JOHN 5:23 - Hakcipta - Biatah Bidayuh

²³ isa sopŭrŭg bisa kibās Anak nimun ngara kibās Sama. Asi asi adi dŭh kibās Anak, dŭh kibās Sama adi pait Ayŭh.

JOHN 5:23 ပူးပေါင်းရင်းမြစ်များ

MAZMUR 2:12

kimŭtŭr ka mutu ubak ngan ka Ayŭh; kambŭi dŭh Ayŭh re rikas baji, ka angān re rasu kabŭs. Sanang inŭh sopŭrŭg adi tudu Ayŭh yŭn pinyigrindung.

ISAIAH 42:8

“Aku sadi adi TUHAN Tapa ngan. Mating tapa bŭkŭn re sua dapu bragah Ku; Aku re dŭh bada tibudo sua dapu puji Ku.

ISAIAH 44:6

TUHAN, adi mritah ka grindung Israel, TUHAN Bisa-pŭrŭg, nang: “Aku inŭh adi sibungas, adi sikasŭn, adi sadi adŭp Ku Tapa; mating tapa adi bŭkŭn adŭ-i Aku.

ISAIAH 45:15

Tapa Israel, adi nyiramat daya-I inŭh Tapa adi sukan adŭp-I.

ISAIAH 45:21

Mandŭg ka taban har ngan ka yŭn bisara; bada ngara adi nyibandar angān bisiken ngga dingan-i. Asi ko ndun jah ninjau kayuh adi re jadi? Dŭh kah anŭ adŭp Ku, adi TUHAN, Tapa adi nyiramat daya-I? Mating tapa adi bŭkŭn.

ZECHARIAH 9:9

Gaŭn, gaŭn, daya Zion! Nyirais amai gaŭn, angān daya Jerusalem! Tingga, raja ngan mandŭg! Ayŭh mandŭg ngga bragah ka pimanang, pak pirapat adŭp-i nunggang kaldi ngga anak kaldi.

MATTHEW 10:37

“Ngara adi rindu sama-i puan kah sindŭ-i rabis so Aku dŭh inŭh tibirang jadi murid Ku; ngara adi rindu anak dari-i puan kah anak dayung-i rabis so Aku dŭh inŭh tibirang jadi murid Ku.

MATTHEW 11:27

“Sama Ku mbŭh nggen di Aku sopŭrŭg kayuh. Mating daya puan Anak adŭ-i Sama, ka mating daya puan Sama adŭ-i Anak samŭn ngara adi Anak ko mien yŭn-I pinandŭng Sama.

MATTHEW 12:21

ka di Ayŭh sopŭrŭg bangsa re na pingarap-i.”

MATTHEW 15:8

‘Bara daya ati, Tapa nang, kibās Aku ngga baba-i, pak atin-i sawŭ jo so Aku.

MATTHEW 28:19

Panu angān ka barang yŭn ka bada sopŭrŭg daya jadi murid Ku: baptisa ngara ngga adŭn Sama, Anak, ka Roh Kudus

LUKE 10:16

Jesus nang di bara murid-I, “Daya adi dingah pinganang ngan dingah pinganang Ku; daya adi tirawan angān tirawan Aku; daya adi tirawan Aku tirawan Ayŭh adi bada Aku mandŭg.”

JOHN 14:1

“Dŭhnyah susah,” Jesus nang di ngara. “Sabah di Tapa ka sabah gŭh di Aku.

JOHN 16:14

Roh anŭ re nyibragah Aku, sabab Ayŭh re kidaan di angān kayuh adi-I dingah so Aku.

JOHN 17:10

Sopŭrŭg adi Aku dapu inŭh jamai, ka sopŭrŭg adi Kaam dapu inŭh jaku; ka bragah Ku dog kiren so ngara.

ROME 1:7

Ngapŭi madin aku nuris ka angān adi di Rome, adi Tapa rindu ka mbŭh bagan da jadi daya-I: Isa-i Tapa Sama ta ngga Tuhan ta Jesus Kristus nggen di angān pinyirasi-mandis ngga damai.

ROME 15:12

Ka Isaiah gŭh nang, “Ndi naan so sesang Jesse re mandŭg; Ayŭh re mandŭg di mritah daya adi dŭh bangsa Jahudi, ka ngara na pingarap ngara di Ayŭh.”

ROME 6:22

Pak madin angān mbŭh dog pirupas so dosa ka mbŭh jadi urun Tapa. Utung ngan inŭh pimudip adi dog jugan ka Tapa, ka pinŭbŭn-i inŭh udip adi sawŭ adi tan adu adu.

ROME 8:9

Pak angān dŭh udip tunda pinyiraan tibiat manusia, pak udip tunda pinyiraan Roh Kudus, kambŭi Roh Tapa sawŭ agi darŭm angān. Asi asi adi dŭh biyŭn Roh Kristus dŭh dog dapu Kristus.

1 CORINTH 1:3

Isa-i Tapa adi Sama ngga Tuhan Jesus Kristus nggen di angān pinyirasi-mandis ngga damai.

1 CORINTH 10:31

Ani ani adi angān ndai, bait-i man puan kah nok, ndai-i yŭn bragah Tapa.

1 CORINTH 16:22

Asi asi adi dŭh rindu Tuhan, ayŭh re dog pangu! Marana tha — Tuhan, mandŭg meh!

1 CORINTH 6:19

Dŭh kah angān puan pŭrŭng ngan inŭh yŭn pinyirŭŭ Roh Kudus; Ayŭh adi Tapa ko nggen di angān ka adi mbŭh rŭŭ darŭm angān? Angān dŭh yŭn adŭp ngan pak mbŭh yŭn Tapa;

2 CORINTH 1:9

Kieh nyam adi mbŭh dog nggen ukum kabŭs. Pak-i mbŭh simŭnŭ isa kieh tanŭ ka bisangan, dŭh di adŭp ami, pak di Tapa adŭ, adi bisa pakat daya so kabŭs.

2 CORINTH 5:14

Kieh mbŭh dog nguasa pinyirindu Kristus, amai kieh puan ndi naan Daya mbŭh kabŭs yŭn sopŭrŭg, rati-i sopŭrŭg ngara mbŭh sua kabŭs samah ngga Ayŭh.

2 CORINTH 5:19

Kayuh adi kieh nyuse inŭh Tapa mbŭh ndai sopŭrŭg manusia da jadi bara dingan-I, darŭm Kristus. Tapa dŭh an ingat sarah ngara, ka mbŭh nggen di kieh piminyu ajar adi kidaan munki Ayŭh ndai ngara da bidingan ngga adŭp-I.

EPHESUS 6:24

Isa-i pinyirasi-mandis Tapa agi ngga sopŭrŭg daya adi rindu di Tuhan Jesus Kristus ngga pinyirindu adi tan adu adu.

2 TIMOTHY 1:12

ka-i mbŭh sitagar anŭ inŭh aku mbŭh sangsara madin. Pak aku babŭ puno ngga atin-sabah ku, sabab aku puan asi Ayŭh adi yŭn ku bisangan; ka aku sabah Ayŭh re jaga da pagŭng kayuh adi ko-I mbas pasan di tangan ku.

HEBREW 1:6

Pak kan Tapa mbŭh re an pait Anak pinuai-I ka ong, Ayŭh nang, “Sopŭrŭg malaikat Tapa dŭh siŭn dŭh nyambah Ayŭh.”

2 PETER 1:1

So Simon Peter, urun ka pinyuruh Jesus Kristus, nuju sinadan daya adi mbŭh sabah mun kieh, so pinŭnggŭn Tapa ngga Pinyikudip ta Jesus Kristus.

2 PETER 3:18

Angān patut bitambah kambang darŭm pinyirasi-mandis Tapa ka darŭm pinyipuan pasar Tuhan ngga Pinyikudip ta Jesus Kristus. Di Ayŭh inŭh bragah, madin ngga ndŭg situi tui! Amen.

1 JOHN 2:23

Amai ngara adi tirawan Anak tirawan gŭh Sama; ngara adi trima Anak trima gŭh Sama.

2 JOHN 1:9

Daya adi dŭh bidigŭng di ajar Kristus, ka mbŭh miriseu, daya anŭ dŭh biyŭn Tapa. Asi asi adi bidigŭng dieh, biyŭn Sama ngga Anak.