JOHN 3:18 - Hakcipta - Biatah Bidayuh

¹⁸ Ngara adi sabah di Anak dŭh re dog ukum; pak ngara adi dŭh sabah taŭn mbŭh tui dog ukum, sabab ngara dŭh sabah di Anak tambŭ Tapa.

JOHN 3:18 ပူးပေါင်းရင်းမြစ်များ

MARK 16:16

Asi asi adi sabah ka dog baptisa re siramat; asi asi adi dŭh sabah re dog nunggu.

JOHN 1:12

Pak di sopŭrŭg ngara adi trima ka sabah di Ayŭh, Ayŭh nggen hak da jadi bara anak Tapa.

JOHN 1:18

Manusia dŭh tungang kiris Tapa. Anak adi tambŭ, adi samah ngga Tapa ka adi ngapid Sama, mbŭh nggen puan pasar Ayŭh.

JOHN 20:31

Pak sopŭrŭg ati dog nuris siŭn angān bisa sabah Jesus ati sawŭ Kristus, Anak Tapa, ka so ka pinyabah ngan angān bisa dapŭd udip adi sawŭ.

JOHN 3:16

Tapa ruai rindu ong ndŭg ka mbŭh nggen Anak tambŭ-I, isa barang naan adi sabah di Ayŭh dŭh re kabŭs pak dapŭd udip adi sawŭ adi tan adu adu.

JOHN 3:36

Daya adi sabah di Anak dapŭd udip adi sawŭ adi tan adu adu, pak daya adi nyibireu pinganang Anak dŭh-i re dapŭd udip anŭ; ayŭh re ruro di ribo ukum Tapa.

JOHN 5:24

“Aku kidaan di angān kayuh adi sawŭ: daya adi dingah pinganang Ku ka sabah di Ayŭh adi pait Aku biyŭn udip adi sawŭ adi tan adu adu. Ngara dŭh re dog ukum, pak mbŭh ruah so pinyikabŭs nuju udip anŭ.

JOHN 6:40

Amai pinyiraan Sama Ku inŭh ngara adi kiris Anak ka sabah di Ayŭh patut dapŭd udip adi sawŭ adi tan adu adu. Ka Aku re pakat ngara di andu sikasŭn.”

JOHN 6:47

Aku kidaan di angān kayuh adi sawŭ: ayŭh adi sabah biyŭn udip adi sawŭ adi tan adu adu.

ROME 5:1

Amai madin ata mbŭh bamai ngga Tapa so ka pinyabah, ata biyŭn damai ngga Tapa so ka Tuhan ta Jesus Kristus.

ROME 8:1

Madin daya adi udip ndi ngga Kristus Jesus dŭh re dog nunggu.

ROME 8:34

Asi garang, re nunggu ngara? Dŭh-i Kristus Jesus, adi kabŭs, ka sibandar-i adi dog pakat udip bauh ka adi mbŭh tura ka tauh Tapa, bidua yŭn ta ka Tapa!

HEBREW 12:25

Ingat meh garang, dŭhnyah abah dingah sianŭ adi minyu. Daya adi abah dingah pinganang sianŭ adi mandŭg ka ong di piagah agah so Tapa, dŭh tungang nyiramat adŭp-i. Ata rabis dŭh tungang nyiramat adŭp ta kambŭi ata nyipunok Ayŭh adi minyu so shorga!

HEBREW 2:3

Simuki meh garang ata re bisa mangān ukum kambŭi ata dŭh piduri pinyiramat bās anŭ? Adŭp Tuhan mbŭh piagah pinyiramat anŭ, ka ngara adi dingah Ayŭh mbŭh kiren di ata kayuh anŭ agi sawŭ.

HEBREW 3:19

Madin ata puan nang ngara dŭh dapŭd mŭrŭt tarun tana anŭ, sabab ngara dŭh sabah.

1 JOHN 3:23

Kayuh adi-I pesan inŭh ata sabah di Anak-I Jesus Kristus ka rindu dingan ta, nimun Kristus ko pesan di ata.

1 JOHN 4:9

Ka Tapa kiren pinyirindu-I yŭn ta darŭm-I pait Anak tambŭ-I ka ong, isa ata bisa dapŭd udip adi sawŭ so Ayŭh.

1 JOHN 5:10

Jadi ngara adi sabah di Anak Tapa, biyŭn taksi anŭ darŭm atin ngara; pak ngara adi dŭh sabah Tapa, mbŭh bada Ayŭh jadi pingadong, sabab ngara dŭh sabah kayuh adi Tapa ko nang pasar Anak-I.

1 JOHN 5:12

Asi asi adi biyŭn Anak biyŭn udip adi sawŭ anŭ; asi asi adi dŭh biyŭn Anak Tapa dŭh biyŭn udip anŭ.