LEVITICUS 14:4 - Hakcipta - Biatah Bidayuh

⁴ imam anŭ siŭn bada duwŭh manuk adi bisig nanyam ka adat dog taban ka yŭn adŭp-i, samŭn supek kayuh sedar, taris adi bireh, ka anak tugu kayuh hyssop.

LEVITICUS 14:4 ပူးပေါင်းရင်းမြစ်များ

MAZMUR 51:7

Kadi dosa ku, ka aku re bisig; musor aku, ka aku re rabis buda so salju.

PINYIRUAH 12:22

Tambit tugu hyssop ka siruman-i di makuk adi agi deya dāng dieh ka susen deya anŭ di uros tiban ka di parang sambu tiban ramin ngan. Ndi naan so angān dŭh gŭh siŭn ruah so ramin ndŭg andu sipagi.

LEVITICUS 1:14

Kambŭi angān jugan ndi manuk ndu sadis badang, manuk anŭ dŭh siŭn dŭh an manuk asang puan kah manuk tikukur.

LEVITICUS 12:8

Kambŭi dayung anŭ dŭh tungang nggen ndi anak biri, ayŭh siŭn taban duwŭh manuk asang puan kah duwŭh tikukur, ndi yŭn sadis badang, ka ndi yŭn sadis taran dosa, ka imam siŭn pimanu adat ngga kadi pinyikais-i, ka ayŭh re jadi bisig nanyam ka adat.

LEVITICUS 14:5

Komŭnŭ, ayŭh bada ndi so manuk anŭ dog siŭ da nyirungan makuk tana adi birisi ngga piin bisig adi so rubang piin.

LEVITICUS 14:6

Ayŭh siŭn tambit manuk anŭ adi ndi ka siruman-i biramah ngga supek sedar, taris anŭ adi bireh ka samah tugu hyssop, di deya manuk anŭ adi muko dog siŭ.

LEVITICUS 5:7

Kambŭi angān dŭh tungang jugan biri puan kah kambing, angān siŭn taban ka yŭn TUHAN ngga nubos dosa ngan duwŭh manuk asang puan kah tikukur, ndi yŭn sadis taran dosa, ndi yŭn sadis badang.

PINYIKIANG 19:18

Yŭn har adi sibungas-i, daya adi bisig nanyam ka adat an tambit ndi tugu hyssop, siruman-i di piin anŭ, ka masik bari anŭ, sopŭrŭg kayuh adi agi di darŭm-i, ngga sopŭrŭg daya adi agi diginŭ. Yŭn har adi numbor duwŭh, daya adi bisig nanyam ka adat an masik piin anŭ di tunduh ngara adi mbŭh tama turang daya adi mbŭh kabŭs puan kah tadang daya puan kah kubur.

PINYIKIANG 19:6

Komŭnŭ ka ayŭh an tambit kada kayuh sedar, ndi tugu hyssop, ka taris adi bireh, ka taran-i di apui.

HEBREW 9:19

Sibungas-i, Moses piagah di daya Israel sopŭrŭg Pinyipesan nanyam adi mbŭh dog miratak darŭm Ukum-adat. Komŭnŭ ayŭh tambit deya dari sapi ka deya kambing, gaur-i ngga piin, ka masik-i di surat Ukum-adat samŭn di sopŭrŭg daya, pakai tugu hyssop ngga buruh biri adi bireh.