JONAH 4:2 - Hakcipta - Biatah Bidayuh

² Ayŭh bidua, “TUHAN, dŭh kah aku agi nang sibayuh aku matak tingge ramin arŭn ku, nang ati inŭh kayuh adi re Mai ndai? Anŭ inŭh sabab aku rikas di ka Spain! Aku puan Kaam inŭh Tapa adi rindu ka adi masi, ari sabar, ari mandis, ka ari sidia an nukar pikir ka dŭh jadi ngukum.

JONAH 4:2 ပူးပေါင်းရင်းမြစ်များ

1 RAJA 19:4

Elijah panu ndi andu andu di ka tarun tana-pajam. Ayŭh rŭŭ ka guru di sayung tŭngŭn kayuh ka mite adŭp-i kabŭs adŭ. “Dŭh aku tan, TUHAN,” ayŭh nang darŭm dua-i. “Tambit adŭ asŭng ku; mbŭh kana dŭ aku kabŭs!”

MAZMUR 103:8

TUHAN inŭh puno ngga pinyirasi ngga pinyirindu, sais baji buang puno ngga pinyirindu adi dŭh bisa birubah.

MAZMUR 145:8

TUHAN inŭh pinyirindu ka masi, sais baji ka puno ngga pinyirindu adi dŭh bisa birubah.

MAZMUR 78:38

Pak Tapa masi di daya-I. Ayŭh apun dosa ngara ka dŭh siŭ ngara. Mbŭh siraru Ayŭh nan baji-I ka nan riyŭn-I.

MAZMUR 86:15

Pak Kaam, O TUHAN, inŭh Tapa adi masi buang pinyirindu, siraru sabar, siraru mandis ka tŭtŭd.

MAZMUR 86:5

Kaam kana ngga kieh buang an apun kieh, puno ngga pinyirindu adi dŭh bisa birubah di sopŭrŭg daya adi bidua ka Kaam.

MAZMUR 90:13

Ndŭg sinde Kaam baji? Masi di urun Mai, O TUHAN!

PINYIRUAH 32:14

Jadi TUHAN ngubah pikir-I ka dŭh taban pinyirusag anŭ ka daya-I, pinyirusag adi ko-I nang.

JEREMIAH 18:8

pak ko anŭ bangsa anŭ marik pimudip-i dŭh tia ndai arap, Aku dŭh re ndai kayuh adi Aku nang adŭp Ku re ndai.

JEREMIAH 20:7

TUHAN, Kaam mbŭh nipu aku, ka aku mbŭh dog nipu. Kaam bake so aku, ka Kaam mbŭh ngarah aku. Barang naan daya nyirimbe aku; ngara tawŭh aku sandu singarŭm.

JEREMIAH 26:13

Angān dŭh siŭn dŭh ngubah aran pimudip ngan samŭn kayuh adi angān ndai, ka dŭh siŭn dŭh nundok di Tapa ngan. Kambŭi angān ndai simŭnŭ, Ayŭh re nukar pikir-I pasar pinyirusag adi Ayŭh nang re bada nyatŭk angān.

JEREMIAH 42:10

‘Kambŭi angān raan adu adu rŭŭ di tarun tana ati, Aku an pijog angān ka dŭh nyirubuh angān; Aku re purun angān ka dŭh dimbut angān. Pinyirusag adi Aku mbŭh bada nyatŭk angān mbŭh bada Aku susah.

AMOS 7:3

TUHAN nukar pikir-I ka nang, “Kayuh adi kuu kiris dŭh-i re jadi.”

AMOS 7:6

TUHAN nukar pikir-I dinge ka nang, “Kayuh anŭ dŭh gŭh re jadi.”

JONAH 1:3

Pak Jonah matak ka tarun bŭkŭn ngga-i mangān TUHAN. Ayŭh di ka Joppa, di yŭn-i dapŭd ndi kapar adi re matak ka Spain. Ayŭh bayar tambang-i ka mŭrŭt kapar anŭ ngga bara daya bŭkŭn an di ka Spain, di yŭn-i bisa pijo adŭp-i so TUHAN.

JONAH 3:10

Tapa kiris ani adi ndai ngara; Ayŭh kiris ngara mbŭh pasan urah ginaka ngara. Jadi Ayŭh nukar pikir-I ka dŭh ngukum ngara nimun adi ko-I nang.

JONAH 3:9

Kadŭ Tapa bisa nukar pikir-I; kadŭ Ayŭh bisa ko baji, ka ata meh dŭh re kabŭs!”

MICAH 7:18

Mating tapa bŭkŭn mun Kaam, O TUHAN. Kaam apun dosa daya Mai adi babŭ udip. Kaam dŭh adu adu baji, pak Kaam raan dŭ kiren pinyirindu Mai adi dŭh bisa birubah.

LUKE 10:29

Pak gurū Ukum-adat Jahudi anŭ raan nyibandar adŭp-i, ayŭh siken, “Asi dingan ku?”

DITRONOMI 4:31

Ayŭh inŭh Tapa adi masi. Ayŭh dŭh re tagan angān puan kah pirabur angān, ka Ayŭh dŭh re kambŭt simanya adi adŭp-I muko ndai ngga tayung-babuk ngan.