JOHN 2:19 - Hakcipta - Biatah Bidayuh

¹⁹ Jesus nam, “Nyirubuh Ramin Tuhan ati; darŭm taruh andu Aku re pijog-i dinge.”

JOHN 2:19 ပူးပေါင်းရင်းမြစ်များ

MATTHEW 12:40

Nimun Jonah rŭŭ darŭm tain tibande iken taruh andu taruh ngarŭm, simŭnŭ gŭh Anak Manusia re di rasan ong.

MATTHEW 16:21

So andu anŭ meh Jesus piguru kidaan ngga tarang di bara murid-I, “Aku dŭh siŭn dŭh di ka Jerusalem ka kinyam pinyusah bās so bara nyamba bangsa Jahudi, pingubak imam, ka bara gurū Ukum-adat Jahudi. Aku re dog ukum kabŭs, pak taruh andu ripas anŭ Aku re dog pakat udip bauh.”

MATTHEW 27:40

“Kuu adi re nyirubuh Ramin Tuhan ka pari pijog-i darŭm taruh andu! Nyiramat adŭp Mu kambŭi Kuu sawŭ Anak Tapa! Mūn so atuh rigang anŭ!”

MATTHEW 27:63

ka nang, “Tuan, kieh ingat di andu daya pingadong anŭ babŭ udip Ayŭh agi nang, ‘Aku re dog pakat udip bauh ripas taruh andu.’

MARK 14:58

“Kieh agi dingah Ayŭh nang, ‘Aku re nyirubuh Ramin Tuhan ati adi dog ndai so tangan manusia, ka ripas taruh andu Aku re pijog anŭ adi dŭh so tangan manusia.’ ”

MARK 15:29

Bara daya adi murah kuting ubak buang bakit Jesus: “Bah meh! Kuu nang adŭp Mu re nyirubuh Ramin Tuhan ka pijog-i darŭm taruh andu!

MARK 8:31

Komŭnŭ Jesus piguru ngajar bara murid-I: “Anak Manusia dŭh siŭn dŭh kinyam pinyusah bās ka dog tirawan bara nyamba bangsa Jahudi, pingubak imam, ka gurū Ukum-adat Jahudi. Ayŭh re dog ukum kabŭs, pak taruh andu ripas anŭ Ayŭh re makat udip bauh.”

JOHN 11:25

Jesus nang di ayŭh, “Aku ati inŭh adi pakat daya so kabŭs ka adi nggen udip. Asi asi adi sabah di Aku, sunggu-i kabŭs, ayŭh re udip;

JOHN 5:19

Jadi Jesus nang di ngara, “Aku kidaan di angān kayuh adi sawŭ: Anak dŭh bisa ndai kayuh sadi adŭp-I; Ayŭh ndai anŭ adi-I kiris Sama-I ndai. Anŭ adi Sama ndai, Anak ndai gŭh.

PINGANDAI 2:24

Pak Tapa mbŭh pakat Ayŭh so kabŭs, anŭ inŭh pirupas Ayŭh so kuasa pinyikabŭs, sabab pinyikabŭs dŭh bisa muak Ayŭh.

PINGANDAI 2:32

Tapa mbŭh pakat adŭp Jesus ati so kabŭs, ka kieh mbŭh saksi di kayuh anŭ.

PINGANDAI 3:15

Angān siŭ sianŭ adi nggen aran nuju udip adi sawŭ, pak Tapa mbŭh pakat Ayŭh so kabŭs, ka kieh ati mbŭh bara saksi di kayuh anŭ.

PINGANDAI 3:26

Ngapŭi Tapa mbŭh mien Urun-I ka pait Ayŭh ka angān diŭ, da nyiberkat angān darŭm-I bada barang naan angān marik so aran pimudip ngan adi ginaka.”

PINGANDAI 6:14

Kieh agi dingah ayŭh nang Jesus so Nazareth anŭ re nyirubuh Ramin Tuhan ati ka nukar adat adi mbŭh dog nggen di ata so Moses!”

ROME 4:24

Pinganang anŭ dog nuris yŭn ta adi re dog ngitong tŭnggŭn ani, adi sabah di Ayŭh adi pakat Jesus Tuhan ta so kabŭs.

ROME 6:4

Ngga baptisa ta ata dog kubur ngga Ayŭh ka samah ngga Ayŭh darŭm pinyikabŭs-I, siŭn nimun Kristus mbŭh dog pakat so kabŭs ngga kuasa Sama adi bragah, simŭnŭ gŭh ata bisa dapŭd udip adi bauh.

ROME 8:11

Kambŭi Roh Kudus, adi pakat Jesus so kabŭs, agi darŭm angān, Ayŭh adi pakat Kristus so kabŭs gŭh re nggen udip di pŭrŭng ngan adi bisa kabŭs, da Roh Kudus adi agi darŭm angān.

1 CORINTH 15:12

Kieh nyuse agah pasar Kristus dog pakat so kabŭs, simuki kada so angān nang daya adi kabŭs dŭh re dog pakat udip bauh?

COLOSSAE 2:12

Amai kan angān dog baptisa, angān dog kubur ngga Kristus, ka darŭm baptisa angān gŭh dog pakat ngga Kristus so ka pinyabah ngan di kuasa kraja pingandai Tapa, adi pakat Ayŭh so kabŭs.

1 PETER 3:18

Amai Kristus kabŭs ndi sidah yŭn adu adu ngga ngarun daya adi bidosa. Ayŭh dŭh biyŭn sarah pak kabŭs yŭn daya adi sarah, siŭn-I dapŭd nguru angān ka Tapa. Ayŭh dog ukum kabŭs nunda ka gaya pŭrŭng, pak dog kudip nunda ka gaya roh;