dapŭd pingapun dosa yŭn sopŭrŭg manusia, Ayŭh guru di shorga tura ka tauh Tapa, adi siabo bikuasa.

EPHESUS 5:2

Pimudip ngan dŭh siŭn dŭh dog nguasa pinyirindu, nimun Kristus mbŭh rindu ata ka mbŭh nggen asŭng-I yŭn ta adi keya ka pinganggen adi buuh ramak ngga sadis adi pimunos asŭng Tapa.

MATTHEW 3:17

Komŭnŭ agi dog dingah sirŭŭn Tapa minyu, nang, “Ati inŭh Anak nyirot Ku, di Ayŭh asŭng Ku munos.”

ISAIAH 53:10

TUHAN nang, “Anŭ mbŭh so pinyiraan Ku inŭh ayŭh sangsara; pinyikabŭs-i inŭh sadis ngga apun dosa. Ngapŭi ayŭh re kiris bara sesang-i; ayŭh re tui udip, ka so ayŭh Aku re dapŭd pinŭtŭn Ku.

ISAIAH 42:21

TUHAN inŭh Tapa adi raru raan nyiramat, jadi Ayŭh bada ukum-adat ngga ajar-I bās, ka bada daya-I stabi dieh.

JOB 42:8

Madin taban ju dari sapi ngga ju dari biri ka yŭn Job ka jugan-i ndu sadis yŭn adŭp ngan. Job re bidua yŭn ngan, ka Aku re nam dua-i ka dŭh re pimangŭh angān, sunggu angān dŭh nang kayuh adi sawŭ pasar Aku, mun Job.”

EZRA 6:10

Kayuh anŭ an dog ndai isa ngara dapŭd jugan sadis adi Tapa adi pinguasa di Shorga trima, ka isa ngara bidua mite berkat-I yŭn ku ka yŭn anak anak dari ku.

LEVITICUS 4:19

Komŭnŭ, ayŭh siŭn tambit sopŭrŭg ramak-i ka badang-i di tunduh mija-sambah.

LEVITICUS 1:17

Ayŭh an digen so-duwŭh urad manuk anŭ ka nyiratak pŭrŭng-i, pak dŭh bada urad-i pata; komŭnŭ badang abo abo pŭrŭng-i di mija-sambah. Dagŭn sadis pinguman anŭ pimunos asŭng TUHAN.

LEVITICUS 2:2

ka taban-i ka yŭn bara imam adi sesang Aaron. Imam adi dapu kraja di tika anŭ an tambit ndi agŭm so tibaduk anŭ ngga inyo kanā samŭn sopŭrŭg kimanyan, ka badang-i di tunduh mija-sambah jadi tandā sopŭrŭg kayuh anŭ mbŭh dog jugan ka TUHAN. Dagŭn sadis pinguman anŭ pimunos asŭng TUHAN.

LEVITICUS 2:9

Imam anŭ re tambit pire-i ndu tandā-i muko dog jugan ka TUHAN, ka ayŭh re badang-i di tunduh mija-sambah. Dagŭn sadis pinguman anŭ pimunos asŭng TUHAN.

LEVITICUS 5:6

Ngga ngukum adŭp ngan sabab sarah ngan, angān dŭh siŭn dŭh taban ka TUHAN ndi dayung biri, puan kah kambing ndu pinganggen. Imam siŭn jugan sadis anŭ yŭn dosa ngan.

LEVITICUS 5:10

Komŭnŭ, ayŭh siŭn jugan manuk anŭ ndi ndu sadis badang, nanyam atur-adat. Simŭnŭ inŭh imam jugan sadis yŭn dosa ngan; ka angān siŭn dog apun.

LEVITICUS 14:18

Ayŭh siŭn gurai tadŭh inyo anŭ adi agi di pura tangan-i di tunduh ubak daya anŭ. Simŭnŭ inŭh ayŭh siŭn pimanu adat pibisig.

LEVITICUS 15:15

Imam anŭ siŭn jugan ndi so manuk anŭ yŭn sadis taran dosa, ka manuk anŭ adi ndi yŭn sadis badang. Simŭnŭ inŭh ayŭh pimanu adat pibisig yŭn dari anŭ.

LEVITICUS 19:22

ka ngga dari biri anŭ imam siŭn pimanu adat pibisig ngga kadi dosa dari anŭ, ka Tapa re apun ayŭh.

PINYIKIANG 15:25

Imam an pimanu adat pibisig yŭn daya Israel, adi ngga ngara siŭn dog apun, sabab sarah anŭ dŭh saji dog ndai ka ngara taban sadis taran dosa ndu sadis pinguman ka TUHAN.