JOHN 2:24 - Hakcipta - Biatah Bidayuh

²⁴ Pak Jesus dŭh sabah ngara, sabab Ayŭh puan atin manusia.

JOHN 2:24 ပူးပေါင်းရင်းမြစ်များ

1 RAJA 8:39

dingah dua ngara. Dingah ngara so yŭn pinyirŭŭ Mai di shorga, apun ngara, ka turung ngara. Kaam sadi adŭ adi puan pikir-kira atin manusia. Ndai di barang naan ngara nanyam patut ayŭh trima,

1 KRONIKEL 28:9

Ka di Solomon ayŭh nang, “Nak, aku mite ngga siabo asŭng ku kuu ngaku Tapa adi Tapa sama mu ka bituan di Ayŭh ngga atin tagap ka ngga siabo pikir-kira mu. Ayŭh puan sopŭrŭg pikir-kira ngga pinyiraan ta. Kambŭi kuu jiroh Ayŭh, kuu re dapŭd Ayŭh; pak kambŭi kuu nyipunok Ayŭh, Ayŭh re tangan kuu ndŭg situi tui.

1 KRONIKEL 29:17

Aku puan nang Kaam suba atin barang naan daya, ka taŭn munos asŭng di daya adi jujur. Ngga atin jujur ka tŭnggŭn aku mbŭh ngga siabo asŭng nggen sopŭrŭg ati ka Kaam, ka aku mbŭh kiris munki masam daya Mai adi agi tikuruk digiti ngga sanang asŭng taban sadis ka Kaam.

JEREMIAH 17:9

“Asi dapŭd mirati atin manusia? Mating kayuh bŭkŭn re rabis bidikok mun atin manusia; atin anŭ mbŭh sera andam-i.

MATTHEW 9:4

Jesus puan ani di pikir ngara, ka-I nang, “Mani angān bipikir kayuh adi arap?

MARK 2:8

Jesus puan pikir ngara, jadi Ayŭh nang di ngara, “Mani angān bipikir sakanŭ?

JOHN 1:42

Komŭnŭ ayŭh taban Simon ka Jesus. Jesus tingga ayŭh ka nang, “Dŭn mu Simon anak John, pak kuu re dog kadŭn Cephas.” (Anŭ inŭh Peter, rati-i “Batuh.”)

JOHN 16:30

Madin kieh puan nang Kaam sawŭ puan sopŭrŭg kayuh, ka kieh dŭhsah tia siken kayuh di Kaam. Sabab anŭ, kieh sabah Kaam sawŭ mandŭg so Tapa.”

JOHN 21:17

Jesus siken dinge, adi pitaruh saba, “Simon anak John, rindu mu kah Aku?” Peter mbŭh susah sabab Jesus mbŭh pitaruh kari siken ayŭh, “Rindu mu kah dŭh Aku?” Jadi ayŭh nang di Jesus, “Tuhan, Kaam puan sopŭrŭg kayuh; Kaam puan aku rindu Kaam!” Jesus nang di ayŭh, “Sita biri biri Ku.

JOHN 4:16

“Panu di bagan banŭh mu,” Jesus nang di ayŭh, “komŭnŭ pari kamati.”

JOHN 5:42

Pak Aku puan asi angān sibandar-i; angān dŭh biyŭn pinyirindu di Tapa darŭm atin ngan.

JOHN 6:15

Jesus puan ngara re an tudu adŭp-I ka takan Ayŭh da jadi raja; jadi Ayŭh bu ka arong sandah sadi adŭp-I.

JOHN 6:64

Pak agi so angān adi babŭ dŭh sabah.” (Jesus taŭn puan so sibungas-i asi ngara adi dŭh sabah ka asi so ngara adi re jua adŭp-I.)

PINGANDAI 1:24

Jadi ngara bidua, nang, “Tuhan, Kaam puan pikir-kira sopŭrŭg daya, kidaan di kieh aki so ngara duwŭh ati adi Kaam mien bada jadi pinyuruh gati Judas, adi mbŭh bu ka tarun yŭn adŭp-i.”

PINGANDAI 15:8

Ka Tapa, adi puan pikir-kira daya, mbŭh kiren adŭp-I nyibandar daya adi dŭh bangsa Jahudi kan-I nggen Roh Kudus di ngara, nimun-I ko nggen di ata.

DITRONOMI 31:21

ka bagŭ mun pinyirusag adi raru arap re nyatŭk ngara. Pak ragu ati re babŭ dog nang, ka jadi taksi Ku di ngara. Ka madin gŭh, diŭ so Aku taban ngara mŭrŭt tarun tana adi Aku mbŭh bijanji an nggen di ngara, Aku mbŭh puan kayuh adi ngara pikir.”

HEBREW 4:13

Mating kayuh bisa dog sukan so Tapa; barang masam kayuh adi mbŭh dog napa taŭn-i tatŭng di batŭh-I. Ka ata dŭh siŭn dŭh an dapu tanggong pimudip adŭp ta di sirung jawin-I.

PINANDŬNG 2:23

Aku re siŭ bara pinunda-i gŭh, ka komŭnŭ sopŭrŭg eklisia re puan nang Aku ati inŭh sianŭ adi puan sopŭrŭg pikir-kira ngga pinyiraan manusia. Aku re maras barang naan so bara mu nanyam ka pingandai adŭp ngara.

1 SAMUEL 16:7

Pak TUHAN nang di Samuel, “Dŭhnyah piduri ayŭh bigatung bait ramus. Aku dŭh raan ayŭh, amai Aku dŭh mien mun manusia mien. Manusia tingga sapa pŭrŭng ganan, pak Aku tingga darŭm atin daya.”