JOHN 3:34 - Hakcipta - Biatah Bidayuh

³⁴ Ayŭh adi Tapa pait minyu pinganang so Tapa, sabab Tapa mbŭh nggen Roh-I di Ayŭh ngga sipuno-i.

JOHN 3:34 ပူးပေါင်းရင်းမြစ်များ

2 RAJA 2:9

Diginŭ, Elijah nang di Elisha, “Kidaan di aku ani raan mu aku ndai yŭn mu diŭ so aku dog taban ngga bu.” “Nggen di aku kuasa mai isa aku tungang gati kaam,” Elisha nam.

MAZMUR 45:7

kaam rindu kayuh adi batur ka tiru kayuh adi arap. Sabab anŭ Tapa, Tapa mai, mbŭh mien kaam ka mbŭh bada kaam sanang dŭ so tadŭ tadŭ raja adi bŭkŭn.

ISAIAH 59:21

Aku ndai simanya ngga angān: Aku mbŭh nggen di angān kuasa Ku ngga Ajar Ku adi re jadi jangān ndŭg situi tui, ka so madin angān re tunda pinganang Ku ka ngajar anak anak ngan ka sesang sesang ngan bada tunda pinganang Ku ndŭg situi tui.”

LEVITICUS 7:35

Anŭ inŭh utung sadis pinguman dog jugan ka TUHAN adi dog nggen di Aaron ngga bara anak dari-i di andu ngara dog garar jadi imam.

PINYIKIANG 11:25

Komŭnŭ TUHAN mūn darŭm abun ka minyu ngga ayŭh. Ayŭh tambit kada roh adi-I ko nggen di Moses ka nggen-i di ju puru naan bara pinguru anŭ. Kan roh anŭ mbŭh mūn di tunduh ngara, ngara nyirais sak bara nabi, pak dŭh tui.

MATTHEW 12:18

“Ati inŭh Urun Ku, adi Aku ko mien, adi Aku rindu; di Ayŭh asŭng Ku munos. Aku re pait Roh Ku di Ayŭh, ka Ayŭh re kidaan pinyitŭnggŭn Ku di sopŭrŭg bangsa.

LUKE 4:18

“Roh Tuhan agi ngga Aku, sabab Ayŭh mbŭh mien Aku da taban agah kana ka daya sirata. Ayŭh mbŭh pait Aku da piagah pinyirupas di daya-takap, pinyibua di daya adi karak, ka pinyirupas di daya adi dog kinanyuh,

JOHN 1:16

So kaya pinyirasi mandis-I Ayŭh mbŭh adu adu nyiberkat sopŭrŭg ta.

JOHN 15:26

“Pinurung, anŭ inŭh Roh Kudus, re mandŭg so Sama; Ayŭh kidaan kayuh adi sawŭ pasar Tapa. Aku re pait Ayŭh so Sama ka yŭn ngan, ka Ayŭh re minyu di angān pasar Aku.

JOHN 16:7

Pak Aku kidaan di angān kayuh adi sawŭ: mbŭh kana di angān inŭh Aku bu, sabab kambŭi Aku dŭh bu, Pinurung dŭh re mandŭg ka angān. Pak kambŭi Aku bu, Aku re pait Ayŭh ka angān.

JOHN 3:17

Amai Tapa dŭh pait Anak-I ka ong da ngukum daya; Ayŭh pait Anak-I da jadi Pinyikudip ngara.

JOHN 5:26

Nimun Sama mbŭh adŭp-I atak udip, simŭnŭ gŭh Ayŭh mbŭh bada Anak-I jadi atak udip.

JOHN 7:16

Jesus nam, “Anŭ adi Aku ngajar, dŭh-i tung jaku, pak mandŭg so Tapa adi bada Aku mandŭg.

JOHN 8:40

Anŭ adi Aku ndai inŭh kidaan di angān pinganang adi sawŭ adi Tapa ko kidaan di Aku, pak angān an siŭ Aku. Abraham dŭh ndai kayuh mun anŭ!

JOHN 8:47

Ayŭh adi mandŭg so Tapa dingah pinganang Tapa. Pak angān dŭh so Tapa, ka anŭ inŭh sabab angān dŭh an dingah pinganang Tapa.”

PINGANDAI 1:2

ndŭg andu adi ngga-I dog paad ka shorga. Diŭ so-I dog paad Ayŭh agi, ngga kuasa Roh Kudus, pitayan ngara adi-I ko mien da jadi bara pinyuruh-I.

PINGANDAI 10:38

Angān puan pasar Jesus so Nazareth ka munki Tapa mbŭh ren di tunduh-I Roh Kudus ka kuasa. Ayŭh panu ka barang yŭn, ndai pingandai kana ka pibua sinadan daya adi dog nguasa Siarap, amai Tapa agi ngga Ayŭh.

ROME 8:2

Amai ukum-adat Roh Kudus, adi bada ata udip ndi ngga Kristus Jesus, inŭh adi pirupas aku so ukum-adat dosa ngga pinyikabŭs.

EPHESUS 3:8

Aku agi siabo sŭ so sianŭ adi sŭ dupan bara daya adi Tapa mbŭh mien; pak Tapa mbŭh raru kana an bada aku taban ka daya adi dŭh bangsa Jahudi Agah Kana pasar berkat Kristus adi raru tŭrŭp-i,

COLOSSAE 1:19

Amai so pinyiraan adŭp Tapa inŭh Anak agi brimun ngga Tapa.

COLOSSAE 2:9

Adŭp Kristus inŭh Tapa, darŭm pimudip manusia-I,

PINANDŬNG 21:6

Ka Ayŭh nang, “Mbŭh kamas! Aku ati adi sibungas ngga adi sikasŭn, adi puun ngga adi pimungan. Di ngara adi aus Aku re nggen piin nok adi mandŭg so atak piin adi nggen udip, dŭh bibayar.

PINANDŬNG 22:1

Malaikat anŭ gŭh kiren di aku sungi adi nggen piin udip, adi bringam mun kristal. Piin anŭ aman so takta Tapa ngga takta Anak Biri