JOHN 3:36 - Hakcipta - Biatah Bidayuh

³⁶ Daya adi sabah di Anak dapŭd udip adi sawŭ adi tan adu adu, pak daya adi nyibireu pinganang Anak dŭh-i re dapŭd udip anŭ; ayŭh re ruro di ribo ukum Tapa.

JOHN 3:36 ပူးပေါင်းရင်းမြစ်များ

JOB 33:28

Ayŭh dŭh tandah aku di ka ong daya adi mbŭh kabŭs, ka aku babŭ udip.”

MAZMUR 2:12

kimŭtŭr ka mutu ubak ngan ka Ayŭh; kambŭi dŭh Ayŭh re rikas baji, ka angān re rasu kabŭs. Sanang inŭh sopŭrŭg adi tudu Ayŭh yŭn pinyigrindung.

MAZMUR 36:9

Kaam inŭh atak sopŭrŭg udip, ka sabab jawa Mai kieh kiris jawa.

MAZMUR 49:19

ayŭh re sua ngga tayung tayung babuk-i, di yŭn karŭm patŭ' ruro.

HABAKKUK 2:4

Ka ati inŭh pinganang anŭ: ‘Ngara adi arap re binasa, pak ngara adi tŭnggŭn re udip sabab ngara tŭtŭd di Tapa.’ ”

PINYIKIANG 32:11

‘Aku bipayu, amai ngara dŭh tŭtŭd di Aku, mating so ngara bara dari adi duwŭh puru sawa umbur-i bait adi tuuh so anŭ adi ruah so Egypt re mŭrŭt tarun tana adi Aku ko bijanji an nggen di Abraham, Isaac, ka Jacob.’

MATTHEW 25:46

Ngara anŭ inŭh adi re dog taran ka yŭn ukum ruro, pak ngara adi tŭnggŭn re dapŭd udip adi sawŭ adi tan adu adu.”

MARK 16:16

Asi asi adi sabah ka dog baptisa re siramat; asi asi adi dŭh sabah re dog nunggu.

LUKE 2:30

Ngga batŭh adŭp ku aku mbŭh kiris Ayŭh adi nyiramat mandŭg so Kaam,

LUKE 3:6

Sopŭrŭg daya re kiris Tapa nyiramat manusia!’ ”

JOHN 1:12

Pak di sopŭrŭg ngara adi trima ka sabah di Ayŭh, Ayŭh nggen hak da jadi bara anak Tapa.

JOHN 10:28

Aku nggen di ngara udip adi sawŭ adi tan adu adu, ka ngara ngaŭn dŭh re kabŭs. Mating daya re bisa sirabut ngara so tangan Ku.

JOHN 3:3

Jesus nam, “Aku kidaan di kuu kayuh adi sawŭ: mating daya tungang kinyam Pinyipritah Tapa, kambŭi ayŭh dŭh dog biranak bauh.”

JOHN 4:36

Daya adi ngatŭm kambat gaji-i; ayŭh nguruk buwa yŭn udip adi sawŭ adi tan adu adu; ka ayŭh adi purun ngga ayŭh adi ngatŭm re samah gaŭn.

JOHN 5:24

“Aku kidaan di angān kayuh adi sawŭ: daya adi dingah pinganang Ku ka sabah di Ayŭh adi pait Aku biyŭn udip adi sawŭ adi tan adu adu. Ngara dŭh re dog ukum, pak mbŭh ruah so pinyikabŭs nuju udip anŭ.

JOHN 6:58

Ati inŭh ruti adi mūn so shorga; dŭh-i mun ruti anŭ adi tayung-babuk ngan man, ka ripas anŭ ngara kabŭs. Ayŭh adi man ruti ati re udip adu adu.”

JOHN 8:51

Aku kidaan di angān kayuh adi sawŭ: daya adi dingah ajar Ku dŭh-i re kabŭs.”

PINGANDAI 14:2

Pak daya Jahudi adi dŭh sabah ngasut daya adi dŭh bangsa Jahudi da tiru di bara adi sabah.

ROME 4:15

Ukum-adat taban baji Tapa; pak di yŭn ukum-adat mating, diginŭ daya mating nyibireu ukum-adat.

ROME 5:9

Ngga deya-I ata madin mbŭh bamai ngga Tapa; jung rabis-i meh ngga adŭp-I ata re dog nyiramat so baji Tapa!

ROME 8:1

Madin daya adi udip ndi ngga Kristus Jesus dŭh re dog nunggu.

GALATIA 3:10

Daya adi bisangan di ukum-adat mbŭh udip di ribo pangu. Amai Surat-kudus agi nang, “Asi asi adi dŭh tunda sopŭrŭg kayuh adi dog nuris darŭm surat Ukum-adat agi udip di ribo pangu Tapa!”

EPHESUS 5:6

Dŭhnyah bada daya nyibudo angān ngga pinganang au-tarun; kayuh adi mun ati inŭh adi re bada baji Tapa nyatŭk ngara adi dŭh an dingah pinganang-I.

1 THESSALONICA 1:10

Ngara gŭh nang angān mbŭh kajŭn Anak-I, Jesus, mandŭg so shorga, adi-I mbŭh pakat so kabŭs ka adi pirupas ata so baji Tapa adi re mandŭg.

1 THESSALONICA 5:9

Tapa mien ata dŭh sabab-I raan ata sangsara da baji-I; Ayŭh mien ata siŭn ata dapŭd dog nyiramat so ka Tuhan ta Jesus Kristus,

HEBREW 10:29

Simuki meh ngga ngara adi ngamun Anak Tapa, adi kinarap deya simanya Tapa adi mbŭh pibisig ngara so dosa, ka adi pimangŭh Roh Kudus adi rindu ngara? Suba kira, munki masam bisā-i re tung ngara ukum!

HEBREW 2:3

Simuki meh garang ata re bisa mangān ukum kambŭi ata dŭh piduri pinyiramat bās anŭ? Adŭp Tuhan mbŭh piagah pinyiramat anŭ, ka ngara adi dingah Ayŭh mbŭh kiren di ata kayuh anŭ agi sawŭ.

HEBREW 3:18

Di andu Tapa bipayu, “Ngara dŭh re mŭrŭt tarun tana anŭ adi yŭn Ku an nggen rŭŭ-paya di ngara,” pasar asi Ayŭh nang sakanŭ? Pasar ngara adi rawan Ayŭh.

HEBREW 3:19

Madin ata puan nang ngara dŭh dapŭd mŭrŭt tarun tana anŭ, sabab ngara dŭh sabah.

PINANDŬNG 21:8

Pak ngara adi pinakut, adi nyipunok Jesus, adi sembar, adi pinyiŭ, adi udip darŭm pimudip adi dŭh tatu darŭm pingandai kais, adi ndai biruri karŭm, adi nyambah tibudo, samŭn sopŭrŭg adi pingadong; tarun yŭn ngara inŭh danu anŭ adi bijagu ngga apui ka mirirang, anŭ inŭh pinyikabŭs adi numbor duwŭh.”