JOHN 8:29 - Hakcipta - Biatah Bidayuh

²⁹ Ka Ayŭh adi bada Aku mandŭg agi ngga Aku; Ayŭh dŭh tingge Aku sadi, sabab Aku siraru ndai anŭ adi pimunos asŭng-I.”

JOHN 8:29 ပူးပေါင်းရင်းမြစ်များ

ISAIAH 42:1

TUHAN nang, “Ati inŭh urun ku, adi Aku nyibake — adi Aku mbŭh mien; di ayŭh asŭng Ku munos. Aku mbŭh nggen di ayŭh kuasa Ku, ka ayŭh re taban pinyitŭnggŭn ka barang bangsa.

ISAIAH 42:21

TUHAN inŭh Tapa adi raru raan nyiramat, jadi Ayŭh bada ukum-adat ngga ajar-I bās, ka bada daya-I stabi dieh.

ISAIAH 42:6

“Aku, adi TUHAN, mbŭh bagan kuu ka nggen di kuu kuasa ngga pimanu pinyitŭnggŭn di ong. So kuu Aku re ndai simanya ngga sopŭrŭg daya; so kuu Aku re taban jawa ka bangsa bangsa.

MATTHEW 17:5

Darŭm ayŭh minyu, abun adi jawa mandŭg ka nyayung ngara, ka sirŭŭn so abun nang, “Ati inŭh Anak nyirot Ku, di Ayŭh asŭng Ku munos; dingah pinganang-I!”

MATTHEW 3:15

Pak Jesus nam ayŭh, “Awang adŭp-i simŭnŭ madin. Amai simŭnŭ inŭh ata bisa pijadi sopŭrŭg pinyiraan Tapa.” Jadi John situju.

MATTHEW 3:17

Komŭnŭ agi dog dingah sirŭŭn Tapa minyu, nang, “Ati inŭh Anak nyirot Ku, di Ayŭh asŭng Ku munos.”

JOHN 14:31

pak ong dŭh siŭn dŭh an puan Aku rindu Sama; ngapŭi Aku ndai sopŭrŭg kayuh nimun pinyipesan-I di Aku. Ja ata bu so ti.”

JOHN 15:10

Kambŭi angān sita pinyipesan Ku, angān re bijijŭ darŭm pinyirindu Ku, nimun Aku mbŭh sita pinyipesan Sama Ku ka bijijŭ darŭm pinyirindu-I.

JOHN 16:32

Tipuh-i re mandŭg, ka mbŭh mandŭg, kan sopŭrŭg ngan re pambar, barang naan ka ramin adŭp-i, tingge Aku sadi. Pak Aku sawŭ dŭh sadi, sabab Sama agi ngga Aku.

JOHN 17:4

Aku mbŭh kiren bragah Mai darŭm ong, darŭm Aku ngamas kraja adi Kaam bada Aku ndai.

JOHN 4:34

“Pinguman Ku,” Jesus nang di ngara, “inŭh tunda pinyiraan-I adi pait Aku, ka ngamas kraja adi-I bada Aku ndai.

JOHN 5:30

“Aku dŭh bisa ndai ani ani ngga kuasa adŭp Ku sadi; Aku tingga arap kana daya so pinyibada Tapa adŭ, ngapŭi anŭ adi Aku nang agi batur, sabab-i dŭh so pinyiraan adŭp Ku, pak so pinyiraan-I adi pait Aku.

JOHN 6:38

Amai Aku mbŭh mandŭg so shorga dŭh sabab an ndai kayuh nanyam pinyiraan adŭp Ku, pak an ndai kayuh nanyam pinyiraan-I adi pait Aku.

JOHN 8:16

Pak kambŭi Aku nyarah, pinganang Ku agi sawŭ, sabab Aku dŭh sadi; Sama Ku adi bada Aku mandŭg agi ngga Aku.

2 TIMOTHY 4:17

Pak Tuhan agi ngga aku ka nyibake aku, isa aku tungang piagah ngga sipuno-i Agah Kana anŭ yŭn sopŭrŭg daya adi dŭh bangsa Jahudi dingah; ka aku dog nyiramat so ukum kabŭs.

2 TIMOTHY 4:22

Tuhan agi ngga simangi ngan. Pinyirasi-mandis Tapa agi ngga sopŭrŭg ngan.

HEBREW 4:15

Imam Bās ta ati, dŭh-I dŭh biyŭn pinyirasi di pinyiramah ta. Ayŭh inŭh Imam Bās ta, adi ko dog pinyisuba darŭm bagŭ masam kayuh mun adŭp ta, pak dŭh-I bidosa.

HEBREW 7:26

Jesus meh, Imam Bās adi ata biguna. Ayŭh kudus; Ayŭh dŭh biyŭn sarah puan kah dosa; Ayŭh mbŭh dog nyidŭrŭ so bara adi bidosa ka mbŭh dog paad ka yŭn adi rabis bigatung so rangit.

1 JOHN 2:1

Aku nuris ati ka angān, bara anak ku, isa angān dŭh ndai dosa; pak kambŭi tadŭ so angān agi ndai dosa, ata biyŭn pingarun, Jesus Kristus adi tŭnggŭn, adi ngarun ata di sirung jawin Sama.

1 JOHN 3:22

Ata kambat so Ayŭh tadŭ tadŭ kayuh adi ata mite, sabab ata sita pinyipesan-I ka ndai kayuh adi pimunos asŭng-I.