LEVITICUS 14:3 - Hakcipta - Biatah Bidayuh

³ Jadi imam anŭ siŭn taban daya anŭ ngga ka sapa tarun yŭn bibari ka piruh ayŭh. Kambŭi andam anŭ sawŭ mbŭh bua,

LEVITICUS 14:3 ပူးပေါင်းရင်းမြစ်များ

2 RAJA 5:14

Jadi Naaman di ka Yang Jordan, kurom adŭp-i diginŭ ju kari, sak adi Elisha muko kidaan, ka ayŭh rasu bua so andam-i anŭ. Pŭrŭng ganan-i rasu tatŭng tagap buang ramus, mun pŭrŭng ganan anak daya.

2 RAJA 5:3

Ndi andu ayŭh nang di sawŭn Naaman, “Kasi kambŭi tuan raan di ka ndi naan nabi adi rŭŭ di Samaria! Ayŭh bisa pibua ayŭh so andam-i.”

JOB 5:18

Tapa bada tawan, pak Ayŭh adi marut tawan anŭ; tangan-I kinaman kuu, ka tangan-I pibua kuu.

PINYIRUAH 15:26

Ayŭh nang, “Kambŭi angān an tunda pinganang Ku ngga ndai anŭ adi Aku nang batur ka sita pesan Ku, Aku dŭh re ngukum angān ngga tadŭ mun andam anŭ adi Aku ko bada dog daya Egypt. Aku ati TUHAN adi pibua angān.”

LEVITICUS 13:2

Kambŭi tadŭ so angān biyŭn bakang puan kah pirakis, puan kah bŭ adi bisa marui jadi andam kurit adi bisā, daya anŭ siŭn dog taban ka yŭn imam adi so asar Aaron.

LEVITICUS 13:46

Daya anŭ taŭn babŭ kais sitŭkŭd ayŭh babŭ dog andam anŭ, ka ayŭh dŭh siŭn dŭh rŭŭ di sapa tarun yŭn bibari, jo so daya bŭkŭn.

LEVITICUS 14:48

Kambŭi di tika imam mandŭg di pirasa ramin anŭ, ka kurat mating timbur dinge ripas-i muko dog nyamen bauh, imam anŭ siŭn pikadŭn ramin anŭ bisig, sabab kurat anŭ mbŭh abo dog kadi.

MATTHEW 10:8

Pibua daya adi birandam, pakat daya adi kabŭs, pibua daya adi naman andam kurit adi bisā, ka pibu umot. Angān mbŭh kambat kuasa ati dŭh so angān bayar, jadi ndai meh sopŭrŭg-i dŭh kira bayar.

MATTHEW 11:5

daya karak dapŭd kiris, daya bajang dapŭd panu, ngara adi naman andam kurit adi bisā mbŭh dog pibisig, daya bangam dapŭd dingah, daya kabŭs dog pakat, ka Agah Kana mbŭh dog nyuse di daya sirata.

LUKE 4:27

Ka agi gŭh bara daya adi naman andam kurit adi bisā rŭŭ di Israel di jaman nabi Elisha; pak ndi so ngara mating gŭh dog pibua, adŭ-i Naaman adi daya Syria.”

LUKE 7:22

Ayŭh nam pinyisung pinyisung John, “Pari angān ka kidaan di John ani adi angān mbŭh kiris ka dingah: daya karak dapŭd kiris, daya bajang dapŭd panu, ngara adi naman andam kurit adi bisā dog pibisig, adi bangam dapŭd dingah, adi kabŭs dog pakat udip bauh, ka Agah Kana mbŭh dog nyuse di daya sirata.