LEVITICUS 12:7 - Hakcipta - Biatah Bidayuh

⁷ Imam anŭ siŭn jugan sadis-i ka TUHAN, ka pimanu adat adi ngga kadi pinyikais-i, ka ayŭh re jadi bisig nanyam ka adat. Ati inŭh kayuh adi dayung dŭh siŭn dŭh ndai ripas-i biranak.

LEVITICUS 12:7 ပူးပေါင်းရင်းမြစ်များ

JOB 1:5

Isan isan ripas barang gawai, Job an makat awar ka jugan sadis yŭn barang naan anak-i ngga pibisig ngara. Ayŭh ari ndai simŭnŭ sabab di pikir-i kadŭ agi anak-i dŭh rada adŭp-i mbŭh bidosa nang pinganang sarah rawan Tapa.

JOB 14:4

Mating kayuh bisig bisa mandŭg so tadŭ kayuh kais mun manusia.

LEVITICUS 1:4

Angān an na tangan ngan di tunduh ubak dāng anŭ, ka-i re dog trima jadi sadis ngga taran dosa ngan.

LEVITICUS 12:6

Kan tipuh adat pibisig-i mbŭh abo dog pimanu, bait-i yŭn anak dari puan kah yŭn anak dayung, dayung anŭ siŭn taban ka yŭn imam di tiban Bari TUHAN ndi anak biri adi gi-ndi sawa umbur-i yŭn sadis badang, ka ndi manuk asang puan kah tikukur yŭn sadis taran dosa.

LEVITICUS 12:8

Kambŭi dayung anŭ dŭh tungang nggen ndi anak biri, ayŭh siŭn taban duwŭh manuk asang puan kah duwŭh tikukur, ndi yŭn sadis badang, ka ndi yŭn sadis taran dosa, ka imam siŭn pimanu adat ngga kadi pinyikais-i, ka ayŭh re jadi bisig nanyam ka adat.

LEVITICUS 15:15

Imam anŭ siŭn jugan ndi so manuk anŭ yŭn sadis taran dosa, ka manuk anŭ adi ndi yŭn sadis badang. Simŭnŭ inŭh ayŭh pimanu adat pibisig yŭn dari anŭ.

LEVITICUS 4:20

Ayŭh siŭn ndai simŭnŭ gŭh di dari sapi anŭ, nimun ayŭh mbŭh ndai di dari sapi yŭn sadis taran dosa, ka ngga gaya adi mun anŭ ayŭh ndai sadis yŭn dosa bara daya, ka ngara re dog apun.

LEVITICUS 4:26

Komŭnŭ, ayŭh siŭn badang sopŭrŭg ramak dāng anŭ, nimun ayŭh badang ramak ramak dāng adi dog siŭ yŭn sadis bidingan. Simŭnŭ inŭh imam jugan sadis ngga taran dosa pinguru tibaran-asar, ka ayŭh re dog apun.

LEVITICUS 4:31

Komŭnŭ, ayŭh kadi ramak ramak-i, nimun ayŭh kadi ramak ramak dāng adi mbŭh dog siŭ yŭn sadis bidingan, ka-i badang ramak ramak anŭ di tunduh mija-sambah, isa dagŭn-i pimunos asŭng TUHAN. Simŭnŭ inŭh imam jugan sadis yŭn dosa daya anŭ ka ayŭh bisa dog apun.

LEVITICUS 4:35

Komŭnŭ, ayŭh siŭn kubo kadi ramak ramak-i nimun ayŭh kadi ramak ramak biri adi mbŭh dog siŭ yŭn sadis bidingan, ka badang ramak ramak anŭ di tunduh mija-sambah, samah ngga sadis pinguman adi dog jugan ka TUHAN. Simŭnŭ inŭh imam jugan sadis yŭn taran dosa ngan, ka angān siŭn dog apun.

ROME 3:23

barang naan mbŭh bidosa ka mbŭh jo so Tapa adi nyiramat ngara.

1 CORINTH 7:14

Amai banŭh adi dŭh Kristen mbŭh dog trima Tapa darŭm-i bisindi ngga sawŭn-i, ka sawŭn adi dŭh Kristen mbŭh dog trima Tapa darŭm-i bisindi ngga banŭh-i adi Kristen. Kambŭi dŭh simŭnŭ, anak ngara re jadi keya ka anak daya adi dŭh puan Tapa; pak darŭm-i simŭnŭ, ngara mbŭh dog trima Tapa.

GALATIA 3:28

Mbŭh mating katŭn-i daya bangsa Jahudi ngga daya adi dŭh bangsa Jahudi, urun bait adi dŭh urun, dari bait dayung; sopŭrŭg ngan mbŭh ndi amai Kristus Jesus.