JOHN 19:11 - Hakcipta - Biatah Bidayuh

¹¹ Jesus nam, “Kuu dŭh biyŭn kuasa di tunduh Aku kambŭi Tapa dŭh nggen-i di kuu. Ka sianŭ adi nyerah Aku ka tangan mu mbŭh ndai dosa bās.”

JOHN 19:11 ပူးပေါင်းရင်းမြစ်များ

1 KRONIKEL 29:11

Kaam inŭh bās ka bikuasa, bibragah, sangŭn, ka adi siabo bigatung. Sopŭrŭg kayuh di shorga ngga di ong inŭh jamai, ka Kaam inŭh raja, pimritah sopŭrŭg kayuh.

MAZMUR 39:9

Aku re pajam, aku dŭh re nang ani ani, amai Kaam inŭh adi bada aku sangsara mun ati.

MAZMUR 62:11

Rabis so ndi sidah aku mbŭh dingah Tapa nang kuasa anŭ inŭh tung jangi

PUĀS 3:37

Pinyiraan TUHAN sadi adŭ adi ari dog pijadi.

DANIEL 4:17

Anŭ inŭh pingatur bara malaikat adi gringet ka adi marar bijaga. Jadi meh, isa-i sopŭrŭg daya di barang yŭn puan Tapa adi Siabo Bigatung biyŭn kuasa di tunduh pritah manusia ka biyŭn kuasa nggen-i di tadŭ daya adi-I mien, samŭn ngara adi siabo sŭ darŭm pangkat.’

DANIEL 4:25

Kaam re dog pibu so dupan bara manusia ka re udip bigaur ngga dudu dāng tarun. Sitŭkŭd ju sawa kaam re man kupai mun sapi, ka bŭŭs di sapa tarun ka bisa bada sipot-abun. Komŭnŭ kaam re ngaku Tapa adi Siabo Bigatung biyŭn kuasa di tunduh sopŭrŭg pritah manusia, ka biyŭn kuasa nggen-i di tadŭ daya adi-I mien.

DANIEL 4:32

Kuu re dog pibu so dupan bara manusia, udip bigaur ngga dudu dāng tarun, ka man kupai mun sapi sitŭkŭd ju sawa. Komŭnŭ kuu re ngaku nang Tapa adi Siabo Bigatung biyŭn kuasa di tunduh pritah manusia ka biyŭn kuasa nggen-i di tadŭ daya adi-I mien.”

DANIEL 4:35

Ayŭh tingga daya di ong keya ka au-tarun; malaikat di shorga ngga manusia di ong inŭh di ribo kuasa-I. Mating daya dapŭd nyakar pinyiraan-I puan kah ngika pingandai-I.

DANIEL 5:21

Ayŭh dog pibu so dupan bara manusia, ka pikir kira-i jadi mun tung dāng. Ayŭh udip bigaur ngga kaldi tarun, man kupai mun sapi, ka bŭŭs di sapa tarun ngga dŭh biyŭn ani ani ngga nutu adŭp-i so sipot-abun. Sikasŭn-i ayŭh ngaku Tapa adi Siabo Bigatung biyŭn kuasa di tunduh sopŭrŭg pritah manusia ka biyŭn kuasa nggen-i di tadŭ daya adi-I mien.

MATTHEW 26:65

Dingah sakanŭ, Imam Bās nyiratak piraka-i ka nang, “Ngujat! Ata dŭh biguna tia di saksi! Angān mbŭh dingah pinganang ujat-I!

MATTHEW 27:2

Ngara muak Ayŭh ngga parik basi, taban Ayŭh bu, ka nyerah Ayŭh ka Pilate, adi gabenor pritah Rome.

MATTHEW 6:13

Dŭhnyah tandah kieh ramah darŭm pinyabah di tika kieh dog pisuba, pak grindung kieh so Siarap.’ [Amai Kaam inŭh Raja adi bikuasa adi dapu bragah ndŭg situi tui. Amen.]

MARK 14:44

Sianŭ adi jua Jesus muko nggen tandā di bara daya anŭ: “Sianŭ adi aku sium inŭh daya adi angān raan. Nakap Ayŭh ka nakit jaga Ayŭh darŭm angān taban Ayŭh ngga bu.”

LUKE 22:53

Aku agi ngga angān barang andu di Ramin Tuhan, pak mating angān nakap Aku. Pak ati mbŭh tika yŭn angān pimanu pingandai ngan, amai kuasa karŭm mbŭh aŭn mritah.”

JOHN 18:13

ka taban Ayŭh diŭ ka Annas. Ayŭh anŭ damŭh Caiaphas, adi Imam Bās di sawa anŭ.

JOHN 18:3

Jadi Judas di ka teya anŭ, taban ndi tibaran soldadu daya Rome, samŭn kada ngara adi tukang jaga Ramin Tuhan adi dog pait bara pingubak imam ka bara daya Pharisee; ngara mandŭg taban prita-siru' buang nakin pedang.

JOHN 19:10

Pilate nang di Ayŭh, “Kuu dŭh an minyu ngga aku? Puan Mu, aku biyŭn kuasa ngga pirupas Kuu bait masak Kuu di rigang.”

JOHN 3:27

John nam, “Mating daya bisa biyŭn kayuh, kambŭi Tapa dŭh nggen.

JOHN 7:30

Jadi ngara suba an nakap Ayŭh, pak mating daya na tangan di Ayŭh, sabab tipuh-I gibayuh mandŭg.

JOHN 9:41

Jesus nam, “Kambŭi angān karak, angān dŭh bidosa. Pak amai angān nang adŭp ngan kiris tarun, sirati-i angān babŭ bidosa.”

PINGANDAI 2:23

Nanyam ka atur kraja pingandai adŭp-I, Tapa mbŭh natu Jesus dog nyerah ka darŭm tangan ngan; ka angān bada Ayŭh kabŭs dog masak di atuh rigang di tangan daya bidosa.

PINGANDAI 3:13

Tapa Abraham, Isaac, ka Jacob, adi Tapa tayung-babuk ta, mbŭh nggen bragah di Urun-I Jesus. Pak angān mbŭh nyerah Ayŭh ka darŭm tangan ngara adi bikuasa, ka tirawan Ayŭh di sirung jawin Pilate, kan ayŭh mbŭh natu an pirupas Ayŭh.

PINGANDAI 4:28

Ngara mbŭh tikuruk ka ndai anŭ adi Kaam, so ka kuasa ngga pinyiraan Mai, mbŭh natu nang re jadi.

ROME 11:36

Amai sopŭrŭg kayuh mbŭh-I napa, ka sopŭrŭg kayuh adi agi jadi so ka Ayŭh ka yŭn Ayŭh. Bragah ka Tapa ndŭg situi tui! Amen.

ROME 13:1

Barang naan ata dŭh siŭn dŭh an nundok di bara adi mritah, sabab ngara dŭh bisa mritah kambŭi dŭh so pinyibada Tapa, ka ngara adi mbŭh agi mritah taŭn-i mbŭh so ka pingatur adŭp Tapa.

JAMES 1:17

Sopŭrŭg pinganggen adi sukup kana mandŭg so shorga; ayŭh mūn so Tapa adi Pinapa jawa shorga. Ayŭh Tapa adi dŭh birubah ka bŭn re kinarŭm darŭm-I marik adŭp-I.

JAMES 4:17

Jadi meh, kambŭi ata dŭh ndai kayuh kana adi ata puan ata patut ndai, ata taŭn mbŭh bidosa.