JOHN 6:26 - Hakcipta - Biatah Bidayuh

²⁶ Jesus nam, “Aku kidaan di angān kayuh adi sawŭ: angān jiroh Aku sabab angān mbŭh bisoh man ruti, dŭh sabab angān mirati pingandai-nginga Ku.

JOHN 6:26 ပူးပေါင်းရင်းမြစ်များ

MAZMUR 78:37

Ngara dŭh tŭtŭd di Ayŭh; ngara dŭh tŭtŭd di simanya ngara ngga Ayŭh.

EZEKIEL 33:31

Jadi daya Ku tikuruk an dingah kayuh adi kuu nang, pak ngara dŭh ndai kayuh adi kuu bada ngara ndai. Pinganang adi kana ruah so baba ngara, pak ngara babŭ udip tama.

JOHN 3:3

Jesus nam, “Aku kidaan di kuu kayuh adi sawŭ: mating daya tungang kinyam Pinyipritah Tapa, kambŭi ayŭh dŭh dog biranak bauh.”

JOHN 3:5

“Aku kidaan di kuu kayuh adi sawŭ,” Jesus nam, “mating daya tungang kinyam Pinyipritah Tapa kambŭi ayŭh dŭh dog biranak bauh ngga piin ka ngga Roh Kudus.

JOHN 6:14

Kiris pingandai-nginga ati adi Jesus ndai, bara daya rasu nang, “Sawŭ inŭh siati Nabi anŭ adi dog kajŭn re mandŭg ka ong ati!”

JOHN 6:15

Jesus puan ngara re an tudu adŭp-I ka takan Ayŭh da jadi raja; jadi Ayŭh bu ka arong sandah sadi adŭp-I.

JOHN 6:2

Bara daya bagŭ tunda Ayŭh, sabab ngara mbŭh kiris pingandai nginga-I, adi pibua daya birandam.

JOHN 6:24

Kan bara daya kiris Jesus mating diginŭ samŭn bara murid-I, ngara mŭrŭt arud arud anŭ ka matak ka Capernaum, di jiroh Jesus.

JOHN 6:30

Ngara nam, “Pingandai nginga ani meh bisa Mai ndai da kieh tingga isa kieh bisa sabah di Kaam? Ani re Mai ndai?

JOHN 6:36

Tong-i Aku nang di angān, angān kiris Aku pak angān dŭh sabah.

JOHN 6:47

Aku kidaan di angān kayuh adi sawŭ: ayŭh adi sabah biyŭn udip adi sawŭ adi tan adu adu.

JOHN 6:53

Jesus nang di ngara, “Aku kidaan di angān kayuh adi sawŭ: kambŭi angān dŭh man pŭrŭng Anak Manusia ka nok deya-I, angān dŭh re biyŭn udip adi sawŭ darŭm adŭp ngan.

JOHN 6:64

Pak agi so angān adi babŭ dŭh sabah.” (Jesus taŭn puan so sibungas-i asi ngara adi dŭh sabah ka asi so ngara adi re jua adŭp-I.)

ROME 16:18

Amai ngara adi ndai kayuh adi mun anŭ dŭh-i bituan di Kristus Tuhan ta, pak ndai kana yŭn adŭp-i. Ngga bang bang piminyu adi mandis ka ngga pinganang adi nganju katuh daya ngara nipu daya adi dŭh puan ani ani.

PHILIPPI 2:21

Sopŭrŭg daya bŭkŭn kaŭs-i ndai pinyiraan adŭp-i adŭ; dŭh ngara an ndai kayuh adi mbit bat di adŭn Jesus Kristus.

PHILIPPI 3:19

Pinŭbŭn pimudip daya adi mun anŭ taŭn-i di neraka, sabab tapa ngara inŭh pŭrŭng adŭp ngara. Ngara mingangŭn di kayuh adi ngara patut mangŭh ngarun, buang bipikir di kayuh ong adŭ.

1 TIMOTHY 6:5

ka kaii adi dŭh ko ko so ngara adi mbŭh rusak pikir-kira buang mbŭh dŭh natŭng kayuh adi sawŭ. Ngara pikir adat mbŭh aran ngga jadi kaya.