Re agi aran raya diginŭ, dog kadŭn “Aran Pinyikudus”. Mating daya bidosa re an panu kadŭg aran anŭ; mating daya budo re kinanyap daya adi panu kadŭg-i.
ka bara daya-i re nang, “Ja maad sandah TUHAN, di ka Ramin TUHAN adi Tapa Israel. Ayŭh re ngajar ata kayuh adi Ayŭh raan ata ndai; ata re panu kadŭg aran adi Ayŭh mbŭh mien. Amai ajar TUHAN mandŭg so Jerusalem; so Zion Ayŭh minyu ngga daya-I.”
Pak yŭn angān adi nundok di Aku, kuasa Ku adi nyiramat angān re makat keya ka batŭh andu, ka kuasa Ku anŭ re nggen pinyibua keya ka jawa batŭh andu. Angān re dog pirupas ka gaŭn keya ka anak sapi dog piruah so kandang.
Angān inŭh bara anak sama ngan, Siarap; angān raan tunda pinyiraan-i. So sibungas-i ayŭh taŭn mbŭh pinyiŭ ka bŭn adŭ tura ka pinyawŭ, sabab mating pinyawŭ darŭm ayŭh. Kan ayŭh kadong, anŭ mbŭh taŭn tibiat adŭp-i, sabab ayŭh pingadong ka raja pingadong.
Daya diginŭ agi mirati dŭ so daya di Thessalonica. Ngara suka dingah agah pasar Jesus, ka barang andu ngara birajar pinganang Surat-kudus an puan sawŭ ngga dŭh kayuh adi Paul nang.