JONAH 4:8 - Hakcipta - Biatah Bidayuh

⁸ Kan batŭh andu mbŭh makat, Tapa pait sabak adi paras so timor, ka Jonah batang re mijŭp bada paras batŭh andu adi dog ubak-i. Jadi Ayŭh kira adŭp-i mbŭh kana dŭ kabŭs. “Kana dŭ aku kabŭs so aku udip,” ayŭh nang.

JONAH 4:8 ပူးပေါင်းရင်းမြစ်များ

TIBIRIK 41:6

Komŭnŭ ju tundun gandom adi bŭkŭn ruah gŭh, piraping ka mangas da sabak adi mandŭg so tarun tana-pajam.

1 RAJA 19:4

Elijah panu ndi andu andu di ka tarun tana-pajam. Ayŭh rŭŭ ka guru di sayung tŭngŭn kayuh ka mite adŭp-i kabŭs adŭ. “Dŭh aku tan, TUHAN,” ayŭh nang darŭm dua-i. “Tambit adŭ asŭng ku; mbŭh kana dŭ aku kabŭs!”

1 RAJA 21:4

“Ahab maad, susah buang tuas amai kayuh adi Naboth mbŭh nang di ayŭh. Ayŭh guring di ambok, nura sindung, ka dŭh raan man.

JOB 2:10

Job nam, “Budo pinganang mu anŭ! Kan Tapa pait ka ata kayuh kana, ata trima-i. Simuki meh ata re mingungut kan Ayŭh pait ka ata pinyusah?” Sunggu Job sangsara, ayŭh mating nang ani ani rawan Tapa.

JOB 7:15

ndŭg ka aku mbŭh raan dŭ dog nyiap so aku udip darŭm pŭrŭng adi sangsara ati.

MAZMUR 121:6

Batŭh andu dŭh re kinaman angān sandu, dŭh gŭh buran singarŭm.

MAZMUR 39:9

Aku re pajam, aku dŭh re nang ani ani, amai Kaam inŭh adi bada aku sangsara mun ati.

EKLISIASTIS 7:9

Dŭhnyah rikas baji; daya adi budo inŭh adi nyikŭn dendam.

RAGU 1:6

Dŭhnyah ngamun aku amai aku singŭt, sabab sura inŭh adi bada aku singŭt. Bara jurud ku baji di aku ka bada aku nyiraja di teya anggor. Aku dŭh biyŭn masā re nakit sita ayong ku.

ISAIAH 49:10

ngara re dŭh sibŭrŭk bait badŭh asŭng. Paras batŭh andu ngga paras tarun tana-pajam dŭh re bada ngara kinaman, amai ngara re dog nguru sianŭ adi rindu ngara. Ayŭh re nguru ngara ka rubang rubang piin.

EZEKIEL 19:12

Pak daya adi baji dimbut-i ka taran-i ka tana. Sabak timor bada buwa-i pisŭk. Daan-i pata, rayu ka dog badang.

HOSEA 13:15

Sunggu Israel mujur mun uduh di tana adi damŭn, Aku re pait sabak timor adi paras so tarun tana-pajam, ka-i re nyibadŭh anak anak sungi ngga prigi ngara. Ka-i re taban ngga bu sopŭrŭg kayuh adi brega.

LEVITICUS 10:3

Komŭnŭ Moses nang di Aaron, “Ati inŭh kayuh adi TUHAN mbŭh kidaan kan-I nang, ‘Sopŭrŭg daya adi bituan di Aku, dŭh siŭn dŭh an stabi di pinyikudus Ku; Aku re pinandŭng bragah Ku di daya Ku.’ ” Pak Aaron pirŭŭ adŭp-i adŭ.

JONAH 1:17

So ka pinyibada TUHAN ndi tibande iken tŭrŭn Jonah, ka ayŭh mbŭh darŭm tain iken sitian taruh andu ngga taruh ngarŭm.

JONAH 1:4

Pak TUHAN pait sabak adi raru bangat-i ka rawŭt, ka sabak ribut anŭ raru daras-i ndŭg ka kapar anŭ mbŭh re an pape.

JONAH 4:3

Madin, TUHAN, bada aku kabŭs. Kana dŭ aku kabŭs.”

JONAH 4:9

Pak Tapa nang di ayŭh, “Ani hak mu baji pasar anak tŭngŭn kayuh-udip anŭ?” Jonah nam, “Aku biyŭn hak baji — mbŭh sukup baji ndŭg ka aku an kabŭs!”

MATTHEW 20:12

‘Ngara anŭ adi sikasŭn dog bada nyiraja batur-i nyiraja ndi jam adŭ,’ ngara nang, ‘darŭm kieh mbŭh ndi andu andu nyiraja di sura, pak gŭt-i kaam nggen gaji ngara brinyam ngga jami!’

PINANDŬNG 3:19

Aku nang ka ngukum sopŭrŭg adi Aku rindu. Ndai meh pikir mu yŭn ngubah adŭp mu ka dŭh tia bidosa.

PINANDŬNG 7:16

Ngara dŭh re tia sibŭrŭk puan kah badŭh asŭng; mating batŭh andu puan kah sura bisā re tia pijera ngara,

1 SAMUEL 3:18

Jadi Samuel kidaan di ayŭh sopŭrŭg-i. Sopŭrŭg-i ayŭh dŭh miman. Eli nang, “Ayŭh anŭ TUHAN; Ayŭh re ndai tadŭ mun kayuh adi sŭn-i nang kana.”