Bine adi rabu di tarun pibatuh, rati-i ngara adi dingah agah anŭ ka kambat-i ngga gaŭn. Pak dŭh-i mŭrŭt tŭrŭp darŭm atin ngara; ngara sabah nyitiro adŭ ka kan pinyisuba mandŭg, ngara dŭh tia sabah agah anŭ.
Singarŭm ayŭh mandŭg tudu Jesus ka nang, “Rabbi, kieh puan Kaam gurū adi kana mandŭg so Tapa. Mating daya tungang ndai pingandai-nginga adi Kaam ndai adŭ-i kambŭi Tapa agi ngga ayŭh.”
Kan Ayŭh ndŭg Galilee, bara daya diginŭ ngadā Ayŭh, sabab ngara, di andu ngara di ka Jerusalem, agi kiris sopŭrŭg kayuh adi-I ndai di tipuh Gawai Paska.
Pak Aku biyŭn taksi yŭn adŭp Ku adi rabis bās so taksi adi John nggen: Kayuh adi Aku ndai so pinyibada Tapa, mbŭh minyu yŭn Ku ka kiren Aku taŭn dog pait Sama.
Pak di uruk daya bagŭ anŭ, mbŭh bagŭ adi mbŭh sabah di Ayŭh. Ngara nang, “Kan Kristus mandŭg, re bagŭ dŭ kah pingandai-nginga dog ndai-I, so tung siati?”