LEVITICUS 1:5 - Hakcipta - Biatah Bidayuh

⁵ Angān an siŭ dari sapi anŭ diginŭ, ka bara imam adi so asar Aaron an jugan deya dāng anŭ ka TUHAN, ka komŭnŭ naui-i di so-pat parad mija-sambah adi di rawa tiban Bari TUHAN.

LEVITICUS 1:5 ပူးပေါင်းရင်းမြစ်များ

2 KRONIKEL 35:11

Ripas anak biri ka kambing mbŭh dog siŭ, bara daya Levi nganyit-i, ka bara imam masik deya-i di tunduh mija-sambah.

PINYIRUAH 29:11

Siŭ dari sapi anŭ di yŭn kudus Ku di tiban Bari Ku.

PINYIRUAH 29:16

Siŭ biri anŭ, taŭ deya-i ngga nyijuh so-pat parad mija-sambah anŭ.

PINYIRUAH 40:6

Na mija-sambah adi yŭn badang sadis di rawa Bari TUHAN.

ISAIAH 52:15

Pak madin bagŭ bangsa re nginga bada-i, ka raja raja re tŭŭp baba ngara amai mbŭh inga inga. Ngara re kiris ka mirati kayuh adi ngara bŭn puan.”

EZEKIEL 36:25

Aku re masik piin bisig di angān, angān adi sembar bada tibudo ka bada barang masam kayuh.

EZEKIEL 43:18

TUHAN Raja nang di aku, “Manusia, dingah kayuh adi aku kidaan di kuu. Kan mija-sambah anŭ dog ndai, kuu an badang sadis di tunduh-i ka masik deya dāng adi dog nyadis di tunduh-i, ngga nitah-i yŭn Ku.

LEVITICUS 1:11

Angān an siŭ dāng anŭ di parad mija-sambah tura ka utara, ka bara imam an naui deya dāng anŭ di so-pat parad mija-sambah.

LEVITICUS 1:15

Imam anŭ an jugan-i di mija-sambah, mŭrŭs tungo-i ka badang ubak-i di tunduh mija-sambah. Deya-i an dog taran di tigang mija-sambah.

LEVITICUS 16:15

Ripas anŭ ayŭh siŭn siŭ kambing anŭ yŭn sadis taran dosa daya bagŭ, ka taban deya-i mŭrŭt ka Yŭn adi Siabo Kudus, ka masik-i di tunduh tŭtŭp anŭ ka di parad ka jawin adŭp Pati Simanya anŭ nimun ayŭh mbŭh masik deya sapi tejah.

LEVITICUS 17:11

Asŭng sopŭrŭg kayuh adi udip agi di deya-i, sabab anŭ meh TUHAN mbŭh pesan nang sopŭrŭg deya an dog ren di tunduh mija-sambah ngga taran dosa daya bagŭ. Deya, adi taŭn asŭng, taran dosa daya.

LEVITICUS 3:13

angān an na tangan ngan di tunduh ubak-i, ka siŭ-i di rawa Bari TUHAN. Bara imam an naui deya-i di so-pat parad mija-sambah,

LEVITICUS 3:2

Angān an na tangan ngan di tunduh ubak dāng anŭ ka siŭ-i di rawa tiban Bari TUHAN. Bara imam adi so asar Aaron an naui deya dāng anŭ di so-pat parad mija-sambah

LEVITICUS 3:8

angān an na tangan ngan di tunduh ubak-i, ka siŭ-i di rawa Bari TUHAN. Bara imam an naui deya-i di so-pat parad mija-sambah,

LEVITICUS 4:29

Ayŭh an na tangan-i di tunduh ubak dāng anŭ, ka siŭ-i di tigang mija-sambah tura ka utara, di yŭn dāng yŭn sadis badang dog siŭ.

LEVITICUS 4:33

Angān an na tangan ngan di tunduh ubak dāng anŭ, ka siŭ-i di parad tura ka utara mija-sambah adi yŭn dāng yŭn sadis badang dog siŭ.

LEVITICUS 4:7

Komŭnŭ, ayŭh an susen kada deya anŭ di junggir adi di sikuh mija-sambah kimanyan di darŭm Bari TUHAN. Ayŭh siŭn ren tadŭh deya anŭ di sigŭn mija-sambah adi yŭn badang sadis, adi di rawa tiban Bari TUHAN.

MICAH 6:6

Ani kayuh adi aku patut taban ka TUHAN, Tapa di shorga, kan aku mandŭg di nyambah Ayŭh? Patut kah aku taban anak sapi adi siabo brega an ku badang ndu sadis ka Ayŭh?

PINYIKIANG 18:17

Pak anak bungas sapi, biri, ka kambing bisa dŭh dog nubos; anŭ taŭn mbŭh tung jaku ka siŭn dog nyadis. Naui deya dāng dāng anŭ di mija-sambah ka badang ramak-i ndu sadis pinguman, ka dagŭn-i pimunos asŭng Ku.

HEBREW 10:11

Barang andu bara imam Jahudi ndai kraja ngara ka marar jugan sadis anŭ anŭ, sadis adi dŭh dapŭd taran dosa.

HEBREW 12:24

Angān mbŭh mandŭg ka Jesus, adi mbŭh ngatur simanya bauh anŭ, buang ka yŭn deya adi mbŭh dog masik adi natu kayuh adi kana dŭ so adi dog natu deya Abel.

1 PETER 1:2

Angān mbŭh dog mien nanyam ka pinŭtŭn Tapa Sama, ka mbŭh dog ndai Roh-I jadi daya kudus, da nundok di Jesus Kristus ka dog pibisig ngga deya-I. Isa-i Tapa nggen pinyirasi-mandis ngga damai di angān ngga sipuno-i.

1 SAMUEL 1:25

Ripas ngara muko siŭ dari sapi anŭ, ngara taban anak anŭ ka yŭn Eli.