JOHN 5:40 - Hakcipta - Biatah Bidayuh

⁴⁰ Pak angān dŭh an mandŭg ka Aku yŭn dapŭd udip adi sawŭ.

JOHN 5:40 ပူးပေါင်းရင်းမြစ်များ

MAZMUR 81:11

“Pak daya Ku dŭh raan dingah Aku; Israel abah tunda pinganang Ku.

ISAIAH 49:7

Pinyikudip ngga Tapa kudus Israel nang di sianŭ adi bandar dog ngamun, adi tiru bangsa bangsa dieh ka adi urun bara pimritah: “Raja raja re kiris kuu dog pirupas ka re makat yŭn kiren stabi ngara; bara pinguasa gŭh re kiris-i, ka ngara mutu ubak ngara stabi di kuu.” Kayuh re jadi sabab TUHAN mbŭh mien urun-I; Tapa Israel, Tapa adi kudus sita janji-I.

ISAIAH 50:2

“Mani daya Ku abah kambat Aku kan Aku mandŭg tudu ngara an nyiramat ngara? Mani ngara abah nam kan Aku bagan? Aku ati ramah kah, ka dŭh dapŭd nyiramat ngara? Aku bisa nyibadŭh rawŭt ngga ndi bang piminyu ka marik sungi sungi bada jadi tarun tana-sumat, isa iken iken adi darŭm-i kabŭs dŭh biyŭn piin.

MATTHEW 22:3

Ayŭh pait daya gaji-i da kidaan di bara adi ko dog bagan da mandŭg ka gawai anŭ, pak ngara dŭh an mandŭg.

MATTHEW 23:37

“Jerusalem, Jerusalem! Kuu siŭ bara nabi ka manjan ngga batŭh bara pinyisung adi Tapa pait ka kuu! Pikudu kari Aku raan dakŭp sopŭrŭg daya mu, nimun sindŭ siok nguruk anak anak-i di ribo urad-i, pak daya daya mu abah!

JOHN 1:11

Ayŭh di ka rais adŭp-I, pak daya rais adŭp-I dŭh trima Ayŭh.

JOHN 10:10

Pinaku mandŭg amai an naku, siŭ, ka pirusak. Aku mandŭg isa angān bisa dapŭd udip, ka biyŭn-i ngga sipuno-i.

JOHN 3:19

Simuti inŭh ukum dog pimanu: jawa mbŭh mandŭg ka ong, pak daya dŭh rindu jawa; daya rindu karŭm, amai kraja pingandai ngara arap.

JOHN 5:39

Angān birajar Surat-kudus, sabab angān pikir darŭm-i angān bisa dapŭd udip adi sawŭ adi tan adu adu. Ka Surat-kudus ati inŭh adi mbŭh minyu pasar Aku!

JOHN 5:41

“Dŭh Aku jiroh puji so manusia.

JOHN 5:44

Angān suka kambat puji so dingan ngan, pak angān bŭn suba jiroh puji so sianŭ adi sadi-I Tapa; simuki meh garang angān re tungang sabah Aku?

JOHN 6:27

Dŭhnyah gruwŭn pinguman adi bisa bangŭs, pak gruwŭn pinguman adi nggen udip adi sawŭ adi tan adu adu. Anŭ inŭh pinguman adi Anak Manusia nggen di angān, sabab Tapa adi Sama, mbŭh nggen di Ayŭh hak ngga ndai simŭnŭ.”

JOHN 6:37

Sopŭrŭg daya adi Sama mbŭh nggen di Aku, re mandŭg ka Aku. Aku dŭh re kasig daya adi mandŭg ka Aku,

JOHN 6:40

Amai pinyiraan Sama Ku inŭh ngara adi kiris Anak ka sabah di Ayŭh patut dapŭd udip adi sawŭ adi tan adu adu. Ka Aku re pakat ngara di andu sikasŭn.”

ROME 6:23

Dosa nggen pinyikabŭs ndu upah; pak pinganggen bās Tapa inŭh udip adi sawŭ adi tan adu adu ngga Kristus Jesus Tuhan ta.

PINANDŬNG 22:17

Roh Kudus ngga Pingaten Dayung nang, “Mandŭg!” Barang naan adi dingah anŭ dŭh siŭn dŭh gŭh nang, “Mandŭg!” Mandŭg, asi asi adi aus; kambat meh pinganggen ati, piin adi nggen udip, tadŭ tadŭ angān adi raan.