JONAH 3:6 - Hakcipta - Biatah Bidayuh

⁶ Kan raja Nineveh dingah kayuh anŭ, ayŭh makat so takta-i, kadi kasut-i, kasŭk piraka banang guni, ka guru di tunduh apŭk.

JONAH 3:6 ပူးပေါင်းရင်းမြစ်များ

1 RAJA 21:27

Kan Elijah muko minyu, Ahab nyiratak piraka-i, pirukos-i, ka kasŭk banang guni. Ayŭh abah man, ka bŭŭs nēn banang guni, ka panu susah buang bipito.

JOB 2:8

Job di guru sindŭk tugung sapok ka tambit ndi supek pape priok ngga ngikis gadag-i.

JOB 42:6

Ngapŭi aku mangŭh ngarun sopŭrŭg kayuh adi aku mbŭh nang ka ngga atin nyesar aku ngabu dabu ngga apŭk di adŭp ku.

ISAIAH 15:3

Daya di aran nēn banang guni; di pakan kupo ka di tibung ramin daya muās ka sien.

JEREMIAH 13:18

TUHAN minyu ngga aku, “Kidaan di raja ngga di sindŭ-i bada mūn so takta ngara, sabab makota ngara adi ramus anŭ mbŭh rabu so ubak ngara.

JEREMIAH 36:13

Micaiah kidaan di ngara sopŭrŭg kayuh adi-i mbŭh dingah Baruch basa di sirung jawin bara daya.

JEREMIAH 36:24

Pak ngara, bait-i raja puan kah bara pinurung-i adi mbŭh dingah sopŭrŭg kayuh anŭ, dŭh taru ka tatŭng dŭh susah.

JEREMIAH 6:26

TUHAN nang di daya-I, “Kasŭk banang guni ka gurai adŭp ngan di apŭk. Bandar bandar muās mun angān muās anak tambŭ dari ngan, sabab sianŭ adi mandŭg di pirabur angān re gŭgŭh nyerang.

PUĀS 2:10

Bara nyamba daya Jerusalem guru di tana dŭh nang ani ani, na dabu di ubak ka nēn piraka banang guni. Bara dayung adi mara mutu ubak ngara ka tana.

PUĀS 3:29

ata patut pirapat adŭp ta ngga atin adi an nundok, amai kadŭ babŭ agi pingarap.

EZEKIEL 26:16

Sopŭrŭg raja adi di bŭngŭn rawŭt re mūn so takta ngara. Ngara re kadi jipo-ambu ngara samŭn piraka adi dog ngabuh ngga butik bunga jiit ka guru di tana buang kimŭtŭr. Ngara re tikaran kiris nasip mu anŭ ndŭg ka ngara adu adu kimŭtŭr.

DANIEL 9:3

Aku bidua ngga siabo asŭng ku ka TUHAN Tapa, mite masi so Ayŭh, buang aku bipusa, nēn banang guni, ka guru di apŭk.

MICAH 1:10

Dŭhnyah kidaan di bara pinganyu di Gath nang ata mbŭh dog ngarah; dŭhnyah angān sien. Daya Beth Leaphrah, gurai marik adŭp ngan di dabu ngga kiren adŭp ngan mbŭh mating pingarap tia.

MATTHEW 11:21

“Mbŭh raru payah-i re di kuu, Chorazin! Mbŭh raru payah-i gŭh di kuu, Bethsaida! Kambŭi pingandai-nginga adi ko dog ndai di kuu dog ndai di Tyre ngga Sidon, mbŭh tui daya diginŭ pakai banang guni buang ngabu apŭk di adŭp-i, ngga kiren adŭp-i mbŭh marik pimudip-i pari ka Tapa!

LUKE 10:13

“Mbŭh raru payah-i re di kuu, Chorazin! Mbŭh raru payah gŭh di kuu, Bethsaida! Kambŭi pingandai-nginga anŭ adi ko dog ndai darŭm angān dog ndai darŭm Tyre ngga Sodom, daya diginŭ mbŭh tui ko guru, nēn piraka guni, ka ngabu apŭk di adŭp-i, ngga kiren adŭp-i mbŭh marik pimudip-i pari ka Tapa!