JOHN 3:11 - Hakcipta - Biatah Bidayuh

¹¹ Aku kidaan di kuu kayuh adi sawŭ: kieh minyu pasar kayuh adi kieh puan ka kidaan kayuh adi kieh mbŭh kiris, pak angān dŭh an trima kayuh adi nang ami.

JOHN 3:11 ပူးပေါင်းရင်းမြစ်များ

ISAIAH 50:2

“Mani daya Ku abah kambat Aku kan Aku mandŭg tudu ngara an nyiramat ngara? Mani ngara abah nam kan Aku bagan? Aku ati ramah kah, ka dŭh dapŭd nyiramat ngara? Aku bisa nyibadŭh rawŭt ngga ndi bang piminyu ka marik sungi sungi bada jadi tarun tana-sumat, isa iken iken adi darŭm-i kabŭs dŭh biyŭn piin.

ISAIAH 53:1

Daya nam, “Asi re sabah kayuh adi ata kidaan madin? Asi mbŭh kiris tangan TUHAN di kayuh ati?

ISAIAH 55:4

Aku bada ayŭh jadi pinguru ka pingubak bangsa, ka so ayŭh Aku kiren kuasa Ku di ngara.

ISAIAH 65:2

Aku mbŭh ari sidia an kambat daya Ku, adi baking buang ngandŭ ndai kayuh adi sarah ka tunda pinyiraan adŭp-i.

MATTHEW 11:27

“Sama Ku mbŭh nggen di Aku sopŭrŭg kayuh. Mating daya puan Anak adŭ-i Sama, ka mating daya puan Sama adŭ-i Anak samŭn ngara adi Anak ko mien yŭn-I pinandŭng Sama.

MATTHEW 23:37

“Jerusalem, Jerusalem! Kuu siŭ bara nabi ka manjan ngga batŭh bara pinyisung adi Tapa pait ka kuu! Pikudu kari Aku raan dakŭp sopŭrŭg daya mu, nimun sindŭ siok nguruk anak anak-i di ribo urad-i, pak daya daya mu abah!

LUKE 10:22

“Sama Ku mbŭh nggen di Aku sopŭrŭg kayuh. Mating daya puan asi Anak adŭ-i Sama, ka mating daya puan asi Sama adŭ-i Anak samŭn ngara adi yŭn Anak ko kidaan pasar Ayŭh.”

JOHN 1:11

Ayŭh di ka rais adŭp-I, pak daya rais adŭp-I dŭh trima Ayŭh.

JOHN 1:18

Manusia dŭh tungang kiris Tapa. Anak adi tambŭ, adi samah ngga Tapa ka adi ngapid Sama, mbŭh nggen puan pasar Ayŭh.

JOHN 12:49

Kayuh ati sawŭ, sabab Aku minyu dŭh so kuasa adŭp Ku, pak Sama adi pait Aku ko pesan di Aku kayuh adi dŭh siŭn dŭh Aku minyu ka nang.

JOHN 14:24

Asi asi adi dŭh rindu Aku, ayŭh dŭh tunda ajar Ku. Ka ajar adi angān dingah dŭh-i jaku, pak mandŭg so Sama adi bada Aku mandŭg.

JOHN 3:12

Kuu dŭh sabah kambŭi Aku kidaan di kuu kayuh ong; simuki meh garang kuu re sabah Aku kambŭi Aku kidaan di kuu kayuh shorga?

JOHN 3:13

Mating daya ko maad ka shorga, adŭ-i Anak Manusia, adi mandŭg so shorga.”

JOHN 3:3

Jesus nam, “Aku kidaan di kuu kayuh adi sawŭ: mating daya tungang kinyam Pinyipritah Tapa, kambŭi ayŭh dŭh dog biranak bauh.”

JOHN 3:5

“Aku kidaan di kuu kayuh adi sawŭ,” Jesus nam, “mating daya tungang kinyam Pinyipritah Tapa kambŭi ayŭh dŭh dog biranak bauh ngga piin ka ngga Roh Kudus.

JOHN 5:43

Aku mbŭh mandŭg ngga kuasa Sama Ku, pak angān dŭh trima Aku; pak daya bŭkŭn adi mandŭg ngga kuasa adŭp-i angān re trima.

JOHN 7:16

Jesus nam, “Anŭ adi Aku ngajar, dŭh-i tung jaku, pak mandŭg so Tapa adi bada Aku mandŭg.

JOHN 8:14

“Dŭh,” Jesus nam, “sunggu Aku bisaksi yŭn adŭp Ku, kayuh adi Aku nang agi sawŭ, sabab Aku puan so ki Aku mandŭg ka kamaki Aku re di. Angān dŭh puan so ki Aku mandŭg puan kah kamaki Aku re di.

JOHN 8:26

Bagŭ kayuh an Ku nang pasar angān, ngga nunggu angān. Ayŭh adi bada Aku mandŭg, bisa dog sabah, ka Aku kidaan di ong kayuh adi Aku ko dingah so Ayŭh.”

JOHN 8:38

Aku minyu pasar kayuh adi Sama Ku mbŭh kiren di Aku, pak angān ndai anŭ adi sama ngan bada angān ndai.”

PINGANDAI 22:18

Tuhan minyu ngga aku, ‘Rikas bu so Jerusalem, sabab daya digiti dŭh re an dingah taksi mu pasar Aku.’

2 CORINTH 4:4

Ngara dŭh sabah, sabab tapa adi arap di ong ati mbŭh kinarŭm pikir ngara. Ayŭh matŭn ngara so kiris jawa adi nyekar di tunduh ngara, jawa adi mandŭg so Agah Kana pasar bragah Kristus adi tigŭrŭ gayŭn Tapa.

PINANDŬNG 1:5

ka so Jesus Kristus, saksi adi tŭtŭd, adi sibungas dog pakat so kabŭs ka adi pimritah di tunduh raja raja di ong. Ayŭh rindu ata, ka ngga pinyikabŭs-I adi sadis Ayŭh mbŭh pirupas ata so dosa ta

PINANDŬNG 3:14

“Nuris ka malaikat eklisia di Laodicea: “Ati inŭh agah so Amen anŭ, saksi adi tŭtŭd ngga adi sawŭ, adi tibirik puun sopŭrŭg kayuh adi Tapa ko napa.