LEVITICUS 4:12 - Hakcipta - Biatah Bidayuh

¹² Kubo taban-i ka sapa tarun yŭn bibari adi taŭn dog nitah yŭn-i, ka diginŭ ayŭh siŭn badang-i di tunduh apui uwang.

LEVITICUS 4:12 ပူးပေါင်းရင်းမြစ်များ

PINYIRUAH 29:14

Pak badang sopŭrŭg isin dari sapi anŭ, kurit, ka kuboi di sapa tarun yŭn bibari. Anŭ inŭh sadis ngga taran dosa bara imam.

EZEKIEL 43:21

Kuu an tambit dari sapi adi dog jugan ndu sadis taran dosa ka badang-i di tarun yŭn adi mbŭh dog miratak di sapa tarun tana Ramin TUHAN.

LEVITICUS 13:46

Daya anŭ taŭn babŭ kais sitŭkŭd ayŭh babŭ dog andam anŭ, ka ayŭh dŭh siŭn dŭh rŭŭ di sapa tarun yŭn bibari, jo so daya bŭkŭn.

LEVITICUS 16:27

Sapi ngga kambing anŭ adi deya-i dog pakai yŭn sadis taran dosa adi dog taban ka Yŭn adi Siabo Kudus ngga taran dosa, siŭn dog taban ka sapa tarun yŭn bibari ka dog badang bada rŭpŭg. Sopŭrŭg kurit-i, isin-i, ka kuboi-i an dog badang gŭh.

LEVITICUS 4:21

Komŭnŭ, ayŭh siŭn taban dari sapi anŭ ka sapa tarun yŭn bibari ka badang-i, nimun ayŭh badang dari sapi adi dog jugan yŭn dosa adŭp-i. Ati sadis ngga taran dosa daya Israel.

LEVITICUS 6:23

Nisit dŭh gŭh sadis ruwang kayuh adi imam jugan siŭn dog man; sopŭrŭg-i dŭh siŭn dŭh dog badang bada rŭpŭg.

LEVITICUS 6:30

Pak kambŭi deya dāng anŭ agi dog taban ka darŭm Bari TUHAN, ka dog pakai di adat taran dosa, dāng anŭ dŭh siŭn dog man, ka-i dŭh siŭn dŭh dog badang bada rŭpŭg.

LEVITICUS 6:4

Angān adi bidosa amai dapŭd kayuh ngga aran adi sarah anŭ patut bayar tadŭ tadŭ kayuh anŭ. Di andu angān dog dapŭd sarah, angān dŭh siŭn dŭh bayar ngga puno di daya adi dapu, ngga 20 piratus tambah-i.

LEVITICUS 8:17

Ayŭh tambit tadŭh pŭrŭng anak sapi anŭ, samŭn kurit, isin ngga kuboi-i, ka badang-i di sapa tarun yŭn bibari nanyam adi TUHAN ko pesan.

LEVITICUS 9:11

Pak ayŭh badang dagin ngga kurit-i di sapa tarun yŭn bibari.

PINYIKIANG 15:35

Komŭnŭ TUHAN nang di Moses, “Daya anŭ dŭh siŭn dŭh dog ukum kabŭs; sopŭrŭg daya Israel siŭn manjan ayŭh ngga batŭh ndŭg kabŭs di sapa tarun yŭn bibari.”

PINYIKIANG 19:3

ka ngara re nggen-i di imam Eleazar. Dāng anŭ an dog taban ka sapa tarun yŭn bibari ka dog siŭ di sirung jawin-i.

PINYIKIANG 19:5

Ndi pŭrŭng pŭrŭng dāng anŭ, kurit, dagin, deya ngga kuboi-i an dog badang di sirung jawin imam anŭ.

PINYIKIANG 5:3

Pibu sopŭrŭg ngara adi kais nanyam ka adat, isa ngara dŭh nyembar bari, adi yŭn Aku rŭŭ ngga bara daya Ku.”

HEBREW 13:11

Imam Bās Jahudi taban deya dāng ka darŭm Yŭn adi Siabo Kudus yŭn jugan-i ndu sadis ngga taran dosa; pak pŭrŭng dāng anŭ dog badang di sapa tarun yŭn daya bibari.