JONAH 2:6 - Hakcipta - Biatah Bidayuh

⁶ Aku mūn di ka uat uat darŭd, di ka tarun tana adi yŭn tiban adu adu bitŭŭp. Pak Kaam, O TUHAN Tapa ku, nyiramat aku so yŭn tŭrŭp.

JONAH 2:6 ပူးပေါင်းရင်းမြစ်များ

JOB 33:24

Ngga masi malaikat re nang, “Pirupas ngara! Ngara dŭh re di ka ong daya adi mbŭh kabŭs. Ati inŭh tubos ngga pirupas ngara.”

JOB 33:28

Ayŭh dŭh tandah aku di ka ong daya adi mbŭh kabŭs, ka aku babŭ udip.”

MAZMUR 104:6

Kaam na rawŭt di tunduh-i keya ka jipo-ambu, ka piin nutu dudu darŭd.

MAZMUR 104:8

Ngara aman so darŭd ka mŭrŭt rubān, di ka yŭn adi Kaam mbŭh napa yŭn ngara.

MAZMUR 116:3

Pinyikabŭs nyikapung aku; rubang kubur nyindŭk aku; aku mbŭh raru taru buang susah.

MAZMUR 143:7

Nam aku madin, TUHAN! Mbŭh mating pingarap ku tia. Dŭhnyah sukan adŭp Mai so aku, kambŭi dŭh aku re ndi so ngara adi mūn ka sibayan.

MAZMUR 16:10

sabab Kaam grindung aku so kuasa pinyikabŭs. Aku mbŭh tŭtŭd bituan di Kaam, ka Kaam dŭh re tangan aku di sibayan.

MAZMUR 18:5

Pinyikabŭs sindŭk aku, ka kubur tŭŭn jarat-i yŭn kudog aku.

MAZMUR 30:3

Kaam pijo aku so rubang kubur. Aku mbŭh re mūn ka sibayan, pak Kaam pari kudip aku.

MAZMUR 30:9

“Ani utung re Mai dapŭd so pinyikabŭs ku? Ani utung re Mai dapŭd kambŭi aku mŭrŭt rubang kubur? Tungang kah daya adi mbŭh kabŭs muji Kaam? Tungang kah ngara piagah pinyitŭtŭd Mai?

MAZMUR 55:23

Pak Kaam, O Tapa, re taban pinyiŭ ngga daya pingadong anŭ ka darŭm kubur ngara sibayuh ngara ndŭg rapŭt umbur. Ka aku ati, aku re sabah di Kaam.

MAZMUR 65:6

Kaam na darŭd darŭd di yŭn-i ngga pinyibake adŭp Mai, adi kiren kuasa bās Mai.

MAZMUR 69:2

Aku timŭtŭm di tawang adi tŭrŭp, ka diginŭ mating tana riang; aku mbŭh di piin tŭrŭp, ka girumbang mbŭh re pirŭnggŭd aku.

ISAIAH 38:10

Aku pikir darŭm umbur ku gi-piaŭn aku re matak ka ong daya adi mbŭh kabŭs, dŭh re udip ndŭg ka aku mbŭh minyamba.

ISAIAH 38:17

Pide atin ku re marui jadi sanang. Kaam nyiramat aku so sopŭrŭg pinyusah; Kaam apun sopŭrŭg dosa ku.

ISAIAH 40:12

Dapŭd kah daya nakar piin rawŭt ngga pinyauk tangan-i bait kah ngŭkŭd rangit ngga tangan-i? Dapŭd kah daya ngisi sopŭrŭg tana ong darŭm ndi saker bait kah nimbang darŭd ngga sandah pakai dasin?

EZEKIEL 26:20

Aku re pait kuu ka ong daya adi mbŭh kabŭs bada sua ngga ngara adi ko udip ndun jah. Aku re bada kuu rŭŭ di ong di sagān anŭ di yŭn pinyirusag ruro, biayo ngga daya adi mbŭh kabŭs. Ngga simŭnŭ meh kuu re dŭh tia dog ngisi ka dŭh tia agi di tarun tana daya udip.

EZEKIEL 31:14

Ngapŭi so madin, mating tŭngŭn kayuh, bait adi biyŭn sukup piin, re bigatung mun anŭ dinge puan kah re bada tijuk-i ndŭg abun. Sopŭrŭg-i re kabŭs mun manusia saja, adi taŭn re di ka ong daya adi mbŭh kabŭs.”

HABAKKUK 3:10

Kan darŭd darŭd kiris Kaam, ngara kimŭtŭr; ujen rabu so rangit. Piin di ribo tana magā, ka girumbang-i raru bigatung.

HABAKKUK 3:6

Kan Ayŭh rŭŭ, ong bigugoh; bangsa bangsa kimŭtŭr kan Ayŭh kimat. Darŭd adi tan tui mbŭh asur; sandah adi tan tui mbŭh timŭtŭm, sandah di yŭn-I panu di jaman jah.

MATTHEW 16:18

Ngapŭi Aku kidaan di kuu, Peter: kuu inŭh batuh, ka di tunduh batuh pinagap-rasan ati Aku re pijog eklisia Ku, ka pinyikabŭs bina dŭh re tungang ngarah-i.

DITRONOMI 32:22

Baji Ku re bijagu mun apui, ka sigot barang masam kayuh di tunduh tana. Baji Ku re ndŭg ong di sagān ka nyau uat dudu darŭd.