JOHN 3:5 - Hakcipta - Biatah Bidayuh

⁵ “Aku kidaan di kuu kayuh adi sawŭ,” Jesus nam, “mating daya tungang kinyam Pinyipritah Tapa kambŭi ayŭh dŭh dog biranak bauh ngga piin ka ngga Roh Kudus.

JOHN 3:5 ပူးပေါင်းရင်းမြစ်များ

MATTHEW 18:3

ka nang, “Puan meh! Kambŭi angān dŭh ngubah adŭp ngan ka jadi mun anak-sŭ, angān dŭh re kinyam Pinyipritah Tapa.

MATTHEW 19:24

Pari Aku nang: mbŭh rabis mbar-i daya kaya kinyam Pinyipritah Tapa so ndi onta mŭrŭt tambus rubang utos.”

MATTHEW 21:31

Aki ndi so ngara duwŭh adi ndai pinyibada sama-i?” “Adi pinuai,” ngara nam. Jadi Jesus nang di ngara, “Aku kidaan di angān: daya pinsuke ngga dayung sundar re kinyam Pinyipritah Tapa rabis diŭ so angān.

MATTHEW 28:19

Panu angān ka barang yŭn ka bada sopŭrŭg daya jadi murid Ku: baptisa ngara ngga adŭn Sama, Anak, ka Roh Kudus

MATTHEW 3:11

Aku baptisa angān ngga piin ngga kiren angān mbŭh dŭh tia bidosa, pak sianŭ adi mandŭg sundis so aku re baptisa angān ngga Roh Kudus ka apui. Ayŭh agi bās dŭ so aku; ka aku dŭh sadang kana re sirabi ka tukang taban kasut-I.

MATTHEW 5:20

Aku kidaan di angān meh garang, nang angān re tungang kinyam Pinyipritah Tapa adŭ-i kambŭi angān rabis tŭtŭd so bara gurū Ukum-adat Jahudi ka bara daya Pharisee darŭm angān ndai pinyiraan Tapa.

MARK 10:14

Kan Jesus kiris, Ayŭh tuas ka nang di bara murid-I, “Bada bara anak-sŭ anŭ mandŭg ka Aku, ka dŭhnyah kijaman ngara, sabab daya adi keya ka ngara inŭh adi kinyam Pinyipritah Tapa.

MARK 16:16

Asi asi adi sabah ka dog baptisa re siramat; asi asi adi dŭh sabah re dog nunggu.

MARK 9:47

Ka kambŭi batŭh ngan bada angān bidosa, tuket-i! Mbŭh kana dŭ inŭh angān kinyam Ong Bauh Tapa kambet so angān biyŭn soduwŭh-i ka dog taran ka darŭm neraka.

LUKE 13:24

“Ngga situngang tungang ngan suba mŭrŭt so tiban adi siit; sabab bagŭ daya taŭn re suba mŭrŭt so dieh pak dŭh tungang.

LUKE 13:3

Manŭn dŭh! Aku kidaan di angān, kambŭi angān dŭh marik pimudip ngan pari ka Tapa, sopŭrŭg ngan re kabŭs mun ngara.

LUKE 13:5

Manŭn dŭh! Ka Aku kidaan di angān, kambŭi angān dŭh marik pimudip ngan pari ka Tapa, sopŭrŭg ngan re kabŭs mun ngara anŭ gŭh.”

JOHN 1:13

Ngara dŭh jadi anak Tapa mun gaya manusia jadi anak sama-i so tibiat manusia; adŭp Tapa inŭh Sama ngara.

JOHN 3:3

Jesus nam, “Aku kidaan di kuu kayuh adi sawŭ: mating daya tungang kinyam Pinyipritah Tapa, kambŭi ayŭh dŭh dog biranak bauh.”

JOHN 3:4

“Simuki daya adi mbŭh minyamba bisa dog biranak bauh?” Nicodemus siken. “Ayŭh manŭn dŭh bisa mŭrŭt ka darŭm tain sindŭ-i ka dog biranak bauh!”

PINGANDAI 2:38

Peter nang di ngara, “Barang naan angān marik pimudip ngan pari ka Tapa, ka kambat baptisa meh ngga adŭn Jesus Kristus, isa dosa ngan bisa dog apun; ka angān re bisa kambat pinganggen Tapa, anŭ inŭh Roh Kudus.

PINGANDAI 3:19

Marik pimudip ngan pari ka Tapa, isa Ayŭh apun dosa ngan. Kambŭi angān ndai simŭnŭ,

ROME 14:17

Amai Pinyipritah Tapa dŭh inŭh pasar kayuh adi ata man puan kah kayuh adi ata nok, pak pasar pinŭnggŭn, damai, ka pinyigaŭn so Roh Kudus.

ROME 8:2

Amai ukum-adat Roh Kudus, adi bada ata udip ndi ngga Kristus Jesus, inŭh adi pirupas aku so ukum-adat dosa ngga pinyikabŭs.

1 CORINTH 15:50

Kayuh adi aku nang inŭh, bara dingan ku, kayuh adi jadi so isin ngga deya dŭh bisa sua dapu Pinyipritah Tapa, ka kayuh adi bisa kabŭs dŭh bisa dapu kayuh adi dŭh bisa kabŭs.

1 CORINTH 2:12

Pak Tapa mbŭh nggen di ata Roh Kudus. Ka anŭ inŭh sabab ata dŭh bipikir mun daya adi di ong ati bipikir. Anŭ gŭh sabab ata natŭng sopŭrŭg kayuh adi Tapa mbŭh nggen di ata.

1 CORINTH 6:11

Agi kada so angān ko mun anŭ. Pak angān mbŭh dog pibisig so dosa; angān mbŭh dog trima Tapa jadi daya-I; angān mbŭh dapŭd bamai ngga Tapa da Tuhan Jesus Kristus ka da Roh Tapa ta.

GALATIA 6:15

Dŭh-i mani, bait bisunat puan kah dŭh bisunat; kayuh adi biguna inŭh ata jadi manusia adi bauh.

EPHESUS 5:26

Ayŭh ndai simŭnŭ ngga bada eklisia jadi kudus ngga pinganang-I, ripas-I ko ngu-i da bisig di piin,

1 PETER 1:2

Angān mbŭh dog mien nanyam ka pinŭtŭn Tapa Sama, ka mbŭh dog ndai Roh-I jadi daya kudus, da nundok di Jesus Kristus ka dog pibisig ngga deya-I. Isa-i Tapa nggen pinyirasi-mandis ngga damai di angān ngga sipuno-i.

1 PETER 3:21

adi taŭn tandā pinatŭng baptisa adi nyiramat angān madin. Baptisa ati dŭh-i ngga ngu pŭrŭng ganan so kais rŭnŭk, pak-i janji ngan ka Tapa adi dog ndai so pikir-kira atin adi kana. Baptisa ati nyiramat angān so ka pinyimakat Jesus Kristus so kabŭs,

1 JOHN 2:29

Angān puan Kristus tŭnggŭn; angān patut puan gŭh, nang barang naan daya adi ndai pingandai adi batur inŭh anak Tapa.

1 JOHN 5:1

Asi asi adi sabah Jesus sawŭ Kristus, mbŭh anak Tapa; ka asi asi adi rindu sama rindu anak-i gŭh.