JOHN 18:12 - Hakcipta - Biatah Bidayuh

¹² Jadi bara soldadu daya Rome ngga pingubak ngara samŭn bara adi tukang jaga Ramin Tuhan nakap Jesus, muak Ayŭh,

JOHN 18:12 ပူးပေါင်းရင်းမြစ်များ

TIBIRIK 22:9

Kan ngara mbŭh ndŭg tarun adi Tapa muko kidaan, Abraham nugung batuh ndu mija-sambah, ka tipan uwang di tunduh-i. Ayŭh mŭŭng anak-i ka na ayŭh di tunduh uwang di tunduh mija-sambah.

TIBIRIK 40:3

ka bada ngara dog kurung di ramin pingubak daya adi tukang jaga istana, samah di tarun yŭn Joseph dog kurung.

MAZMUR 118:27

TUHAN inŭh Tapa; Ayŭh kana ngga ata. Ngga daan daan kayuh di tangan ngan, piguru gawai ka baris maning mija-sambah.

MATTHEW 26:57

Ngara adi nakap Jesus taban Ayŭh ka ramin Caiaphas, adi Imam Bās, di yŭn bara gurū Ukum-adat Jahudi ngga nyamba bangsa Jahudi mbŭh tikuruk.

MATTHEW 27:2

Ngara muak Ayŭh ngga parik basi, taban Ayŭh bu, ka nyerah Ayŭh ka Pilate, adi gabenor pritah Rome.

MATTHEW 27:27

Komŭnŭ soldadu Pilate taban Jesus ka darŭm istana gabenor, ka ndi bara tibaran soldadu tikuruk maning Ayŭh.

MARK 14:53

Komŭnŭ Jesus dog taban ka ramin Imam Bās, di yŭn sopŭrŭg pingubak imam, nyamba bangsa Jahudi, ka gurū Ukum-adat Jahudi mbŭh tikuruk.

MARK 15:1

Awar isan isan bara pingubak imam bigaut ngudung ngga bara nyamba bangsa Jahudi, gurū Ukum-adat Jahudi, ka bara Kunsil, bisatur munki ngara re ngga Jesus. Ngara muak Jesus ngga parik basi ka taban Ayŭh bu, ka nyerah Ayŭh ka Pilate.

LUKE 22:54

Ngara nakap Jesus ka taban Ayŭh bu ka ramin Imam Bās; Peter tunda so jo.

JOHN 18:3

Jadi Judas di ka teya anŭ, taban ndi tibaran soldadu daya Rome, samŭn kada ngara adi tukang jaga Ramin Tuhan adi dog pait bara pingubak imam ka bara daya Pharisee; ngara mandŭg taban prita-siru' buang nakin pedang.

PINGANDAI 10:1

Agi ndi naan daya di Caesarea dŭn Cornelius, adi pingubak tibaran soldadu daya Rome adi dog kadŭn “Rejimen Italy.”

PINGANDAI 21:31

Darŭm bara daya bagŭ anŭ mbŭh suba re siŭ Paul, pinganang mbŭh dog pait ka pingibās soldadu daya Rome nang Jerusalem agi guga.

PINGANDAI 21:37

Darŭm bara soldadu mbŭh re taban Paul ka darŭm kuta, ayŭh minyu di pingibās soldadu anŭ: “Bisa aku nang kayuh di kuu?” “Kuu minyu Greek, dŭ?” pingibās anŭ siken.

PINGANDAI 23:10

Kan karit ngara mbŭh jadi kaii, pingibās soldadu anŭ, taru te Paul abo da ngara, mritah bara soldadu-i da mūn di ka tibaran anŭ, ka tambit Paul so ngara ka taban ayŭh ka kuta.

AKIM 16:21

Daya Philistine nakap ayŭh ka tuket so-duwŭh ruwang batŭh-i. Ngara taban ayŭh ka Gaza, nyirunggo ayŭh ngga parik timaga, ka bada ayŭh ndai kraja ngisar di yŭn ngisar di ramin jer.