LEVITICUS 16:2 - Hakcipta - Biatah Bidayuh

² Ayŭh nang, “Kidaan di jurud mu Aaron nang, adŭ-i di tipuh adi patut ayŭh siŭn mŭrŭt ka Yŭn adi Siabo Kudus di punok tabir, amai diginŭ inŭh Aku nandŭng darŭm abun nyirungan tŭtŭp Pati Simanya. Kambŭi ayŭh miranggar atur anŭ, ayŭh re kabŭs.

LEVITICUS 16:2 ပူးပေါင်းရင်းမြစ်များ

1 RAJA 6:16

Ndi birit adi di darŭm-i, dog kadŭn Yŭn adi Siabo Kudus dog ndai di parad ka punok Ramin TUHAN. Ambu birit anŭ agi 9 mita ka dog nyindung ngga papan sedar so yŭn bidigang ndŭg dek.

1 RAJA 8:6

Komŭnŭ bara imam taban Pati Simanya ka darŭm Ramin TUHAN ka na-i di Yŭn adi Siabo Kudus, di ribo patong cherubim.

PINYIRUAH 30:10

Ndi sidah ndi sawa, Aaron dŭh siŭn dŭh pimanu adat pibisig mija anŭ ka susen so-pat junggir anŭ ngga deya dāng adi dog nyadis ngga taran dosa. Kraja ati dŭh siŭn dŭh dog ndai barang sawa ndŭg situi tui. Mija ati an jadi adi siabo kudus, adi angān mbŭh nitah ka Aku, adi TUHAN.”

LEVITICUS 16:13

Ka diginŭ di sirung jawin TUHAN ayŭh siŭn na kimanyan di bam apui, ka asuh kimanyan anŭ re grindung tŭtŭp Pati Simanya isa ayŭh dŭh kiris-i ka dŭh kabŭs.

LEVITICUS 16:34

Atur-adat ati dŭh siŭn dŭh adu adu dog sita. Adat ati dŭh siŭn dŭh dog pimanu ndi sidah darŭm ndi sawa ngga pibisig daya Israel so sopŭrŭg dosa ngara. Jadi Moses ndai nimun TUHAN mbŭh pesan.

LEVITICUS 8:35

Angān dŭh siŭn dŭh rŭŭ di rawa tiban Bari TUHAN sandu singarŭm ndŭg ju andu ndai kraja adi TUHAN ko pesan. Kambŭi angān dŭh tunda atur anŭ, angān re kabŭs. Ati inŭh kayuh adi TUHAN ko pesan di aku.”

PINYIKIANG 17:10

TUHAN nang di Moses, “Na sikud Aaron pari di jawin Pati Simanya. Sikud-i anŭ re jadi pinyibakan di daya daya Israel adi an birawan, nang ngara re kabŭs kambŭi ngara dŭh ko mingungut.”

PINYIKIANG 18:7

Pak kuu ngga anak anak dari mu sadi adŭ siŭn pijadi sopŭrŭg pinanggong imam tura ka mija-sambah ka kayuh adi di Yŭn adi Siabo Kudus. Kayuh kayuh anŭ inŭh pinanggong mu, sabab Aku mbŭh nggen di kuu kraja imam. Tadŭ daya adi dŭh dog nggen hak mandŭg nyindŭk kayuh kayuh adi kudus anŭ dŭh siŭn dŭh dog ukum kabŭs.”

PINYIKIANG 4:19

kabŭs sitagar mandŭg nyindŭk kayuh kayuh kudus anŭ. Ngga bada kayuh dŭh jadi simŭnŭ, Aaron ngga anak anak dari-i siŭn mŭrŭt ka kidaan di barang naan ngara kraja-i, ka kidaan kayuh adi re barang naan tunduk.

PINYIKIANG 4:5

TUHAN nggen di Moses pinganang sakati: Kan-i mbŭh tika bari bari dog natas, Aaron ngga anak anak dari-i siŭn mŭrŭt Bari TUHAN, kadi tabir di tura ka jawin Pati Simanya ka pakai-i ngga nutu Pati anŭ.

MATTHEW 27:51

Komŭnŭ banang tabir adi di darŭm Ramin Tuhan tiratak nyinuwŭh so sambu ndŭg sagān-i. Tana bigugoh, batuh batuh butah,

HEBREW 6:19

Ata biyŭn pingarap anŭ adi keya ka sawŭh yŭn pimudip ta. Sawŭh anŭ tagap buang bisa dog harap, adi mŭrŭt tambus tabir Ramin Tuhan di shorga nuju birit kudus adi tura ka darŭm.

HEBREW 9:25

Imam bās Jahudi mŭrŭt ka darŭm Yŭn adi Siabo Kudus barang sawa taban deya dāng. Pak Kristus dŭh-I siraru mŭrŭt di nyadis adŭp-I,

HEBREW 9:3

Di punok tabir adi numbor duwŭh agi bari adi dog kadŭn Yŭn adi Siabo Kudus.

HEBREW 9:5

Di tunduh Pati anŭ agi cherubim ngga nandā Tapa agi diginŭ; urad ngara tiburai nyayung tarun yŭn dosa dog apun. Pak madin dŭh-i tika ngga kidaan rati sopŭrŭg kayuh ndŭg pinyikad-i.

PINANDŬNG 15:8

Ramin Tapa mbŭh puno ngga asuh so bragah ngga kuasa Tapa; mating daya bisa mŭrŭt ka darŭm Ramin Tapa ndŭg ka ju masam susah-bās anŭ mbŭh mating tia.