JOHN 5:19 - Hakcipta - Biatah Bidayuh

¹⁹ Jadi Jesus nang di ngara, “Aku kidaan di angān kayuh adi sawŭ: Anak dŭh bisa ndai kayuh sadi adŭp-I; Ayŭh ndai anŭ adi-I kiris Sama-I ndai. Anŭ adi Sama ndai, Anak ndai gŭh.

JOHN 5:19 ပူးပေါင်းရင်းမြစ်များ

TIBIRIK 1:1

Di sibungas-i di tika Tapa napa rangit ngga ong,

TIBIRIK 1:26

Tapa nang, “Ja ata napa manusia; raŭn gayŭn ngara re brimun ngga jata. Ngara re nguasa iken, manuk, ngga sopŭrŭg dāng kudip ngga dāng tarun, adi bās ngga adi sŭ.”

MAZMUR 138:3

Kaam nam aku kan aku bagan Kaam; ngga pinyibake Mai Kaam nyibake aku.

MAZMUR 27:14

Sabah di TUHAN. Sabab meh, dŭhnyah jimŭ. Sabah di TUHAN.

MAZMUR 50:6

Rangit piagah Tapa inŭh tŭnggŭn, amai adŭp-I inŭh arang.

PINYIRUAH 4:11

TUHAN nang di ayŭh, “Asi garang nggen baba di manusia? Asi bada ayŭh bangam puan kah dŭh pandai minyu? Asi bada ayŭh kiris tarun puan kah bada ayŭh karak? Aku inŭh, adi TUHAN.

PITAS 2:6

TUHAN inŭh adi nggen pinyibijak; so Ayŭh mandŭg pinyipuan ngga pinyimirati.

ISAIAH 44:24

“Aku ati TUHAN, adi pinyikudip ngan; Aku inŭh adi napa angān. Aku ati TUHAN, adi Pinapa sopŭrŭg kayuh. Aku sadi adi mamad rangit; di tika Aku napa ong, mating daya turung Aku.

ISAIAH 45:24

“Ngara re nang kaŭs-i so Aku adŭ pimanang ngga pinyibake bisa dog dapŭd; pak sopŭrŭg adi tiru di Aku re mangŭh.

JEREMIAH 17:10

Aku, adi TUHAN, kāp pikir manusia ka suba atin manusia. Aku nggen di barang naan daya nanyam ka gaya pimudip-i, nanyam ka kayuh adi-i ndai.”

MATTHEW 26:39

Ayŭh panu mua juan-i, mŭŭb di tana, ka simayang, “Sama Ku, kambŭi bisa, kadi makuk jera-birasa ati so Aku! Sunggu mŭnŭ dŭhnyah nurut pinyiraan Ku, pak ndai adŭ pinyiraan Mai.”

LUKE 21:15

sabab Aku re nggen di angān bang bang piminyu samŭn pinyibijak adi pinganyu ngan dŭh tungang rawan bait matah.

JOHN 10:18

Mating daya bisa tambit asŭng Ku. Aku nggen-i so ka pinyiraan adŭp Ku. Aku biyŭn hak nggen-i, ka Aku biyŭn gŭh hak tambit-i pari. Ati inŭh kayuh adi Sama Ku ko pesan di Aku da ndai.”

JOHN 12:49

Kayuh ati sawŭ, sabab Aku minyu dŭh so kuasa adŭp Ku, pak Sama adi pait Aku ko pesan di Aku kayuh adi dŭh siŭn dŭh Aku minyu ka nang.

JOHN 12:50

Ka Aku puan nang pinyipesan-I agi taban udip adi sawŭ adi tan adu adu. Anŭ adi Aku nang inŭh kayuh adi Tapa bada Aku nang.”

JOHN 14:10

Dŭh kah kuu sabah Aku agi darŭm Sama, ka Sama agi darŭm Aku? Pinganang Ku anŭ,” Jesus nang di bara murid-I, “dŭh inŭh so adŭp Ku. Sama, adi rŭŭ darŭm Aku, inŭh adi ndai kraja-I.

JOHN 2:19

Jesus nam, “Nyirubuh Ramin Tuhan ati; darŭm taruh andu Aku re pijog-i dinge.”

JOHN 3:3

Jesus nam, “Aku kidaan di kuu kayuh adi sawŭ: mating daya tungang kinyam Pinyipritah Tapa, kambŭi ayŭh dŭh dog biranak bauh.”

JOHN 5:21

Nimun Sama pakat daya adi kabŭs ka nggen di ngara udip, simŭnŭ gŭh Anak nggen udip anŭ di ngara adi-I raan.

JOHN 6:38

Amai Aku mbŭh mandŭg so shorga dŭh sabab an ndai kayuh nanyam pinyiraan adŭp Ku, pak an ndai kayuh nanyam pinyiraan-I adi pait Aku.

JOHN 8:28

Jadi Ayŭh nang di ngara, “Kan angān katuh Anak Manusia, angān re puan ‘Aku ati inŭh Ayŭh’; komŭnŭ angān re puan Aku dŭh ndai kayuh so ka pinyiraan adŭp Ku, pak nimun Sama mbŭh ngajar Aku, sakanŭ inŭh Aku minyu.

JOHN 9:4

Siragi andu babŭ jawa, ata dŭh siŭn dŭh an ndai pingandai adi-I pait Aku da ndai; kan-i mbŭh karŭm, mating daya bisa nyiraja.

PINGANDAI 2:24

Pak Tapa mbŭh pakat Ayŭh so kabŭs, anŭ inŭh pirupas Ayŭh so kuasa pinyikabŭs, sabab pinyikabŭs dŭh bisa muak Ayŭh.

ROME 6:4

Ngga baptisa ta ata dog kubur ngga Ayŭh ka samah ngga Ayŭh darŭm pinyikabŭs-I, siŭn nimun Kristus mbŭh dog pakat so kabŭs ngga kuasa Sama adi bragah, simŭnŭ gŭh ata bisa dapŭd udip adi bauh.

ROME 8:11

Kambŭi Roh Kudus, adi pakat Jesus so kabŭs, agi darŭm angān, Ayŭh adi pakat Kristus so kabŭs gŭh re nggen udip di pŭrŭng ngan adi bisa kabŭs, da Roh Kudus adi agi darŭm angān.

1 CORINTH 15:12

Kieh nyuse agah pasar Kristus dog pakat so kabŭs, simuki kada so angān nang daya adi kabŭs dŭh re dog pakat udip bauh?

2 CORINTH 4:14

Kieh puan Tapa adi pakat Tuhan Jesus so kabŭs re pakat gŭh kieh samah ngga Jesus, ka taban kieh samŭn angān ka sirung jawin-I.

2 CORINTH 5:10

Amai sopŭrŭg ta dŭh siŭn dŭh mijog bisara di sirung jawin Kristus. Barang naan re trima baras-i nanyam pingandai-i sitadŭn-i udip darŭm pŭrŭng, bait-i kana, bait-i arap.

EPHESUS 2:5

Darŭm ata agi keya ka kabŭs sabab atin tangek ta, Ayŭh mbŭh kudip ata ngga Kristus. So ka pinyirasi-mandis Tapa inŭh angān mbŭh dog nyiramat.

EPHESUS 3:16

Aku mite Tapa so kaya bragah-I nyibake simangi ngan ngga Roh-I,

PHILIPPI 3:21

Ayŭh re nukar pŭrŭng ta ati adi ramah adi re kabŭs da mun pŭrŭng adŭp-I adi bragah, pakai kuasa anŭ adi-I pakai ngga nguasa sopŭrŭg kayuh.

PHILIPPI 4:13

Aku biyŭn pinyibake so kuasa adi Kristus mbŭh nggen di aku ngga nura sopŭrŭg kayuh.

COLOSSAE 1:11

Isa-i angān dog nyibake ngga sopŭrŭg pinyibake adi mandŭg so bragah kuasa-I, isa angān tungang nyijŭn sopŭrŭg kayuh ngga atin sabar. Ka ngga atin gaŭn nggen trima kaseh di Sama, adi mbŭh bada angān tibirang kambat tung jangān utung adi-I mbŭh sidia yŭn daya-I darŭm pinyipritah jawa.

COLOSSAE 1:16

Ngga Ayŭh Tapa napa sopŭrŭg kayuh di shorga ngga di ong, sopŭrŭg adi tatŭng ngga adi dŭh tatŭng, samŭn roh roh adi bikuasa ngga adi mritah. Tapa napa sopŭrŭg kayuh ngga Ayŭh ka yŭn Ayŭh.

1 THESSALONICA 4:14

Kieh sabah Jesus kabŭs ka mbŭh makat udip bauh. Kieh sabah gŭh Tapa re taban pari ngga Jesus sinadan ngara adi sabah di Ayŭh sibayuh ngara kabŭs.

1 PETER 3:18

Amai Kristus kabŭs ndi sidah yŭn adu adu ngga ngarun daya adi bidosa. Ayŭh dŭh biyŭn sarah pak kabŭs yŭn daya adi sarah, siŭn-I dapŭd nguru angān ka Tapa. Ayŭh dog ukum kabŭs nunda ka gaya pŭrŭng, pak dog kudip nunda ka gaya roh;

PINANDŬNG 2:23

Aku re siŭ bara pinunda-i gŭh, ka komŭnŭ sopŭrŭg eklisia re puan nang Aku ati inŭh sianŭ adi puan sopŭrŭg pikir-kira ngga pinyiraan manusia. Aku re maras barang naan so bara mu nanyam ka pingandai adŭp ngara.