JOHN 19:6 - Hakcipta - Biatah Bidayuh

⁶ Kan bara pingubak imam ka bara adi tukang jaga Ramin Tuhan kiris Ayŭh, ngara nang ngga sirŭŭn bana, “Masak Ayŭh di rigang! Masak Ayŭh di rigang!” Pilate nang di ngara, “Tambit Ayŭh! Adŭp ngan masak Ayŭh di rigang. Adŭp ku dŭh tungang dapŭd sarah-I adi yŭn ku re bisa ngukum Ayŭh.”

JOHN 19:6 ပူးပေါင်းရင်းမြစ်များ

MATTHEW 26:58

Peter tunda so jo, ndŭg badag ramin Imam Bās. Ayŭh mŭrŭt badag ka guru ngga bara soldadu adi jaga an puan munki kayuh re.

MATTHEW 27:22

“Re simuki meh aku ngga Jesus adi dog kadŭn Kristus?” Pilate siken ngara. “Masak Ayŭh di rigang!” ngara nam.

MATTHEW 27:24

Kan Pilate kinyam mating guna tia siken, ndong ka ndai pito adŭ, ayŭh tambit piin, ngu tangan-i di sirung jawin daya bagŭ, ka nang, “Aku dŭh dapu tanggong di pinyikabŭs daya ati! Ati pingandai adŭp ngan!”

LUKE 23:4

Jadi Pilate nang di bara pingubak imam samŭn di bara daya bagŭ, “Mating sarah dapŭd ku di daya ati.”

JOHN 18:3

Jadi Judas di ka teya anŭ, taban ndi tibaran soldadu daya Rome, samŭn kada ngara adi tukang jaga Ramin Tuhan adi dog pait bara pingubak imam ka bara daya Pharisee; ngara mandŭg taban prita-siru' buang nakin pedang.

JOHN 18:31

Pilate nang di ngara, “Tambit Ayŭh ka ngukum Ayŭh nanyam ka ukum-adat adŭp ngan.” Ngara nam, “Kieh dŭh siŭn nggen ukum kabŭs di daya.” (

JOHN 18:38

“Kayuh ani adi sawŭ anŭ?” Pilate siken. Jadi Pilate pari ruah ka sapa ka nang di bara daya, “Aku dŭh tungang dapŭd sarah daya ati adi yŭn-I patut dog ukum.

JOHN 19:15

Ngara nam ngga sirŭŭn bana, “Siŭ Ayŭh! Siŭ Ayŭh! Masak Ayŭh di rigang!” Pilate siken ngara, “An kah angān bada aku masak raja ngan di rigang?” Bara pingubak imam nam, “Raja adi kieh biyŭn kaŭs-i Caesar!”

JOHN 19:4

Pilate ruah dinge ka sapa ka nang di bara daya, “Tingga, Aku re taban Ayŭh ruah ka sapa, isa angān kiris aku dŭh tungang dapŭd sarah-I adi yŭn ku re bisa ngukum Ayŭh.”

PINGANDAI 2:23

Nanyam ka atur kraja pingandai adŭp-I, Tapa mbŭh natu Jesus dog nyerah ka darŭm tangan ngan; ka angān bada Ayŭh kabŭs dog masak di atuh rigang di tangan daya bidosa.

PINGANDAI 7:52

Agi kah nabi adi dŭh tayung-babuk ngan kisiis? Ngara siŭ bara pinyisung Tapa, adi ko jah-i piagah pimandŭg Urun Tapa adi tŭnggŭn. Madin, angān mbŭh jua ka siŭ Ayŭh.