JOSHUA 24:27 - Hakcipta - Biatah Bidayuh

²⁷ Ayŭh nang di sopŭrŭg daya, “Batuh ati re jadi saksi yŭn ta. Batuh ati muko dingah sopŭrŭg pinganang adi TUHAN mbŭh nang di ata. Ngapŭi-i jadi saksi di tunduh ngan, isa angān dŭh rawan Tapa ngan.”

JOSHUA 24:27 ပူးပေါင်းရင်းမြစ်များ

JOB 31:23

Sabab aku taru ukum Tapa, aku dŭh birani ndai kayuh adi mun anŭ.

JOB 31:28

Dosa adi mun anŭ patut dog ngukum ngga pinyikabŭs, amai anŭ nyibireu Tapa Bisa-pŭrŭg.

PITAS 30:9

Kambŭi aku biyŭn bagŭ, kadŭ-i aku nang aku dŭh biguna di Kaam. Pak kambŭi aku sirata, kadŭ-i aku naku ka nggen mangŭh di Tapa ku.

ISAIAH 1:2

TUHAN nang, “Ong ngga rangit, dingah kayuh adi Aku nang! Bara anak adi Aku nyiran mbŭh rawan Aku.

ISAIAH 59:13

Kieh mbŭh rawan Kaam, tirawan Kaam, ka abah tunda Kaam. Kieh mbŭh kinanyuh daya bŭkŭn ka nyipunok Kaam. Pikir-kira ami sarah; pinganang ami pinganang kadong.

HABAKKUK 2:11

Ndŭg batuh sindung nyirais nyarah angān, ka angū sirais anŭ ruah so asah kasu kasu.

PINYIKIANG 11:20

pak sitŭkŭd ndi buran, ndŭg ka-i ruah so kajit ngan, ndŭg ka angān an nguta da-i. Kayuh anŭ re jadi simŭnŭ sabab angān tirawan TUHAN adi agi ngga angān digiti ka mbŭh mingungut nang adŭp ngan patut dŭh bu so Egypt.’ ”

MATTHEW 10:33

Pak ngara adi tirawan Aku di sirung jawin daya bagŭ, Aku re tirawan gŭh di sirung jawin Sama Ku di Shorga.

LUKE 19:40

Jesus nam, “Aku kidaan di angān, kambŭi ngara pajam, batuh batuh ati re piguru nyirais.”

DITRONOMI 30:19

Aku madin bada angān mien: udip kah pinyikabŭs, berkat Tapa kah pangu Tapa, ka aku bagan rangit ngga tana bada nyaksi pimien ngan. Mien nŭh udip.

DITRONOMI 31:19

“Jadi madin, nuris ragu ati. Ngajar-i di daya Israel, isa-i jadi taksi Ku di ngara.

DITRONOMI 31:21

ka bagŭ mun pinyirusag adi raru arap re nyatŭk ngara. Pak ragu ati re babŭ dog nang, ka jadi taksi Ku di ngara. Ka madin gŭh, diŭ so Aku taban ngara mŭrŭt tarun tana adi Aku mbŭh bijanji an nggen di ngara, Aku mbŭh puan kayuh adi ngara pikir.”

DITRONOMI 31:26

“Tambit surat ati adi yŭn Ukum-adat Tapa dog nuris, ka na-i sindŭk Pati Simanya TUHAN adi Tapa ngan, isa-i babŭ diginŭ ndu taksi di daya-I.

DITRONOMI 32:1

“Tana ngga rangit, dingah pinganang ku, dingah nakit nakit kayuh adi nang ku.

DITRONOMI 4:26

Aku bagan rangit ngga tana jadi saksi rawan angān andu ati nang, kambŭi angān nyibireu aku, angān re miyap so tarun tana anŭ. Angān dŭh re tui rŭŭ di tarun tana di pah mandi Yang Jordan adi angān re ngisi. Angān re abo dog pirabur.

TITUS 1:16

Ngara nang adŭp-i puan Tapa, pak urah ngara dŭh ngaku. Ngara mbŭh raru arap buang dŭh dingah pinganang Tapa; dŭh nugu ndai pingandai kana.

JOSHUA 22:34

Daya Reuben ngga Gad nang, “Mija-sambah ati jadi saksi di sopŭrŭg ta nang TUHAN inŭh Tapa.” Ngapŭi ngara kadŭn-i “Saksi.”

JOSHUA 24:28

Komŭnŭ Joshua bada bara daya maad, ka barang naan pari ka tarun tana adŭp-i masin masin.

PINANDŬNG 3:8

Aku puan kayuh ndai mu; Aku puan kuu biyŭn nisŭ kuasa; kuu agi tunda ajar Ku ka mbŭh tŭtŭd ngga Aku. Aku mbŭh kuka tiban yŭn mu, adi mating daya tungang tŭŭp.

1 SAMUEL 7:12

Jadi Samuel tambit ndi batuh, pijog-i di asah Mizpah ngga Shen, ka nang, “TUHAN mbŭh ngga siabo asŭng-I turung ata” — ka kadŭn batuh anŭ “Batuh Pinurung.”