JOHN 6:30 - Hakcipta - Biatah Bidayuh

³⁰ Ngara nam, “Pingandai nginga ani meh bisa Mai ndai da kieh tingga isa kieh bisa sabah di Kaam? Ani re Mai ndai?

JOHN 6:30 ပူးပေါင်းရင်းမြစ်များ

1 RAJA 13:3

Ka nabi anŭ pijuu nang, “Mija-sambah ati re rubuh, ka dudu apŭk di tunduh-i re mingare. Komŭnŭ kuu re puan nang TUHAN mbŭh minyu so baba ku.”

1 RAJA 13:5

Mija-sambah anŭ rasu rubuh ka apŭk mingare di tana, nimun adi muko nabi diŭ kidaan ngga adŭn TUHAN.

PINYIRUAH 4:8

TUHAN nang, “Kambŭi ngara dŭh an sabah di pinganang mu puan kah dŭh bisaya da sibungas pingandai-nginga adi kuu ko ndai, kadŭ ati ndi re bada ngara sabah.

PINYIRUAH 7:9

“Kambŭi raja mite angān ndai pingandai-nginga ngga nyibandar adŭp ngan, kidaan di Aaron da taran sikud-i di sirung jawin raja, ka sikud anŭ re marui jadi jippŭh.”

ISAIAH 5:19

Angān nang, “Tandah TUHAN rikas ndai kayuh adi Ayŭh nang adŭp-I re ndai, isa ata dapŭd kiris-i. Tandah Tapa kudus Israel ndai anŭ adi Ayŭh mbŭh ngatur an ndai; ja tingga ani anŭ di pikir-I.”

MARK 15:32

Ja ata tingga, Kristus adi raja daya Israel, mūn so rigang anŭ siŭn ata sabah di Ayŭh!” Ka ngara duwŭh adi dog masak samah ngga Jesus sua gŭh bakit Ayŭh.

MARK 8:11

Kada daya Pharisee mandŭg tudu Jesus ka piguru bikarit ngga Ayŭh. Raan kudog Ayŭh, ngara mite Ayŭh ndai pingandai-nginga ngga kiren sawŭ kah dŭh Ayŭh mandŭg so Tapa.

JOHN 10:38

Pak kambŭi Aku ndai-i, sunggu angān dŭh sabah Aku, angān patut sikurang kurang-i sabah pingandai Ku, siŭn angān bisa rada ka puan nang Sama agi darŭm Aku ka Aku agi darŭm Sama.”

JOHN 12:37

Sunggu Ayŭh ko ndai bagŭ masam pingandai-nginga di ruang ngara, ngara dŭh sabah di Ayŭh.

JOHN 2:18

Bara Pinguasa Jahudi tudu Jesus ka siken, “Ani pingandai-nginga adi bisa Mai ndai ngga kiren adŭp Mai biyŭn hak ndai kayuh ati?”

JOHN 6:14

Kiris pingandai-nginga ati adi Jesus ndai, bara daya rasu nang, “Sawŭ inŭh siati Nabi anŭ adi dog kajŭn re mandŭg ka ong ati!”

JOHN 6:2

Bara daya bagŭ tunda Ayŭh, sabab ngara mbŭh kiris pingandai nginga-I, adi pibua daya birandam.

JOHN 6:36

Tong-i Aku nang di angān, angān kiris Aku pak angān dŭh sabah.

PINGANDAI 4:30

Ton tangan Mai pibua daya adi birandam, ka bada pingandai-saruh ngga pingandai-nginga dog ndai ngga adŭn Jesus, Urun Mai adi kudus.”

1 CORINTH 1:22

Daya Jahudi biguna di pingandai-nginga ngga kiren kayuh adi sawŭ, ka daya Greek jiroh pinyibijak.

HEBREW 2:4

Nganŭ gŭh adŭp Tapa mbŭh natu sopŭrŭg-i sawŭ ngga barang masam pingandai-nginga ka pingandai-saruh-I, ka ngga pinganggen Roh Kudus adi-I kutung nanyam ka pinyiraan adŭp-I.