LEVITICUS 26:6 - Hakcipta - Biatah Bidayuh

⁶ “Aku re bada angān udip bamai di tarun tana ngan, ka angān re bŭŭs buang mating taru di tadŭ daya. Aku re kadi dāng dāng adi mangah so tarun tana anŭ, ka perang gŭh re mating tia.

LEVITICUS 26:6 ပူးပေါင်းရင်းမြစ်များ

2 RAJA 2:24

Elisha bigiring, tirek ngara, ka mangu ngara ngga adŭn TUHAN. Komŭnŭ duwŭh sindŭ buāng ruah so darŭm tarun ka nyirigat nyiratak 42 naan anak dari anŭ.

1 KRONIKEL 22:9

Sawŭ, ayŭh mbŭh bijanji ngga aku. Ayŭh nang, ‘Kuu re biyŭn ndi anak dari adi re mritah darŭm damai, sabab Aku re bada ayŭh dŭh dog nyusah bara pinganyu-i. Dŭn-i inŭh re Solomon sabab darŭm pinyipritah-i Aku re nggen di Israel damai ngga pinyipagŭng.

2 KRONIKEL 20:30

jadi Jehoshaphat mritah darŭm damai, ka Tapa bada ndi tarun tana rais-i pagŭng.

JOB 11:19

Kuu dŭh re taru pinganyu mu; bagŭ daya re mite turung so kuu.

JOB 5:23

Ŭmŭh adi kuu majak re dŭh pibatuh; dāng tarun dŭh re nyerang kuu.

MAZMUR 144:14

Isa-i sapi ta biranak bagŭ ka dŭh bubu puan kah manyap. Isa-i mating sien susah dog dingah di aran ta.

MAZMUR 147:14

Ayŭh bada baat mu siramat ka bada kuu puas ngga gandom adi kana.

MAZMUR 29:11

TUHAN nggen pinyibake di daya-I ka nyiberkat ngara ngga pimudip sanang.

MAZMUR 3:5

Aku guring ka bŭŭs, ka ndi ngarŭm ngarŭm TUHAN grindung aku.

MAZMUR 4:8

Kan aku guring, aku bŭŭs sanang; Kaam sadi, O TUHAN, adi bada aku sukup pagŭng.

MAZMUR 85:8

Aku dingah kayuh adi TUHAN Tapa nang; Ayŭh bijanji an nggen damai ka ata, adi daya-I, kambŭi ata dŭh pari ka pimudip budo ta.

PINYIRUAH 23:29

Aku dŭh re pibu ngara darŭm tipuh ndi sawa, amai kambŭi Aku ndai simŭnŭ tarun tana anŭ re engan, ka dāng dāng tarun re jadi paŭh bagŭ ka nyusah angān.

PITAS 3:24

Kuu dŭh re taru kan kuu di ka ambok mu, ka kuu re bŭŭs rŭrŭ ndi ngarŭm ngarŭm.

PITAS 6:22

Ajar ngara re nguru kuu darŭm pimanu mu, grindung kuu singarŭm, ka pitayan kuu sandu.

ISAIAH 35:8

Re agi aran raya diginŭ, dog kadŭn “Aran Pinyikudus”. Mating daya bidosa re an panu kadŭg aran anŭ; mating daya budo re kinanyap daya adi panu kadŭg-i.

ISAIAH 35:9

Singah re mating diginŭ; mating dāng mangah re mutas aran anŭ. Ngara adi TUHAN mbŭh nyiramat re panu mari kadŭg aran anŭ.

ISAIAH 45:7

Aku napa jawa ngga karŭm; Aku taban berkat ngga pinyirusag. Aku, adi TUHAN, ndai sopŭrŭg anŭ.

ISAIAH 9:7

Kuasa raja-I re masang bitambah; pritah-I re ari darŭm damai. Ayŭh re mritah nimun sesang Raja David, sangan kuasa-I di kayuh adi batur ka tŭnggŭn, so madin ndŭg sikasŭn tipuh. TUHAN adi Bisa-pŭrŭg mbŭh natu an ndai sopŭrŭg ati.

JEREMIAH 30:10

“Daya Ku, dŭhnyah taru; daya Israel, dŭhnyah tikaran. Aku re nyiramat angān so tarun tana adi jo anŭ, tarun tana adi yŭn ngan jadi daya-takap. Angān re pari ka rais adŭp ngan ka rŭŭ darŭm damai; angān re siramat, ka mating daya re tia bada angān taru.

JEREMIAH 31:26

Ngapŭi meh, daya re nang, ‘Aku bŭŭs, ka kan aku burah, aku ranyah.’

EZEKIEL 14:15

“Bait kah Aku pait dāng tarun bada siŭ manusia, ndŭg ka tarun tana anŭ bisā ka mating daya tungang panu mutas-i.

EZEKIEL 14:17

Bait kah Aku bada perang timbur di rais anŭ ka pait sinyata adi bisā ngga pirarap manusia ka dāng,

EZEKIEL 14:21

Ati inŭh kayuh adi TUHAN Raja nang: “Aku re pait pat ukum Ku adi bisā bada nyatŭk Jerusalem, anŭ inŭh perang, apag, dāng tarun, ka andam, ngga pirabur manusia ka dāng.

EZEKIEL 34:25

Aku re ndai simanya ngga ngara adi natu pinyiramat ngara. Aku re pibu sopŭrŭg dāng adi mangah so tarun tana anŭ, isa biri biri Ku dapŭd udip ngga siramat di pekan ka bŭŭs di tuān.

EZEKIEL 34:27

Tŭngŭn tŭngŭn kayuh re buān, ŭmŭh re piruah buwa pimuruh, ka barang naan daya re udip siramat di tarun tana adŭp-i. Kan Aku matŭd parik basi daya ka pirupas ngara so daya adi piurun ngara, nŭ ngara puan nang Aku ati TUHAN.

EZEKIEL 5:17

Aku re bada daya mu sikirau ka dāng dāng tarun re siŭ daya mu, ka bada andam, pinyiganas, ka perang siŭ kuu. Aku, adi TUHAN, mbŭh minyu.”

HOSEA 2:18

Di tika anŭ Aku re ndai simanya ngga sopŭrŭg dāng tarun ka manuk, isa ngara dŭh kinaman daya Ku. Aku re kadi gŭh sopŭrŭg sinyata perang so tarun tana anŭ, sopŭrŭg pedang ngga bawŭh panah, ka re bada daya Ku udip darŭm damai ngga siramat.

HOSEA 2:20

Aku re sita janji Ku ka bada kuu jadi tung jaku, ka kuu re ngaku Aku TUHAN.

LEVITICUS 25:18

Tunda sopŭrŭg ukum-adat ngga pesan TUHAN, isa angān udip ngga siramat di tarun tana anŭ.

LEVITICUS 25:19

Tana anŭ re piruah buwa buwa pimuruh, ka angān re biyŭn sopŭrŭg adi angān raan man ka re udip ngga siramat.

LEVITICUS 26:22

Aku re pait dāng dāng mangah ka ruang ngan, ka-i re siŭ bara anak ngan, siŭ dāng kudip ngan, ka kidŭm angān bada nisŭ ndŭg ka aran aran ngan re dŭh tia dog kadŭg.

LEVITICUS 26:25

Aku re taban perang ka angān ngga ngukum angān amai angān miranggar simanya ta, ka kambŭi angān tikuruk re magŭng adŭp ngan darŭm kupo ngan, Aku re pait andam adi dŭh tikuri ka ruang ngan, ka angān re nyerah adŭp ngan ka pinganyu ngan.

LEVITICUS 26:7

Angān re manang ngarah pinganyu ngan;

MICAH 4:4

Sopŭrŭg daya re udip darŭm damai di teya anggor ngga di risŭn ara ngara, ka mating daya re pitaru ngara. Anŭ inŭh kayuh adi TUHAN mbŭh janji.

ZEPHANIAH 3:13

Daya Israel adi babŭ udip re dŭh ndai sarah di daya, kadong daya, bait suba an nipu daya. Ngara re udip mujur ka bamai, ka dŭh taru daya.”

HAGGAI 2:9

Ramin Ku adi bauh re rabis sangŭn so anŭ adi amba, ka diginŭ Aku re nggen di daya Ku udip mujur ngga damai.” TUHAN Bisa-pŭrŭg mbŭh minyu.

ZECHARIAH 9:10

TUHAN nang, “Aku re kadi krita krita kuda so Israel ka kadi kuda kuda so Jerusalem; bawŭh adi dog pakai di tika perang re dog pirusak. Raja ngan re ndai damai di dupan bangsa bangsa; bayah pritah-i so rawŭt ndi ndŭg rawŭt andi, so Yang Euphrates ndŭg bŭngŭn ong.”

JOHN 14:27

“Damai inŭh adi Aku tingge di angān; damai adŭp Ku Aku nggen di angān. Dŭh mun damai adi ong nggen di angān. Dŭhnyah atin ngan susah ka taru.

PINGANDAI 12:6

Ngarŭm adi diŭ so Herod mbŭh re an taban ayŭh ka sapa di sirung jawin daya bagŭ, Peter bŭŭs di asah duwŭh naan soldadu. Ayŭh dog mŭŭng ngga duwŭh parik basi, ka di tiban ramin jer kada soldadu agi jaga.

ROME 5:1

Amai madin ata mbŭh bamai ngga Tapa so ka pinyabah, ata biyŭn damai ngga Tapa so ka Tuhan ta Jesus Kristus.