JOHN 8:19 - Hakcipta - Biatah Bidayuh

¹⁹ “Diki Sama Mu?” ngara siken Ayŭh. “Angān dŭh puan Aku ka dŭh gŭh puan Sama Ku,” Jesus nam. “Kambŭi angān puan Aku, angān puan gŭh Sama Ku.”

JOHN 8:19 ပူးပေါင်းရင်းမြစ်များ

JEREMIAH 22:16

Ayŭh ngatur har daya sirata ngga pinyitŭnggŭn, ka sopŭrŭg kayuh tirase di ayŭh. Anŭ inŭh rati-i puan TUHAN.

JEREMIAH 24:7

Aku re nggen di ngara pinyiraan an puan nang Aku ati TUHAN. Komŭnŭ ngara re jadi daya Ku, ka Aku re jadi Tapa ngara, sabab ngara re pari ka Aku ngga siabo atin ngara.

MATTHEW 11:25

Di tika anŭ Jesus nang, “Sama, Kaam adi nguasa rangit ngga ong! Aku nggen trima kaseh di Kaam sabab Kaam mbŭh kiren di ngara adi dŭh pitar-pandai kayuh adi Kaam sukan so ngara adi bijak buang pitar-pandai.

JOHN 1:10

Pinganang mbŭh agi darŭm ong, ka sunggu Tapa mbŭh napa ong ngga Ayŭh, ong dŭh natŭng Ayŭh.

JOHN 1:18

Manusia dŭh tungang kiris Tapa. Anak adi tambŭ, adi samah ngga Tapa ka adi ngapid Sama, mbŭh nggen puan pasar Ayŭh.

JOHN 15:21

Pak ngara re ndai di angān anŭ adi ngara ko ndai di Aku, sabab angān mbŭh tung jaku. Ngara re ndai simŭnŭ sabab ngara dŭh puan sianŭ adi bada Aku mandŭg.

JOHN 16:3

Daya re ndai simŭnŭ di angān sabab ngara dŭh puan Sama bait Anak.

JOHN 17:3

Ka udip adi sawŭ adi tan adu adu rati-i puan Kaam sadi adŭ adi Tapa, ka puan Jesus Kristus adi Kaam mbŭh bada mandŭg.

JOHN 7:28

Darŭm Jesus ngajar di Ramin Tuhan, Ayŭh nang ngga sirŭŭn bana, “Angān puan Aku, ka so ki Aku mandŭg? Aku dŭh mandŭg ngga pinyiraan adŭp Ku. Ayŭh adi bada Aku mandŭg inŭh sawŭ, ka angān dŭh puan Ayŭh.

1 CORINTH 15:34

Nakit bipikir ka dŭh tia bidosa. Angān patut mangŭh ngarun kada so angān dŭh puan Tapa.

GALATIA 4:9

Pak madin angān mbŭh puan Tapa, puan kah, kana dŭ nang, Tapa mbŭh puan angān; simuki meh angān bisa an pari ka roh roh anŭ, adi ramah buang dŭh biguna? Mani angān an jadi urun ngara dinge?

EPHESUS 1:17

buang mite Tapa Tuhan ta Jesus Kristus, Sama adi bragah, nggen di angān Roh Kudus adi re bada angān bijak buang pinandŭng Tapa di angān, isa angān bisa puan Ayŭh.

COLOSSAE 1:10

Amai simŭnŭ inŭh meh, angān re bisa udip nanyam ka pinyiraan Tuhan, siraru ndai kayuh adi pimunos asŭng-I. Angān re buān buwa darŭm sopŭrŭg pingandai kana, buang bitambah darŭm pinyipuan ngan pasar Tapa.

COLOSSAE 1:15

Kristus inŭh raŭn gayŭn Tapa, pak Ayŭh tungang dog kiris, dŭh mun Tapa adi dŭh tungang dog kiris. Ayŭh inŭh Anak pinuai adi nunduh sopŭrŭg kayuh adi ko dog napa.

HEBREW 1:3

Ayŭh nyekar jawa bragah Tapa ka raŭn gayŭn-I agi samah ngga raŭn gayŭn Tapa. Ngga pinganang-I adi bikuasa, Ayŭh digŭng rangit ngga ong. Ripas-I mbŭh dapŭd pingapun dosa yŭn sopŭrŭg manusia, Ayŭh guru di shorga tura ka tauh Tapa, adi siabo bikuasa.

1 JOHN 2:23

Amai ngara adi tirawan Anak tirawan gŭh Sama; ngara adi trima Anak trima gŭh Sama.

1 JOHN 5:20

Ata puan Anak Tapa mbŭh mandŭg ka mbŭh nggen di ata pinyimirati, isa ata puan Tapa adi sawŭ. Ata udip ndi ngga Tapa adi sawŭ, amai ata udip ndi ngga Anak-I Jesus Kristus. Ati inŭh Tapa adi sawŭ, ka ati inŭh udip adi sawŭ adi tan adu adu.

2 JOHN 1:9

Daya adi dŭh bidigŭng di ajar Kristus, ka mbŭh miriseu, daya anŭ dŭh biyŭn Tapa. Asi asi adi bidigŭng dieh, biyŭn Sama ngga Anak.