7 Daya Israel dŭh siŭn tia dŭh tŭtŭd di TUHAN, anŭ inŭh siŭ dāng ngara di sapa tarun ndu sadis yŭn umot-kambing. Daya Israel dŭh siŭn dŭh an adu adu sita atur-adat ati.
Aaron ngga anak anak dari-i an pijog prita anŭ di darŭm Bari-Ku, tura ka sapa tabir adi di jawin Pati Simanya. Diginŭ di yŭn Ku, prita anŭ an sakŭt so singumi andu ndŭg isan isan. Pesan ati an adu adu dog sita daya Israel ngga bara sesang ngara.
Ngara mbŭh tingge atur atur adi Aku muko bada ngara tunda; ngara mbŭh ndai sapi so mas adi dog piriris ka nyambah-i, ka jugan sadis dieh. Ngara mbŭh nang anŭ inŭh tapa ngara adi mbŭh taban ngara ngga ruah so Egypt.
Dŭhnyah ndai tadŭ pekat ngga daya di rais anŭ, sabab kan ngara nyambah tapa tapa adat karŭm ngara ka jugan sadis ka tapa tapa anŭ, ngara re ngaja angān da sua, ka angān meh re ripong di pinguman adi ngara ko jugan ka tapa tapa ngara.
TUHAN nang, “Kambŭi daya taran sawŭn-i, ka ayŭh bu ka jadi sawŭn daya bŭkŭn, daya anŭ dŭh siŭn tambit ayŭh pari, amai pingandai anŭ re nyembar ndi tarun tana rais anŭ. Pak, Israel, kuu muko biyŭn bagŭ ambai, ka madin kuu raan pari ka Aku!
adŭp Aku re mandŭg di ngukum ayŭh samŭn sopŭrŭg di rawang-i samŭn sopŭrŭg ngara adi sua dŭh tŭtŭd di Aku amai nyambah Molech. Aku re dŭh tia nyirundeng ngara daya Ku.
Dŭh! Kayuh adi aku nang inŭh, kayuh adi dog nyadis di mija-sambah daya adi dŭh puan Tapa inŭh dog jugan ka umot, dŭh ka Tapa. Ka aku dŭh raan angān bidingan ngga umot.
Ngara dŭh sabah, sabab tapa adi arap di ong ati mbŭh kinarŭm pikir ngara. Ayŭh matŭn ngara so kiris jawa adi nyekar di tunduh ngara, jawa adi mandŭg so Agah Kana pasar bragah Kristus adi tigŭrŭ gayŭn Tapa.
Nganŭ angān kadŭg aran pimudip ong adi sarah; angān bituan di pinguasa roh roh adi arap di rangit ngga di ong, anŭ inŭh roh adi nguasa daya adi nyibireu pinganang Tapa.
TUHAN nang di Moses, “Kuu dŭm dŭh tui re kabŭs, ka ripas pinyikabŭs mu bara daya re dŭh tia tŭtŭd di Aku ka miranggar simanya adi Aku muko ndai ngga ngara. Ngara re tagan Aku ka nyambah tapa tapa adi dog nyambah di tarun tana adi ngara re ngisi.
Bara rayat manusia adi bŭkŭn, sopŭrŭg adi dŭh kabŭs da susah-bās anŭ, dŭh an taran kayuh adi ngara ko ndai. Ngara abah ko nyambah umot, bait kah tibudo adi dog ndai so mas, pirak, timaga, batuh, puan kah so apŭg kayuh, adi dŭh kiris tarun, adi dŭh dingah kayuh, ka adi dŭh panu.