LEVITICUS 1:3 - Hakcipta - Biatah Bidayuh

³ Kambŭi angān jugan ndi so sapi ngan ndu sadis badang, angān dŭh siŭn dŭh taban dari sapi adi pidanah. Angān dŭh siŭn dŭh an taban-i ka baŭm tiban Bari TUHAN isa TUHAN trima angān.

LEVITICUS 1:3 ပူးပေါင်းရင်းမြစ်များ

TIBIRIK 22:13

Abraham bigiring ka kiris ndi dari biri, tanduk-i nyasang di randa daan anak kayuh. Ayŭh di tambit ka jugan-i ndu sadis badang ngga gati anak-i.

TIBIRIK 22:2

“Taban anak mu,” Tapa nang, “Kaŭs kaŭs anak dari mu, Isaac, adi kuu raru rindu, ka di ka tarun tana Moriah. Diginŭ di tibung darŭd adi re Aku kiren di kuu, jugan ayŭh ndu sadis ka Aku.”

TIBIRIK 22:8

Abraham nam, “Adŭp Tapa re nggen.” Ngara duwŭh manak pijuu pimanu ngara.

TIBIRIK 8:20

Noah ndai ndi mija-sambah yŭn TUHAN; ayŭh tambit ndi pŭrŭng dāng ngga manuk adi bisig so barang masam-i, ka badang pŭrŭng pŭrŭng-i di tunduh mija-sambah anŭ ndu sadis.

2 KRONIKEL 29:32

Ngara taban 70 dari sapi, 100 biri, ka 200 anak biri ndu sadis badang ka TUHAN.

2 KRONIKEL 35:12

Komŭnŭ ngara kutung di dupan bara daya, nanyam ka tibaran tibaran rawang, dudu dāng yŭn sadis badang, isa ngara dapŭd jugan-i nanyam ka atur darŭm Ukum-adat Moses.

MAZMUR 110:3

Di andu kaam rawan pinganyu mai, daya mai re turung ngga siabo asŭng ngara. Keya ka sipot-abun isan isan dari bujang mai re mandŭg ka kaam di sandah kudus.

MAZMUR 40:8

Aku rindu ndai pinyiraan Mai, Tapa ku! Aku nyikŭn ajar Mai darŭm atin ku.”

PINYIRUAH 12:5

Angān bisa mien bait-i anak biri puan kah anak kambing, pak-i dŭh siŭn dŭh an dari adi ndi sawa umbur-i buang adi pidanah.

PINYIRUAH 24:5

Komŭnŭ ayŭh pait bara dari adi mara bada badang sadis ka TUHAN, ka nyadis kudu kudu sapi ndu sadis bidingan.

PINYIRUAH 29:18

Badang pŭrŭng dari biri anŭ di tunduh mija-sambah ndu sadis pinguman. Dagŭn sadis anŭ pimunos asŭng Ku.

PINYIRUAH 29:4

“Taban Aaron ngga bara anak-i ka tiban Bari-Ku, ka bada ngara mamuh pakai adat mamuh.

PINYIRUAH 29:42

Kuu ngga bara sesang mu an ari jugan sadis badang anŭ ka Aku, di tiban Bari-Ku. Diginŭ Aku re bidapŭd ngga bara daya Ku ka minyu di kuu.

PINYIRUAH 32:6

Awar isan isan andu jawa ndi ngara taban kada dāng yŭn badang ndu sadis, ka adi bŭkŭn yŭn man ndu sadis bidingan. Bara daya guru man ngga nok, ka piguru ndai rubi adi kais.

PINYIRUAH 35:21

ka barang naan adi raan, taban pinganggen ngara ka TUHAN ngga ndai Bari TUHAN. Ngara taban tadŭ tadŭ kayuh adi biguna ngga bisambah ka ngga ndai piraka imam.

PINYIRUAH 35:29

Sopŭrŭg daya Israel adi raan, taban pinganggen ngara ka TUHAN yŭn kraja pingandai adi Ayŭh ko pesan di Moses da ndai.

PINYIRUAH 35:5

Jugan pinganggen ka TUHAN. Barang naan daya adi raan ndai simŭnŭ siŭn taban pinganggen mas, pirak puan kah timaga;

PINYIRUAH 36:3

Ngara trima so Moses, sopŭrŭg pinganggen adi bara daya Israel mbŭh taban ngga ndai Bari TUHAN. Pak daya Israel adu adu taban ka Moses pinganggen ngara barang isan.

PINYIRUAH 38:1

Yŭn badang sadis, ayŭh ndai mija-sambah so kayuh acacia. Mija-sambah anŭ misagi, 2.2 mita ambu-i, 2.2 mita buka-i, ka 1.3 mita bigatung-i.

ISAIAH 1:11

Ayŭh nang, “Kuu pikir Aku raan sopŭrŭg sadis anŭ adi kuu pari pari jugan ka Aku? Aku mbŭh abah tia trima biri adi kuu badang ndu sadis, ka simŭnŭ gŭh ngga ramak dāng mu adi siabo gamu. Aku mbŭh reju di deya dari sapi, biri, ka kambing.

EZEKIEL 20:40

Diginŭ di tarun tana Israel, di sandah kudus Ku, sandah bigatung Israel, sopŭrŭg ngan daya Israel re nyambah Aku. Aku re munos asŭng di angān ka re kajŭn angān taban ka Aku sadis ngan, sadis ngan adi siabo kana, ngga pinganggen kudus ngan.

EZEKIEL 40:39

Darŭm birit-mŭrŭt anŭ agi pat mija, duwŭh di barang parad birit anŭ. Di tunduh mija anŭ daya siŭ dāng dāng adi re dog jugan ndu sadis, bait-i adi re dog mŭrŭng badang, puan kah ndu sadis ngga taran dosa, puan kah ndu sadis bayar gati rugi.

LEVITICUS 1:10

Kambŭi angān jugan ndi so biri ngan puan kah kambing ngan, dāng anŭ dŭh siŭn dŭh dari adi pidanah.

LEVITICUS 14:10

Di andu adi mai ayŭh siŭn taban duwŭh anak biri adi dari ngga ndi anak biri adi dayung samah mbŭh ndi sawa umbur-i ka adi pidanah, taruh kilogram tibaduk adi dog gaur ngga inyo kanā, ka ndi utung so taruh sukad lita inyo kanā.

LEVITICUS 16:7

Komŭnŭ ayŭh siŭn tambit dari kambing anŭ adi duwŭh ka taban-i ka tiban Bari TUHAN.

LEVITICUS 17:8

Tadŭ tadŭ daya Israel puan kah daya pinami adi rŭŭ di ruang daya Israel, adi jugan sadis badang puan kah tadŭ tadŭ sadis adi bŭkŭn

LEVITICUS 17:9

ndu pinganggen ka TUHAN di tarun bŭkŭn ripas so tiban Bari TUHAN re dŭh tia dog nyirundeng daya Tapa.

LEVITICUS 23:12

Andu adi ngga angān jugan sadis gandom, andu anŭ gŭh nyadis ndi anak biri adi dari adi ndi sawa umbur-i buang adi pidanah ndu sadis badang.

LEVITICUS 23:18

Jadi samah ngga ruti anŭ daya Israel siŭn gŭh jugan ju anak biri adi gi-ndi sawa umbur-i, ndi dari sapi, ka duwŭh dari biri; sopŭrŭg dāng anŭ an adi pidanah. Dāng dāng anŭ siŭn dog jugan ndu sadis badang ka TUHAN, samŭn sadis ruwang kayuh ngga sadis wain. Dagŭn sadis anŭ pimunos asŭng TUHAN.

LEVITICUS 3:1

Kan angān jugan ndi so sapi ngan ndu sadis bidingan, sapi anŭ an dari bait dayung adi pidanah.

LEVITICUS 4:15

Bara pinguru daya Israel an na tangan ngara di tunduh ubak dāng anŭ, ka siŭ-i diginŭ gŭh.

LEVITICUS 4:23

ka kan ayŭh rasu rada sarah-i, ayŭh siŭn taban ndu pinganggen ndi dari kambing adi pidanah.

LEVITICUS 4:3

Kambŭi Imam Bās ndai dosa, ka bada sopŭrŭg daya sua sarah, ayŭh an taban dari sapi adi gi-mara ka pidanah, ka nyadis-i ka TUHAN yŭn dosa-i.

LEVITICUS 4:32

Kambŭi angān taban ndi biri yŭn sadis taran dosa, anŭ dŭh siŭn dŭh an dayung adi pidanah.

LEVITICUS 5:15

Kambŭi tadŭ tadŭ so angān ngga dŭh singaja dŭh nggen pinganggen anŭ adi kudus ka TUHAN, angān siŭn taban ndi dari biri puan kah kambing adi pidanah ndu sadis bayar gati rugi ka TUHAN. Rega-i siŭn dog ngŭtŭ nanyam ka anŭ adi mbŭh dog miratak di Bari TUHAN.

LEVITICUS 5:18

Angān dŭh siŭn dŭh taban ka yŭn imam ndu sadis bayar gati rugi ndi dari biri puan kah kambing adi pidanah. Rega-i siŭn dog ngŭtŭ nanyam ka anŭ adi mbŭh dog miratak di Bari TUHAN. Imam siŭn jugan sadis anŭ yŭn dosa adi angān ndai dŭh ngga singaja, ka angān siŭn dog apun.

LEVITICUS 6:2

Sadis dŭh siŭn dŭh an dog jugan kambŭi tadŭ so angān bidosa rawan TUHAN darŭm angān abah pari kayuh adi ngga dingan ngan adi samah daya Israel muko tingge di angān ndu-i jamen kayuh, puan kah darŭm angān naku tadŭ kayuh so ayŭh, puan kah nipu ayŭh

LEVITICUS 6:8

TUHAN pesan di Moses

LEVITICUS 7:16

Kambŭi daya taban sadis bidingan ngga pijadi payu, puan kah ndu sadis adi dog jugan so pinyiraan atin adŭp, dŭh sopŭrŭg-i siŭn dog man di andu-i dog jugan, pak kambŭi agi tadŭh-i ayŭh siŭn dog man di andu sipagi.

LEVITICUS 8:18

Muko anŭ, Moses taban dari biri ndu sadis badang; ka Aaron ngga bara anak dari-i na tangan ngara di tunduh ubak-i.

LEVITICUS 9:2

Ayŭh nang di Aaron, “Tambit ndi dari sapi adi gi-mara, ngga ndi dari biri adi pidanah, ka jugan-i ka TUHAN. Dari sapi anŭ ndu sadis taran dosa, ka biri anŭ ndu sadis badang.

ZECHARIAH 13:7

TUHAN Bisa-pŭrŭg nang, “Burah meh, pedang, ka nyerang pingingat-biri adi nyiraja yŭn Ku! Siŭ ayŭh, ka kaban biri-i re mingare. Aku re nyerang daya Ku

MALACHI 1:14

Pangu re nyatŭk pinipu adi nyadis ka Aku dāng adi dŭh biguna, darŭm-i biyŭn di dupan kaban dāng-i dāng adi pidanah adi-i mbŭh bijanji an nggen di Aku! Amai Aku ati inŭh raja adi bās, ka daya so sopŭrŭg bangsa taru di Aku.”

PINYIKIANG 15:3

Ndi dari sapi, ndi dari biri, ndi biri puan kah kambing bisa dog jugan ka TUHAN ndu sadis badang, puan kah ndu sadis ngga pijadi payu, puan kah ndu sadis adi dog jugan so pinyiraan atin adŭp, puan kah ndu sadis adi angān ndai di tika gawai adat; dagŭn sadis pinguman anŭ pimunos asŭng TUHAN.

PINYIKIANG 15:8

Kan dari sapi dog jugan ndu sadis badang ka TUHAN, puan kah ndu sadis adi ngga pijadi payu, puan kah ndu sadis bidingan,

PINYIKIANG 19:2

bada nggen ka bara daya Israel atur-adat ati: Taban ka yŭn Moses ngga Aaron ndi dayung sapi adi bireh ka adi ramus buang pidanah ka adi bŭn dog bada ndai kraja,

PINYIKIANG 23:19

Tapa dŭh manusia, adi minyu kadong; Ayŭh dŭh manusia adi an ngubah pikir-i. Ani bait ani adi Ayŭh bijanji, Ayŭh ndai; Ayŭh minyu, ka-i jadi.

PINYIKIANG 23:27

Balak nang, “Ja tunda aku, ka aku re taban kuu ka tarun adi bŭkŭn. Kadŭ Tapa re an bada kuu mangu ngara yŭn ku so nŭ.”

PINYIKIANG 23:3

Komŭnŭ Balaam nang di Balak, “Mijog digiti sindŭk sadis adi kuu badang, atan aku di tingga re bidapŭd kah dŭh TUHAN ngga aku. Aku re kidaan di kuu ani bait ani adi Ayŭh pinandŭng di aku.” Jadi ayŭh di sadi-i ka tibung ndi sandah,

PINYIKIANG 23:30

Balak ndai nimun adi mbŭh dog bada ka nyadis ndi dari sapi ka ndi dari biri di barang mija-sambah anŭ.

PINYIKIANG 28:11

Jugan sadis badang ka TUHAN barang puun buran: duwŭh anak dari sapi, ndi dari biri, ju anak dari biri adi ndi sawa umbur-i; sopŭrŭg-i an adi pidanah.

PINYIKIANG 28:19

Jugan sadis badang ndu sadis pinguman ka TUHAN: duwŭh dari sapi adi gi-mara, ndi dari biri, ka ju anak dari biri adi mbŭh ndi sawa umbur-i; sopŭrŭg-i an adi pidanah.

PINYIKIANG 28:31

Jugan sopŭrŭg anŭ ngga sadis wain, ngga nambah sadis badang samah ngga sadis ruwang kayuh adi ari dog ndai barang andu.

PINYIKIANG 29:13

Di sibungas andu anŭ jugan sadis pinguman ka TUHAN, adi dagŭn-i pimunos asŭng-I: simŭng-taruh sapi adi gi-mara, duwŭh dari biri, ngga simŭng-pat anak dari biri adi ndi sawa umbur-i; sopŭrŭg-i an adi pidanah.

PINYIKIANG 29:2

Jugan sadis badang ka TUHAN, adi dagŭn-i pimunos asŭng-I: ndi dari sapi adi gi-mara, ndi dari biri, ka ju anak dari biri adi ndi sawa umbur-i; sopŭrŭg-i an adi pidanah.

LUKE 1:35

Malaikat anŭ nam, “Roh Kudus re mandŭg ka kuu, ka kuasa Tapa re nyayung kuu. Anŭ sabab Anak adi kudus anŭ re dog kadŭn Anak Tapa.

JOHN 1:36

kan ayŭh kiris Jesus murah. “Jeh rah-I Anak Biri Tapa!” ayŭh nang.

JOHN 10:7

Jadi Jesus nang dinge, “Aku kidaan di angān kayuh adi sawŭ: Aku ati tiban yŭn kaban biri.

JOHN 10:9

Aku inŭh tiban. Sopŭrŭg adi mŭrŭt so Aku re dog nyiramat. So Aku ngara re ruah mŭrŭt jiroh pinguman.

2 CORINTH 8:12

Kambŭi angān graŭh an nggen, Tapa taŭn re trima pinganggen ngan anŭ nanyam tungang ngan nggen, dŭh nanyam adi dŭh angān biyŭn.

2 CORINTH 9:7

Barang naan angān patut nggen, nimun angān ko natu an nggen, dŭh ngga atin nyesar puan kah sitagar angān dŭh siŭn dŭh nggen; amai Tapa rindu daya adi nggen ngga sanang asŭng-i.

EPHESUS 2:18

Ka so Kristus inŭh sopŭrŭg ata adi bangsa Jahudi ngga adi dŭh bangsa Jahudi, mbŭh dapŭd mandŭg darŭm ndi Roh ka sirung jawin Sama.

EPHESUS 5:27

siŭn-I bisa dapu eklisia ngga sopŭrŭg pinyiramus-i, anŭ inŭh bisig buang mating sarah, mating takar kais, puan kah tadŭ mun pinyikurang-i.

DITRONOMI 12:27

Jugan diginŭ dudu sadis adi re kubo dog badang di mija-sambah TUHAN. Jugan gŭh dudu sadis anŭ adi re ngan man dagin-i ka deya-i ren di tunduh mija-sambah.

DITRONOMI 15:21

Pak kambŭi agi kayuh kika di pŭrŭng dāng anŭ, bait-i bajang, puan kah karak, puan kah agi arap-i adi bŭkŭn adi mbŭh raru, dŭhnyah angān nyadis-i ka TUHAN adi Tapa ngan.

DITRONOMI 17:1

“Dŭhnyah nyadis ka TUHAN adi Tapa ngan sapi puan kah biri adi dŭh ramus pidanah; TUHAN tiru di pingandai adi mun anŭ.

HEBREW 7:26

Jesus meh, Imam Bās adi ata biguna. Ayŭh kudus; Ayŭh dŭh biyŭn sarah puan kah dosa; Ayŭh mbŭh dog nyidŭrŭ so bara adi bidosa ka mbŭh dog paad ka yŭn adi rabis bigatung so rangit.

HEBREW 9:14

Kambŭi daya dapŭd dog pibisig ngga adat anŭ, jung rabis deya adŭp Kristus dapŭd pibisig daya! So ka Roh adi udip adu adu Ayŭh jugan adŭp-I jadi sadis adi sukup kana ka Tapa. Deya-I re pibisig pikir-kira atin ta so pingandai adat adi dŭh biguna, isa ata bisa bituan di Tapa adi udip.