LEVITICUS 10:3 - Hakcipta - Biatah Bidayuh

³ Komŭnŭ Moses nang di Aaron, “Ati inŭh kayuh adi TUHAN mbŭh kidaan kan-I nang, ‘Sopŭrŭg daya adi bituan di Aku, dŭh siŭn dŭh an stabi di pinyikudus Ku; Aku re pinandŭng bragah Ku di daya Ku.’ ” Pak Aaron pirŭŭ adŭp-i adŭ.

LEVITICUS 10:3 ပူးပေါင်းရင်းမြစ်များ

TIBIRIK 18:25

Tatu Kaam dŭh re siŭ ngara adi dŭh sarah samah ngga ngara adi sarah. Dŭh-i bisa jadi simŭnŭ! Kaam dŭh bisa ndai simŭnŭ. Kambŭi Kaam sawŭ ndai simŭnŭ, gŭt-i daya adi dŭh sarah sua dog pirabur samah ngga daya adi sarah. Dŭh-i bisa jadi simŭnŭ. Arang ong ati an miratak ukum ngga tŭnggŭn.”

JOB 2:10

Job nam, “Budo pinganang mu anŭ! Kan Tapa pait ka ata kayuh kana, ata trima-i. Simuki meh ata re mingungut kan Ayŭh pait ka ata pinyusah?” Sunggu Job sangsara, ayŭh mating nang ani ani rawan Tapa.

MAZMUR 119:120

Sabab Kaam aku taru; aku mbŭh taru sabab ukum-adat Mai.

MAZMUR 148:14

Ayŭh bada bangsa-I bake, isa sopŭrŭg daya-I muji Ayŭh — daya Israel, Ayŭh siŭt. Muji meh TUHAN!

MAZMUR 39:10

Dŭhnyah tia ngukum aku! aku mbŭh sindŭk re kabŭs bada pukong Mai.

MAZMUR 39:9

Aku re pajam, aku dŭh re nang ani ani, amai Kaam inŭh adi bada aku sangsara mun ati.

MAZMUR 46:10

“Ko biperang,” Ayŭh nang, “ka puan meh Aku ati Tapa, bās di tunduh sopŭrŭg bangsa, ngga di ndi ong ong.”

MAZMUR 89:7

Kaam dog stabi di udung bās bara adi kudus; ka sopŭrŭg ngara taru di Kaam.

MAZMUR 93:5

Ukum-adat Mai tan adu adu, TUHAN, ka Ramin Mai inŭh sawŭ kudus, ndŭg situi tui.

PINYIRUAH 14:17

Aku re bada bara daya Egypt anŭ raru baking ndŭg ka ngara re tadak ngara mŭrŭt rawŭt, ka Aku re dapŭd bragah so pimanang Ku ngarah raja, bara soldadu-i, bara krita kuda-i, ka ngara adi pimanu krita krita kuda-i.

PINYIRUAH 14:4

Aku re bada ayŭh baking, ka ayŭh re tadak angān, ka pimanang Ku ngarah raja ngga bara tibaran soldadu-i re taban bragah ka adŭp Ku. Nganŭ daya Egypt re puan nang Aku ati TUHAN.” Daya Israel ndai nimun adi mbŭh dog kidaan.

PINYIRUAH 19:22

Ka bara imam adi mandŭg nyindŭk Aku dŭh siŭn dŭh an pibisig adŭp-i; Aku ngukum ngara rai-i.”

PINYIRUAH 19:24

TUHAN nam, “Di mūn ka taban Aaron ngga pari kamati. Pak bara imam ngga bara daya dŭh siŭn mutas baat di tingga Aku; Aku ngukum ngara rai-i.”

PINYIRUAH 30:30

Komŭnŭ, nginyo Aaron ngga bara anak dari-i, ka garar ngara jadi bara imam yŭn Ku.

ISAIAH 39:8

Dingah sakanŭ, Raja Hezekiah pikir damai ngga pinyipagŭng rais re babŭ di jaman adŭp-i, jadi ayŭh nam, “Pinganang so TUHAN adi kaam taban ka aku inŭh kana.”

ISAIAH 49:3

Ayŭh nang di aku, “Israel, kuu inŭh urun Ku; sabab kuu, daya re muji Aku.”

ISAIAH 52:11

Panu meh! Bu so Babylonia, sopŭrŭg ngan adi taban pingakas Ramin TUHAN! Dŭhnyah tama kayuh adi dŭh siŭn dog tama; bada adŭp ngan bisig ka bu meh so nŭ.

EZEKIEL 20:41

Ripas Aku taban angān ngga ruah so rais rais di yŭn ngan papar sasah ka nguruk angān, Aku re trima sadis adi angān badang, ka bangsa bangsa re kiris Aku ati kudus.

EZEKIEL 28:22

Kidaan di daya-i kayuh adi Aku, TUHAN Raja, nang pasar ngara: Aku ati pinganyu mu, Sidon; daya re muji Aku amai kayuh adi Aku ndai di kuu. Daya re puan nang Aku ati TUHAN, kan Aku kiren munki masam kudus Aku darŭm Aku ngukum ngara adi rŭŭ darŭm kuu.

EZEKIEL 38:16

ka nyerang daya Ku Israel mun sabak ribut nyarab mutas tarun tana. Kan tika anŭ mandŭg, Aku re pait kuu bada nyerang tarun tana Ku ngga kiren di bangsa bangsa asi Aku ati, ngga kiren pinyikudus Ku so ka kayuh adi Aku ndai so kuu.

EZEKIEL 40:46

ka birit adi nura utara inŭh yŭn imam imam adi nyiraja di bŭngŭn mija-sambah. Sopŭrŭg imam anŭ inŭh sesang Zadok; kaŭs ngara anŭ so tibaran-asar Levi adi dog nyibandar mŭrŭt ka sirung jawin TUHAN ka bituan di Ayŭh.

EZEKIEL 42:13

Daya anŭ nang di aku, “Soduwŭh ramin anŭ inŭh kudus. Di ramin anŭ imam imam adi bisa bidapŭd situra jawin ngga TUHAN man pinganggen adi siabo kudus. Sabab birit anŭ kudus, imam imam an na pinganggen adi siabo kudus diginŭ: sadis ruwang kayuh ngga sadis taran dosa, bait sadis bayar gati rugi.

LEVITICUS 21:15

amai bara anak-i adi patut jadi kudus, re jadi kais nanyam ka adat rai-i. Aku ati TUHAN, ka Aku inŭh adi nyidŭrŭ ayŭh da jadi Imam Bās.”

LEVITICUS 21:17

da kidaan di Aaron, “Mating katŭn so bara sesang mu adi kika pŭrŭng ganan-i siŭn jugan sadis pinguman ka Aku. Atur ati re simŭnŭ adu adu.

LEVITICUS 21:21

Sesang Aaron adi agi kika di pŭrŭng ganan-i dŭh siŭn jugan sadis pinguman ka Aku.

LEVITICUS 21:6

Ayŭh dŭh siŭn dŭh an bada adŭp-i kudus, ka dŭhnyah pimangŭh adŭn Ku. Ayŭh an jugan sadis pinguman ka Aku, ka sabab anŭ ayŭh dŭh siŭn dŭh an kudus.

LEVITICUS 21:8

Daya dŭh siŭn dŭh an nyirundeng nang imam kudus, amai ayŭh adi jugan sadis pinguman ka Aku. Aku ati TUHAN, ka Aku inŭh kudus, ka Aku bada bara daya Ku kudus.

LEVITICUS 22:9

“Sopŭrŭg imam siŭn sita atur atur-adat adi Aku muko nggen; amai kambŭi dŭh, ngara sarah ka re kabŭs, sabab ngara nyibireu atur-adat kudus. Aku ati TUHAN, ka Aku adi bada ngara kudus.

LEVITICUS 8:35

Angān dŭh siŭn dŭh rŭŭ di rawa tiban Bari TUHAN sandu singarŭm ndŭg ju andu ndai kraja adi TUHAN ko pesan. Kambŭi angān dŭh tunda atur anŭ, angān re kabŭs. Ati inŭh kayuh adi TUHAN ko pesan di aku.”

PINYIKIANG 16:5

Komŭnŭ ayŭh nang di Korah ngga di bara pinunda-i, “Isan isan andu sipagi TUHAN re kiren di ata asi tung Jangi; Ayŭh re bada sianŭ adi-I dapu, anŭ inŭh, sianŭ adi-I mbŭh mien, mandŭg ka yŭn adŭp-I sindŭk mija-sambah.

PINYIKIANG 20:12

Pak TUHAN nang Moses ngga Aaron. Ayŭh nang, “Sabab angān dŭh biyŭn puno pinyabah di Aku ngga ngaku kuasa Ku adi kudus di sirung jawin daya Israel, angān dŭh re nguru ngara ka tarun tana adi Aku mbŭh bijanji an nggen di ngara.”

MATTHEW 10:37

“Ngara adi rindu sama-i puan kah sindŭ-i rabis so Aku dŭh inŭh tibirang jadi murid Ku; ngara adi rindu anak dari-i puan kah anak dayung-i rabis so Aku dŭh inŭh tibirang jadi murid Ku.

JOHN 12:28

Sama, nyibragah meh adŭn Mai!” Ka sirŭŭn minyu, nang so rangit, “Aku mbŭh nyibragah-i, ka re nyibragah-i dinge.”

JOHN 14:13

Ka Aku re ndai ani ani adi angān mite ngga adŭn Ku, isa Sama bisa dog kibās so Anak.

DITRONOMI 32:51

sabab so-duwŭh ngan dŭh tŭtŭd di Aku di sirung jawin daya Israel. Di tika angān sindŭk batŭh piin di Meribah, adi sindŭk kupo Kadesh di tarun tana-pajam Zin, angān dŭh nggen stabi di Aku di sirung jawin daya bagŭ.

2 THESSALONICA 1:10

kan Ayŭh mandŭg di Andu anŭ di kambat bragah ka stabi so sopŭrŭg daya-I ngga sopŭrŭg adi sabah. Angān gŭh re sua ngga ngara, sabab angān mbŭh sabah agah adi kieh ko kidaan di angān.

1 PETER 4:17

Tipuh-i mbŭh mandŭg yŭn bisara re piguru, ka adŭp daya Tapa inŭh adi re diŭ bisara. Kambŭi-i piguru ngga ata, simuki pinŭbŭn-i re ngga ngara adi dŭh sabah di Agah Kana so Tapa?

1 SAMUEL 2:30

Aku, adi TUHAN Tapa Israel, muko bijanji jah nang rawang mu ngga manak mu re adu adu jadi imam yŭn Ku. Pak madin Aku nang Aku dŭh tia raan-i simŭnŭ! Aku re stabi di sinadan daya adi stabi di Aku, ka ngara adi ngamun Aku re dog ngamun.

1 SAMUEL 3:18

Jadi Samuel kidaan di ayŭh sopŭrŭg-i. Sopŭrŭg-i ayŭh dŭh miman. Eli nang, “Ayŭh anŭ TUHAN; Ayŭh re ndai tadŭ mun kayuh adi sŭn-i nang kana.”

1 SAMUEL 6:20

Jadi meh, bara daya Beth Shemesh nang, “Asi re tan nyindŭk TUHAN, Tapa kudus? Kamaki ata patut pait Ayŭh ngga ata pijo Ayŭh so adŭp ta?”