JOHN 4:41 - Hakcipta - Biatah Bidayuh

⁴¹ Bagŭ dinge daya Samaria sabah di Ayŭh, sabab ajar-I.

JOHN 4:41 ပူးပေါင်းရင်းမြစ်များ

TIBIRIK 49:10

Judah re digŭng sikud-pinyipritah raja, ka bara sesang-i re ari mritah. Bara bangsa re jugan ka ayŭh takŭd buang mutu ubak ngara amai nundok di ayŭh.

LUKE 4:32

Sopŭrŭg ngara mbŭh inga inga di gaya-I ngajar, sabab Ayŭh ngajar ngga kuasa.

JOHN 4:40

Jadi kan bara daya Samaria mandŭg tudu Ayŭh, ngara mite Ayŭh rŭŭ ngga ngara, ka Jesus rŭŭ diginŭ duwŭh andu.

JOHN 4:42

Ngara nang di dayung anŭ, “Kieh sabah madin, dŭh sabab kuu ko kidaan di kieh, pak sabab adŭp ami mbŭh dingah Ayŭh, ka kieh puan nang Ayŭh taŭn sawŭ Pinyikudip Ong.”

JOHN 6:63

Anŭ adi nggen udip di manusia inŭh Roh Tapa; kuasa manusia dŭh tungang. Pinganang Ku tejah inŭh mandŭg so Roh Kudus adi nggen udip.

JOHN 7:46

Ngara nam, “Gi-mating daya minyu mun Ayŭh!”

PINGANDAI 1:8

Pak angān re kambat kuasa kan Roh Kudus mandŭg ka angān; ka angān re jadi saksi Ku di Jerusalem, di ndi tarun tana Judea ngga Samaria, ndŭg bŭngŭn ong.”

PINGANDAI 15:3

Jadi, dog pait eklisia di pimanu ngara, ngara panu di Phoenicia ngga Samaria, kidaan pasar daya adi dŭh bangsa Jahudi mbŭh sabah di Tapa; agah ati bada sopŭrŭg bara adi sabah mbŭh raru gaŭn.

PINGANDAI 8:12

Pak kan ngara sabah ajar Philip pasar Agah Kana Pinyipritah Tapa ka pasar Jesus Kristus, ngara dog baptisa, dari dayung.

PINGANDAI 8:25

Ripas ngara ko bisaksi pasar Jesus Kristus ka piagah pinganang-I, ngara pari ka Jerusalem. Darŭm ngara pari, ngara nyasa ka nyuse Agah Kana di barang anak kupo di Samaria.

HEBREW 4:13

Mating kayuh bisa dog sukan so Tapa; barang masam kayuh adi mbŭh dog napa taŭn-i tatŭng di batŭh-I. Ka ata dŭh siŭn dŭh an dapu tanggong pimudip adŭp ta di sirung jawin-I.