JONAH 2:9 - Hakcipta - Biatah Bidayuh

⁹ Pak aku re nang ragu puji ka Kaam; aku re jugan sadis ka Kaam ka ndai kayuh adi aku mbŭh bijanji an ndai. Pinyiramat mandŭg so TUHAN!”

JONAH 2:9 ပူးပေါင်းရင်းမြစ်များ

TIBIRIK 35:3

Ata re bu so tarun ati di ka Bethel, di yŭn aku re pijog ndi mija-sambah yŭn Tapa adi ko turung aku di tipuh aku dog pinyusah ka adi agi ngga aku di tadŭ yŭn aku ko di.”

2 SAMUEL 15:7

Kan-i mbŭh ripas pat sawa, Absalom nang di Raja David, “Tuan, bada aku di ka Hebron di sita janji adi aku muko ndai ngga TUHAN.

JOB 22:27

Kan kuu bidua, Ayŭh re nam kuu, ka kuu re sita payu adi kuu mbŭh ndai.

MAZMUR 107:22

Ngara dŭh siŭn dŭh nggen trima kaseh di Ayŭh ngga sadis, ka ngga ragu pinyigaŭn dŭh siŭn dŭh kidaan sopŭrŭg kayuh adi Ayŭh mbŭh ndai.

MAZMUR 27:1

TUHAN inŭh jawa ku ka pinyiramat ku; aku dŭh re taru asi asi. TUHAN grindung aku so sopŭrŭg pinyusah; aku dŭh re taru.

MAZMUR 3:8

Pimanang mandŭg so TUHAN — isa-i Ayŭh nyiberkat bara daya-I.

MAZMUR 50:14

Bada pinganggen trima kaseh jadi sadis ngan ka Tapa, ka nggen di Ayŭh adi Bisa-pŭrŭg sopŭrŭg adi angān mbŭh bijanji an nggen.

MAZMUR 50:23

Pinganggen trima kaseh inŭh sadis adi ngga stabi di Aku, ka Aku sawŭ re nyiramat daya adi stabi di Aku.”

MAZMUR 68:20

Tapa ta inŭh Tapa adi nyiramat; Ayŭh inŭh TUHAN, adi pirupas ata so pinyikabŭs.

MAZMUR 95:2

Ja ata mandŭg ka sirung jawin-I ngga trima kaseh ka ngga gaŭn biragu ragu puji.

ISAIAH 45:17

Pak Israel dog nyiramat TUHAN, ka pimanang-i tan adu adu; daya-I re dŭh dog pimangŭh.’ ”

JEREMIAH 33:11

sirais gaŭn ngga pawŭn ka jawŭn rami gawai banan sawan. Angān re dingah daya biragu darŭm ngara taban pinganggen trima kaseh ka Ramin Ku; ngara re nang, ‘Nggen trima kaseh di TUHAN Bisa-pŭrŭg, sabab Ayŭh kana ka pinyirindu-I tan adu adu.’ Aku re bada tarun tana ati mujur mun dawŭ-i. Aku, adi TUHAN, mbŭh minyu.”

HOSEA 14:2

Pari ka TUHAN, ka bada dua ati jadi sadis ngan ka Ayŭh: “Apun sopŭrŭg dosa ami, ka kambat dua ami, ka kieh re muji Kaam nimun adi ko ami janji.

JOHN 4:22

Angān daya Samaria dŭh batur puan asi Ayŭh adi angān nyambah; pak kieh daya Jahudi puan Ayŭh adi kieh nyambah, amai so daya Jahudi inŭh pinyiramat mandŭg.

PINGANDAI 4:12

Ayŭh sadi adŭ adi bisa nyiramat ata; di ndi ong ong mating daya bŭkŭn adi mbŭh dapŭd kuasa so Tapa ngga nyiramat ata.”

ROME 12:1

Bara dingan ku, sabab masi bās Tapa aku mite angān jugan adŭp ngan ka Tapa nimun sadis adi udip, bisig buang munos-I kiris. Anŭ inŭh aran adi batur ngga ta bituan di Ayŭh.

DITRONOMI 23:18

Ka dinge, mating duit adi dog dapŭd so kraja pingandai adi mun anŭ siŭn dog taban ka darŭm Ramin TUHAN adi Tapa ngan ngga pijadi payu. TUHAN tiru di sundar bari-sambah.

HEBREW 13:15

Ja ata siraru jugan puji ka Tapa ndu sadis ta so ka Jesus, adi pinganggen so baba adi ngaku Ayŭh Tuhan.

PINANDŬNG 7:10

Ngara nyirais nang: “Pinyiramat mandŭg so Tapa ta, adi guru di takta, so Anak Biri ani!”

1 SAMUEL 12:21

Dŭhnyah tunda tapa tapa adi dŭh sawŭ; ngara dŭh dapŭd turung angān bait nyiramat angān, amai ngara dŭh sawŭ.