JOHN 9:17 - Hakcipta - Biatah Bidayuh

¹⁷ Ngara siken daya anŭ dinge, “Kuu nang Ayŭh pibua kuu, bada kuu dapŭd kiris; ani pikir-kira mu pasar Ayŭh?” “Ayŭh anŭ Nabi,” daya anŭ nam.

JOHN 9:17 ပူးပေါင်းရင်းမြစ်များ

MATTHEW 21:11

“Ayŭh anŭ Jesus, nabi so Nazareth di Galilee,” bara daya nam.

LUKE 24:19

“Kayuh ani,” Ayŭh siken. “Kayuh adi mbŭh jadi di Jesus so Nazareth,” ngara nam. “Daya anŭ inŭh nabi, adi Tapa samŭn manusia mbŭh nyirundeng biyŭn kuasa darŭm piminyu ngga darŭm pingandai.

JOHN 4:19

“Kaam mun daya nabi kiris ku, tuan,” dayung anŭ nang.

JOHN 6:14

Kiris pingandai-nginga ati adi Jesus ndai, bara daya rasu nang, “Sawŭ inŭh siati Nabi anŭ adi dog kajŭn re mandŭg ka ong ati!”

JOHN 9:15

Ngapŭi daya Pharisee siken dinge ayŭh, munki ayŭh dapŭd kiris. Ayŭh nang di ngara, “Ayŭh gurai tana adi-I ko kunyak di batŭh ku; aku ngu jawin ku, ka madin aku dapŭd kiris.”

PINGANDAI 10:38

Angān puan pasar Jesus so Nazareth ka munki Tapa mbŭh ren di tunduh-I Roh Kudus ka kuasa. Ayŭh panu ka barang yŭn, ndai pingandai kana ka pibua sinadan daya adi dog nguasa Siarap, amai Tapa agi ngga Ayŭh.

PINGANDAI 2:22

“Dingah pinganang ku ati, angān adi bara dingan ku daya Israel! Jesus so Nazareth, pimandŭg-I so Tapa mbŭh dog natu di angān darŭm pingandai-nginga ngga pingandai-saruh adi Tapa mbŭh ndai so Ayŭh. Adŭp ngan mbŭh puan kayuh anŭ, amai-i mbŭh jadi di ruang ngan.

DITRONOMI 18:15

Ka Ayŭh re pait ka yŭn ngan ndi naan nabi mun aku, so ruang bangsa adŭp ngan, ka angān dŭh siŭn dŭh tunda pinganang-i.