JOSHUA 11:20 - Hakcipta - Biatah Bidayuh

²⁰ TUHAN mbŭh bada ngara bigŭtŭ an biperang ngga daya Israel, isa ngara rarap ka dog siŭ dŭh ngga masi. Anŭ inŭh kayuh adi TUHAN mbŭh pesan di Moses.

JOSHUA 11:20 ပူးပေါင်းရင်းမြစ်များ

2 SAMUEL 17:14

Absalom ngga sopŭrŭg daya Israel nang, “Pinyitayan Hushai agi kana dŭ so tung Ahithophel.” TUHAN mbŭh natu nang pinyitayan Ahithophel dŭh bisa dog pakai, isa pinyirusag nyatŭk Absalom.

1 RAJA 12:15

Anŭ mbŭh nanyam ka pinyiraan TUHAN, bada jadi bitŭtŭk kayuh adi-I nang di Jeroboam anak Nebat so baba nabi Ahijah so Shiloh. Anŭ inŭh sabab raja dŭh nggen pimite bara daya.

2 KRONIKEL 22:7

Tapa bada tika anŭ adi ngga Ahaziah munan Joram jadi tika pinyirabu Ahaziah. Atan Ahaziah diginŭ, ayŭh ngga Joram dog natang ndi naan daya dŭn Jehu anak Nimshi, adi TUHAN mbŭh mien bada nyirubuh taris asar pinyipritah Ahab.

2 KRONIKEL 25:16

Diŭ so nabi anŭ kubo piminyu-i, Amaziah nang, “So sinde kieh bada kuu jadi tukang pitayan yŭn raja? Dŭh tia minyu, kambŭi dŭh aku bada kuu dog siŭ!” Nabi anŭ ko minyu, pak sibayuh anŭ ayŭh muko nang, “Madin aku puan nang Tapa mbŭh raan siŭ kuu sabab sopŭrŭg pingandai mu ati, buang kuu mbŭh nyibireu pinganang ku.”

PINYIRUAH 10:1

Komŭnŭ TUHAN nang di Moses, “Di dapŭd raja, Aku muko bada ayŭh ngga bara pinurung-i jadi baking, isa Aku bisa ndai pingandai-nginga Ku di ruang ngara

PINYIRUAH 11:10

Moses ngga Aaron ndai sopŭrŭg pingandai-nginga anŭ di sirung jawin raja, pak TUHAN bada ayŭh baking ka abah-i bada daya Israel ruah so rais-i.

PINYIRUAH 14:17

Aku re bada bara daya Egypt anŭ raru baking ndŭg ka ngara re tadak ngara mŭrŭt rawŭt, ka Aku re dapŭd bragah so pimanang Ku ngarah raja, bara soldadu-i, bara krita kuda-i, ka ngara adi pimanu krita krita kuda-i.

PINYIRUAH 14:4

Aku re bada ayŭh baking, ka ayŭh re tadak angān, ka pimanang Ku ngarah raja ngga bara tibaran soldadu-i re taban bragah ka adŭp Ku. Nganŭ daya Egypt re puan nang Aku ati TUHAN.” Daya Israel ndai nimun adi mbŭh dog kidaan.

PINYIRUAH 14:8

TUHAN bada raja baking, ka ayŭh rasu tadak bara daya Israel, adi mbŭh ruah darŭm pimanang.

PINYIRUAH 4:21

TUHAN nang di Moses dinge, “Amai madin kuu pari ka Egypt, kuu dŭhnyah dŭh ndai sopŭrŭg pingandai-nginga adi Aku muko nggen kuasa di kuu ngga ndai, di sirung jawin raja. Pak Aku re bada atin raja anŭ baking, ka ayŭh dŭh re bada daya Israel bu so Egypt.

PINYIRUAH 9:12

Pak TUHAN bada raja anŭ baking ka, sak adi TUHAN ko nang, raja abah dingah pinganang Moses ngga Aaron.

PINYIRUAH 9:16

Pak ngga Aku kiren kuasa Ku di kuu, Aku mbŭh tandah kuu udip isa Adŭn Ku dog puan di ndi ong ong.

ISAIAH 14:24

TUHAN Bisa-pŭrŭg mbŭh bipayu: “Kayuh adi Aku bisatur raan ndai re sawŭ jadi. Kayuh adi Aku mbŭh bigŭtŭ raan ndai re sawŭ jadi.

ISAIAH 34:2

TUHAN inŭh baji di sopŭrŭg bangsa ka di bara tibaran soldadu-i. Ayŭh re ngukum ka pirusag ngara.

ROME 9:18

Jadi meh, Tapa kiren masi di tadŭ daya Ayŭh raan, ka Ayŭh bada baking tadŭ daya Ayŭh raan.

DITRONOMI 2:30

“Pak Raja Sihon abah bada ata mutas rais-i. TUHAN adi Tapa ngan mbŭh bada ayŭh baking buang abah dingah pinganang, isa ata tungang ngarah ayŭh ka tambit tarun tana-i, adi ata taŭn babŭ ngisi.

DITRONOMI 7:16

Pirusak barang bangsa adi TUHAN adi Tapa ngan na di darŭm kuasa ngan, ka dŭhnyah kiren pinyirasi di ngara. Dŭhnyah nyambah tapa tapa ngara, amai anŭ kayuh adi bisa pirabur angān.

AKIM 14:4

Sindŭ sama Samson dŭh puan nang TUHAN inŭh adi ngatur Samson bada ndai simŭnŭ, amai TUHAN taŭn mbŭh jiroh aran adi ngga-i bisa rawan daya Philistine. Di jaman anŭ daya Philistine inŭh adi mritah Israel.

1 SAMUEL 2:25

Kambŭi daya bidosa rawan dingan-i, Tapa bisa grindung sianŭ adi sarah; pak asi bisa grindung daya adi bidosa rawan TUHAN?” Pak ngara dŭh raan dingah pinganang sama-i, amai TUHAN mbŭh natu re siŭ ngara.