JOHN 8:12 - Hakcipta - Biatah Bidayuh

¹² Jesus minyu di bara daya Pharisee dinge. “Aku ati inŭh jawa ong,” Ayŭh nang. “Daya adi tunda Aku re biyŭn jawa adi nggen udip ka dŭh re panu darŭm karŭm.”

JOHN 8:12 ပူးပေါင်းရင်းမြစ်များ

JOB 33:28

Ayŭh dŭh tandah aku di ka ong daya adi mbŭh kabŭs, ka aku babŭ udip.”

MAZMUR 18:28

O TUHAN, Kaam nggen jawa di aku; Kaam kadi karŭm ku.

MAZMUR 49:19

ayŭh re sua ngga tayung tayung babuk-i, di yŭn karŭm patŭ' ruro.

MAZMUR 97:11

Jawa nyekar di tunduh daya tŭnggŭn, ka pinyigaŭn di tunduh daya kana.

ISAIAH 49:6

TUHAN nang di aku, “Aku biyŭn kraja adi rabis bās yŭn mu, urun Ku. Dŭh-i kuu re bada pari bās adŭ daya Israel adi babŭ udip, pak Aku re bada kuu jadi jawa ani yŭn bangsa bangsa; isa sopŭrŭg daya di ong dapŭd dog nyiramat.”

ISAIAH 50:10

Sopŭrŭg ngan adi stabi di TUHAN adi dingah pinganang urun-I, aran adi angān kadŭg kadŭ-i karŭm patŭ', pak sabah di TUHAN, bisangan di Tapa ngan.

ISAIAH 9:2

Daya adi panu darŭm karŭm mbŭh kiris jawa adi bās. Ngara udip di tarun tana singangi, pak madin jawa nyekar ngara.

HOSEA 6:3

Ja ata suba puan TUHAN. Ayŭh re sawŭ mandŭg ka ata nimun batŭh andu sawŭ re makat, nimun ujen adi misa tana sawŭ re mandŭg di tipuh bunga.”

MALACHI 4:2

Pak yŭn angān adi nundok di Aku, kuasa Ku adi nyiramat angān re makat keya ka batŭh andu, ka kuasa Ku anŭ re nggen pinyibua keya ka jawa batŭh andu. Angān re dog pirupas ka gaŭn keya ka anak sapi dog piruah so kandang.

MATTHEW 5:14

“Angān mbŭh keya ka sekar jawa yŭn ndi ong ong. Kupo adi dog pijog di tunduh sandah dŭh bisa dog sukan.

LUKE 2:32

Jawa adi kiren pinyiraan Mai di daya bangsa bŭkŭn ka taban bragah ka daya Mai Israel.”

JOHN 12:35

Jesus nam, “Dŭm nyitiro adŭ jawa agi ngga angān. Panu meh darŭm jawa san angān biyŭn-i, sibia-i angān sidatan karŭm, amai daya adi panu darŭm karŭm dŭh puan kamaki-i panu.

JOHN 12:36

Sabah di jawa anŭ, meh, sitadŭn angān biyŭn-i, isa angān bisa jadi bara anak jawa.” Ripas Jesus ko nang sakanŭ, Ayŭh bu ka sukan adŭp-I so ngara.

JOHN 12:46

Aku inŭh jawa adi mbŭh mandŭg ka ong, isa daya adi sabah di Aku dŭh rŭŭ darŭm karŭm.

JOHN 14:6

Jesus nam ayŭh, “Aku inŭh aran ngga ngan bisa puan Tapa ka ngga dapŭd udip; mating daya tungang di ka Sama adŭ-i so Aku.

JOHN 3:19

Simuti inŭh ukum dog pimanu: jawa mbŭh mandŭg ka ong, pak daya dŭh rindu jawa; daya rindu karŭm, amai kraja pingandai ngara arap.

JOHN 7:17

Asi asi adi raan ndai pinyiraan Tapa re puan so ki kayuh adi Aku ngajar mandŭg, so Tapa kah so kuasa adŭp Ku.

JOHN 9:5

Sitadŭn Aku agi di ong, Aku inŭh Jawa ong.”

PINGANDAI 13:47

Amai sakati inŭh pinyipesan adi Tuhan mbŭh nggen di kieh: ‘Aku mbŭh bada angān jadi jawa yŭn bara daya adi dŭh bangsa Jahudi, isa ndi ong ong bisa dog nyiramat.’ ”

PINGANDAI 26:23

anŭ inŭh Kristus dŭh siŭn dŭh kinyam jera-birasa ka jadi sianŭ adi diŭ makat so kabŭs, yŭn kidaan jawa pinyiramat di daya bangsa Jahudi samŭn daya adi dŭh bangsa Jahudi.”

2 PETER 2:17

Ngara anŭ agi keya ka anak atak piin adi badŭh, mun abun adi dog poh sabak ribut; Tapa mbŭh sidia tarun yŭn ngara di darŭm karŭm pipet.

2 PETER 2:4

Tapa dŭh tandah tadŭ tadŭ malaikat adi bidosa, pak taran ngara ka darŭm neraka, di yŭn ngara dog muak darŭm karŭm, kajŭn Andu Bisara.

1 JOHN 1:6

Jadi meh, kambŭi ata nang adŭp ta udip ndi ngga Ayŭh, pak babŭ udip darŭm karŭm, ata mbŭh kadong darŭm piminyu ka darŭm pingandai.

JUDE 1:13

Ngara mbŭh keya ka girumbang bās di rawŭt, ngga pingandai adi mangŭh nŭŭh ngarun kiren adŭp-i ngga bude-i. Keya ka bitang bitang di rangit, adi Tapa mbŭh sidia yŭn-i ruro di yŭn siabo karŭm.

JUDE 1:6

Ingat bara malaikat adi dŭh bijijŭ darŭm kuasa ngara, ndŭg ka tagan yŭn pinyirŭŭ ngara: ngara dog muak darŭm karŭm di rasan ong ngga parik basi ruro, di yŭn Tapa kurung ngara yŭn dog nunggu di Andu Bisara.

PINANDŬNG 21:24

Bara daya di ong re udip pakai jawa-i, ka bara raja di ong re taban pinyikaya ngara ka darŭm-i.