LEVITICUS 2:2 - Hakcipta - Biatah Bidayuh

² ka taban-i ka yŭn bara imam adi sesang Aaron. Imam adi dapu kraja di tika anŭ an tambit ndi agŭm so tibaduk anŭ ngga inyo kanā samŭn sopŭrŭg kimanyan, ka badang-i di tunduh mija-sambah jadi tandā sopŭrŭg kayuh anŭ mbŭh dog jugan ka TUHAN. Dagŭn sadis pinguman anŭ pimunos asŭng TUHAN.

LEVITICUS 2:2 ပူးပေါင်းရင်းမြစ်များ

NEHEMIAH 13:14

Ingat, O Tapa ku, sopŭrŭg kayuh anŭ adi aku mbŭh ndai yŭn Ramin TUHAN ka yŭn bisambah diginŭ.

NEHEMIAH 13:22

Aku nggen ukum bada bara daya Levi pibisig adŭp ngara ka jaga tiban-bās isa andu Sabbath kudus. Ingat aku, O Tapa, yŭn ati ani, ka masi di aku amai pinyirindu bās Mai.

PINYIRUAH 30:16

Nguruk duit anŭ so daya Israel, ka pakai-i ngga sita Bari-Ku. Suke anŭ inŭh dog pakai ngga bayar asŭng ngara, ka Aku re ingat ka grindung ngara.”

ISAIAH 66:3

“Daya ndai urah ngga suka asŭng ngara. Sopŭrŭg-i brimun di ngara, bait-i ngara siŭ dari sapi ndu sadis puan kah nyadis manusia; bait-i ngara nyadis anak biri puan kah mata tungo kasong; bait-i ngara jugan sadis ruwang kayuh puan kah deya ayo; bait-i ngara jugan kimanyan puan kah nyambah tibudo. Ngara suka bisambah ngga gaya adi sipŭ mun anŭ.

LEVITICUS 1:13

Angān dŭh siŭn dŭh an ngu isi pŭrŭng dāng anŭ, samŭn kaja kaja-i, ka imam anŭ re jugan sadis anŭ ka TUHAN, ka badang sadis anŭ di tunduh mija-sambah. Dagŭn sadis pinguman anŭ pimunos asŭng TUHAN.

LEVITICUS 1:17

Ayŭh an digen so-duwŭh urad manuk anŭ ka nyiratak pŭrŭng-i, pak dŭh bada urad-i pata; komŭnŭ badang abo abo pŭrŭng-i di mija-sambah. Dagŭn sadis pinguman anŭ pimunos asŭng TUHAN.

LEVITICUS 1:9

Angān dŭh siŭn dŭh an ngu isi pŭrŭng samŭn kaja kaja-i, ka imam adi dapu kraja di tika anŭ an mŭrŭng badang sadis anŭ di tunduh mija-sambah. Dagŭn sadis pinguman anŭ pimunos asŭng TUHAN.

LEVITICUS 2:16

Imam anŭ re badang kada tibaduk anŭ samŭn inyo ndu tandā sopŭrŭg-i mbŭh dog jugan, ka sopŭrŭg kimanyan, ndu sadis pinguman ka TUHAN.

LEVITICUS 2:9

Imam anŭ re tambit pire-i ndu tandā-i muko dog jugan ka TUHAN, ka ayŭh re badang-i di tunduh mija-sambah. Dagŭn sadis pinguman anŭ pimunos asŭng TUHAN.

LEVITICUS 24:7

Na kada aŭn kimanyan di tunduh barang jari, ngga nandā ruti anŭ sadis pinguman ka TUHAN.

LEVITICUS 4:31

Komŭnŭ, ayŭh kadi ramak ramak-i, nimun ayŭh kadi ramak ramak dāng adi mbŭh dog siŭ yŭn sadis bidingan, ka-i badang ramak ramak anŭ di tunduh mija-sambah, isa dagŭn-i pimunos asŭng TUHAN. Simŭnŭ inŭh imam jugan sadis yŭn dosa daya anŭ ka ayŭh bisa dog apun.

LEVITICUS 5:11

Kambŭi angān dŭh tungang jugan duwŭh manuk asang puan kah duwŭh tikukur, angān siŭn taban ndi kilogram tibaduk yŭn sadis taran dosa. Angān dŭh siŭn na inyo kanā puan kah kimanyan di tunduh-i, sabab-i sadis taran dosa, dŭh sadis ruwang kayuh.

LEVITICUS 5:12

Angān siŭn taban-i ka yŭn imam, ka ayŭh re tambit tibaduk anŭ ndi agŭm ndu tandā-i muko dog jugan ka TUHAN; ayŭh re badang-i di tunduh mija-sambah ndu sadis pinguman. Anŭ inŭh sadis ngga taran dosa.

LEVITICUS 6:15

Komŭnŭ ayŭh siŭn tambit tibaduk anŭ ndi agŭm, ngga inyo, ka ngga kimanyan adi di tunduh-i, ka badang-i di tunduh mija-sambah jadi tandā sopŭrŭg-i muko dog jugan ka TUHAN. Dagŭn sadis anŭ pimunos asŭng TUHAN.

PINYIKIANG 5:18

Komŭnŭ ayŭh siŭn mesak ubok dayung anŭ ka na pinganggen tibaduk anŭ di tangan-i. Di tangan adŭp-i imam anŭ siŭn digŭng makuk piin anŭ adi pa'it adi taban pangu.

PINYIKIANG 5:26

Komŭnŭ ayŭh siŭn tambit ndi agŭm so tibaduk anŭ ndu tandā sopŭrŭg-i mbŭh dog jugan ka badang-i di tunduh mija-sambah. Sikasŭn-i, ayŭh bada dayung anŭ nok piin anŭ.

PINGANDAI 10:4

Ayŭh nakit tingga malaikat anŭ buang taru; ayŭh nang, “Ani, tuan?” Malaikat anŭ nam, “Tapa mbŭh munos asŭng-I di dua ngga di pingandai kana mu, ka mbŭh ingat kuu.